1 ታሳ 5:11 - ኦራ ጫ̈ቃ ማጻ̈ፋ

¹¹ ዪ̈ኮታ̇ቦ ዓት ዪንቲ ዎታዚንዲፌ̈ኒ ፔታ̇ና ፔታ̇ና ሚ̈ንጋ̈ቤ፤ ፌ ኣማ̇ኒን ጋልዳ ሚ̈ጛር ኤቃ̇ምፔ̈ን ዎቶ ጋ̈ቤ።

1 ታሳ 5:11 ပူးပေါင်းရင်းမြစ်များ

ሮሜ 14:19

ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

ሮሜ 15:14

ቴ ኢሺንታን! ዪንቲ ኮሺ̇ቲባርኬ ኤራባር ኩሚኖ ኣስ ማ̈ቂኖንዲኬ ዎልዎልኣ ዞራንዳ̇ቦ ዳንዳ̇ኢዛ ማ̈ቂ̇ኖን ኪንባር ቴ ኤሪኔ።

ሮሜ 15:2

ኑ ዎይን ሜላን ፌ ኣማ̇ኒንባር ሚ̈ጛንፔ̈ን፤ ኢንታ̇ ማ̈ዲ̇ዝ ባዝኬ ኢንታ̇ ኡፋይሲ̇ዝ ባዝ ኦ̈ስቶ።

1 ቆሮ 10:23

“ኮዪኖ ባዝ ኦ̈ንዳብ ካዪዝ ባዚ ባዬ” ዎቲናካሬ ዎይ ባዚ ማ̈ዲ̇ዝ ባዝ ጊዳካ̇ዬ፤ ዎይ ባዝ ኦንዳብ ካዪዝ ባዚ ባዬ፤ ዎቲናካር ዎይ ባዚ ሚ̈ንዝ ባዝ ጊዳካ̇ዬ።

1 ቆሮ 14:12

ዪንታ̇̇ሬ ጌ̈ሻ̇ ኣያ̇ና ኢማ̇ዝ ኪልሲን ኤካ̇ንዳብ ሚ̈ጛር ኮዪዝ ኣስ ማ̈ቂ̇ኖኮታ̇ቦ፤ ዪንቲ̇ ዎይፖ̇ ሺ ኣማ̇ኒኖ ኣሳን ሚ̈ንንዳብ ዳንዳኣዝ ኪልሲን ዪንታ̇̇ብ ዎይላንፔ̈ኒ ኮዪብቴ̇።

1 ቆሮ 14:29

ካ̈ያ ካ̈ዪዝ ኣሳን ና̈ምኢ ዎይ ዓይዚ̇ ማ̈ቃ̇ሪ ሶ̈ላጋ̈ቤ፤ ሜላን ሶ̈ሊንቲኖን ሲስካ̇ሪ ኮሺንቺ̇ ማሊ̇ ቤቃ̇ጋቤ።

1 ቆሮ 14:5

ዪንቲ̇ ዎይን ኦራ ኖ̈ናባር ሶ̈ሊ̈ርኮ ቴ ዶሳ̈ርዶኒ፥ ዪኒ̇ፖ ዪንቲ̇ ካ̈ያ ካ̈ዪርኮ ቴ ሺ ዶሳ̈ሬ። ዎሳ ኬን ሚ̈ጛምፔ̈ኒ ኦራ ኖ̈ናባር ሶ̈ሊኖዲ ፌ ሶ̈ሊኖን ቢርቺባ̈ስኮ ኦራ ኖ̈ናባር ሶ̈ሊዛ̈ፖ ካ̈ያ ካ̈ዪዝ ኣሲ ሺ̈ሬ።

2 ቆሮ 12:19

ዓኖ̇ ዬላ̇ር ዪንቲ̇ ቆፓ̇ዚንዳ ኑ ዪንታ̇̇ ቲ̈ን ኤቃ̇ሪ ኑ ኑ̈ና ማ̈ዳ̇ንዳቦ ሶ̈ሊዛ ዪንታ̇ክ ማይጺ̈ራ? ኑ̈ኒ ክርስቶ̈ሳባር ማ̈ቃ̇̈ሪ ጾ̈ሳ̇ ቲ̈ን ሶ̈ሊ̈ሬ፤ ኑ ላጋ̇ን! ኑ ዓ ዎይ ዎቲዛ̈ዲ ዪንታ̇ ሚ̈ንንዳቦ ጋ̈ሪዬ።

ኤፍ 4:12

ዪኖ̇ ኢ ኦ̈ኖንዳ ክርስቶ̈ሳይ ማ̈ቂ̇ኖ ኣሳን ሚ̈ጛምፔ̈ንኬ ኢንቲ ጾ̈ሳ̇ ኦ̈ሳ ኦ̈ምፔ̈ኒ ጊ̈ጊንቲ̇ኖ ኣስ ማ̈ሳንዳቦ።

ኤፍ 4:16

ኣሳቦ ዎ ዱማ ዱማ ጋ̈ላ̇ን ሻሽ̇ባር ዎልኣ ፔታ̇ን ኤ̈ንቲ̇ኖ̈ዲፌ̈ኒ ኣማ̇ኒዝ ኣሳን ዎልዎልኣ ኤ̈ንቲ̇ኖ̈ዲ ክርስቶ̈ሳባራ፤ ዪ̈ኮታ̇ቦ ዪን ዱማ ዱማ ጋላ̇ን ፌ̈ብ ኢሚ̇ኖ ኦ̈ሲን ኮሺንቺ̇ ፎቴጌይንዶ ጋሊ̇ ዎይ ዲጪ̇̈ሬ፥ ማ ካንባራ ሚ̈ጚ̈ሬ።

ኤፍ 4:29

ዪንታ̇ ኖ̈ና ጋርታፖ ኢታ̇ ሶ̈ሎ ኬስካፖ̇ጋ̈ቤ ዎቲናካሬ ኮሺ̇ኖንዲፌ̈ኒ ሲስኪ̇ዝ ኣሳንቦ ኡፋይሲዝ ባዝኬ ሚ̈ንንዳብ ማ̈ቂ̇ዝ ባዝ ሶ̈ሊብቴ።

1 ታሳ 4:10

ዪንቲ ማ̈ቂዶ̈ና ጋዳ̇ ዎ ኣሳን ዎይ ካሬ፤ ዎቲናካር ቴ ኢሺንታ̇ን! ኑ ዓት ዪንታ̇ ዞራዚንዳ ቲ̈ኖምፖ̇ ኣ̈ሪ ዪንቲ̇ ኢንታ̇ ካምፔ̈ኔ።

1 ታሳ 4:18

ዪ̈ኮታ̇ቦ ዪና̇ ቃ̈ሊንባራ ዎልዎልኣ ሚ̈ጚንቲ̇ብቴ።

1 ጢማ̈ 1:4

ቶሳብኬ ዉርሲ ባዮ̇ ዜ̈ር ፋይዳ ጋርታ̇ ማ̈ቃ̇ር ጌላካ̇ዮ̈ዲፌ̈ኒ ኢንታ ኪ̈ታ̇ቤ፤ ዪን ባዛን ዋች ኤሄይርዶኬ ኣማ̇ናባር ኦ̈ዝ ጾ̈ሳ̇ ኦ̈ሳቦ ማ̈ዲ̇ባ̈ሴ።

ኢብ 10:25

ዎል ዎልኣ ዬላ̇ሪ ዎል ዎልኣ ሚንስቶዶኬ ፔታ̇ን ፔታ̇ናን ዎል ዎልኣ ሺ̈ቃዚን ኣሺ̇ኖንዲፌ̈ኒ ኑ ዎልኣ ሺቃዚን ኣሺ̇ባ̈ዳ፤ ዪኒ̇ፖ ሺ ጎዳ ዬ̈ዚን ቃሚ̇ን ኡኪ̇ኖን ቆፒ̇ሙታዶሪ ቲ̈ኖንፖ ሺ ዪንታ̇ ሺ̈ቂን ሚ̈ንብቴ።

ኢብ 3:13

ዎቲናካሬ ዪንታ̇̈ ጋርታ ኦ̈ናካሬ ናጋራባር ባሊታ̇ሪ ኪ̈ቲንታካ̇ይ ኣታካ̇ዮ̈ዲፌ̈ን ዓታ̇ቦ ጊያ̈ቦ ጋ̈ካ̇ይዶ̈ር ዎይ ጋላስ ዎል ዎልኣ ሚ̈ንብቴ።

2 ጴጥ 1:12

ዪን ባዛን ዪንቲ ኤራሪ ዪንቲ̇ ኤ̈ኖ ኪንንባር ሚ̈ጛር ዶኢኖ ማ̈ቂ̇ናካሬ ታ̈ኒ ዪን ባዛን ዪንታ̇ ቆፊሳዚን ኣሻ̇ባሴ።

ዪሁ 1:20

ዎቲናካር ቴ ላጋ̇ን! ዪንቲ̇ ዎይፖ ሺ ጌ̈ሽ ማ̈ቂ̇ኖ ዪንታ̇ ኣማ̇ኒንባራ ሚ̈ጚብቴ፥ ማ ጌ̈ሻ ኣያ̇ና ኢማ̇ዝ ዎልቂ̇ንባራ ዎ̈ሲ̇ብቴ።