5 ጾ̈ሳ̇ ኤሪባ̈ሶ ኣሳንፌ̈ኒ ኦሎላብ ኢና̇ ኢንታ̇ብ ዶኣፖጋ̈ቤ።
ዪን ባዛን ዲጛንዳ̇ቦ ጾ̈ሳ̇̇ ኤሪባ̈ሶ ኣሳንር ዎይ ዎጺቲሬ̈፤ ዪን ዎይ ዪንታ̇ብ ኮሻ̇ዚን ኣፋ ዎ ዪንታ̇ ባ̈ባ ኤሪ̈ሬ።
ዪዚ ኣላማ ጋልዳ̇ ዎ ኣሲ ዎይ ዪኖ̇ ዲጛንዳ̇ብ ዎጺቲ̇̈ሬ፤ ዎቲናካር ዪንታ̇ ባ̈ባ̈ዲ ዪኖ̇ ዪንታ̇ብ ኮሻ̇ዚን ኤሪ̈ሬ።
ቴ ዪንታ ካታሚን ጋርታ ዬ̇ ቢሪንታ ዪንቲ̇ ጎሽቲ̇ዝ ባዛን ቤቃ̇ዚምባ̇ራ ‘ኤሪንቲ̇ባ̈ሶ ጾ̈ሳ̇̇ቦ’ ጌይዝ ጺፋታ ዎ̈ ዣ̈ርሻ̇ ቤስ̇ ቤቂ̇ንዶ̈ን፥ ዪዚ ዪ ዪንቲ̇ ኤራካ̇ይዶር ጎይኒዛ ኢያ ቴ ዪንታ̇ብ ሶ̈ላንዳ።
ዪ̈ኮታ̇ቦ ኢንቲ̇ ዎልዎልኣ ፌ ጋል ጌ̈ቲን ጋልዳ ዬልቂዝ ኦ̈ሳ ኦ̈ምፔ̈ኒ ጾ̈ሲ̇ ኢ̈ታ ኢና̇ቦ ኢንታ̇ ኣ̈ ኢሚ̇ዴ።
ዪኒ̇ጊሻቦ ጾ̈ሲ̇ ኢንታ̇ ማ̈ዲባ̈ሶ ዬልቂዝ ኢና̇ቦ ኣ̈ ኢሚ̇ዴ፤ ኢንታ ማጫ̇ን ጾሲ̇ ኢንታ̇ብ ኢሚ̇ኖ ዎጊን፥ ማጮ ኣቲናባር ሱርቃ̇ዚን ኣሻ̇ሪ ማጮ̇ ማጫ̇ባር ሱርቂ̇ዴ።
ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ።
ኣሲ ፌ ኤራባር ጾ̈ሳ̇ ኤራንዳብ ዳንዳኣካይፌ̈ኒ ጾ̈ሲ ፌ ኤራባር ዎቲዴ። ዎቲናካሬ ኣሲ ቦ̈ዛ ባዝፌ̈ን ፋይዲኖ ኑ ሳባ̇ኪኖ ቃ̈ሊምባ̇ራ ኣማ̇ኒዝ ኣሳን ፋንዳቦ ጾ̈ሲ̇ ዶሲዴ።
ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ።
ዪንቲ̇ ሚን ጾ̈ሳ̇ ኤራናፖ ቲ̈ን ጾ̈ስ ጊዳካ̇ዮ ባዛቦ ኣይላ ማ̈ቂ̇ ኪ̈ቲንቲ̇ሙታ̇ ጋምኢኔ።
ዪና̇ ኢዝ ኬ̈ሊ̇ምባራ ዪንቲ̇ ክርስቶ̈ሳ ጋልዳፓ ፋጊንቲ፥ ማ ኢስሬ̈ላ ዜርንባራ ፔቲ̇ቲ ዪንታ̇ብ ባዮ̇ ኣስ ማ̈ቂ፥ ጾ̈ሳ̇ ኢስሬ̈ላንቦ ኢሚ̇ኖ ታስፋ ቃ̈ሊን ኤሪባ̈ሶ ዛቃ̇ ኣስ ማ̈ቃ̇ሪ፥ ማ ዓኒ̇ ኣላሚን ጋልዳ̇ሬ ታስፋ ዪንታ̇ብ ባዮ̇ ኣስ ማ̈ቃ̇ር ዎን ዪንቲ̇ ቆፒ̇ብቴ።
ዪ̈ኮታ̇ቦ ሳ̈ዝ ጋልዳ ዎ ባዛብ ኢኒ̇ታዝ ኢ̈ታ ኢኒ̇ን ዎይ ዎብቴ፤ ዪንሬ፦ ኦሎ̈ላ፣ ቱኒቲ፣ ዲርጊስ፣ ኢ̈ታ̇ ኢና̈ኬ ዎይባዝ ታ̈ብ ማ̈ቆ̇ ጌንት፤ ዎይባዝ ታ̈ብ ማ̈ቆ̇ ጌይዛ̈ዲኬ ኤ̈ቃብ ጎይኒዛ̈ዲክ ዎልኣ ፔታ̇ኔ።
ኢ ዬይዛ̈ዲ ታማ ላባራ፤ ዪኒ ጋላ̇ስ ጾ̈ሲ ኢያ ኤሪባ̈ሶ ኣሳንኬ ጎዳ ዬሱ̈ሳ ዎጛሊምቦ ኪ̈ቲንቲ̇ባ̈ ኣሳን ኢንታ ጋልዳ ፊርዲ̈ሬ።
ጾ̈ሳ̇̇ ኤሪባ̈ሶ ኣሳን ዎታዚንዲፌ̈ኒ ኣሲቲ ኢ̈ታ ኢኒ̇ን ኩምሙታ፣ ማሲቲሙታ፣ ዎልኣ ሺ̈ቃር ኡሽኪ̇ ማሲታሪ ዶጚ ዬጺ̇ሙታ̇፣ ማቃ ጾ̈ሳ̇̇ብ ጎይኒሙታ ኣ̈ኖ ቲ̈ኖ ኬሊ̇ን ዪንታ̇ብ ጊዶጋ̈ቤ።
