4 ኣሲ ዎይ ፌ̈ ጋሊ̇ንዶ ጌ̈ሺቲባርኬ ቦንችባር ና̈ጋዚን ኤሮጋ̈ቤ።
ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።
ዪ̈ኮታ̇ቦ ኢንቲ̇ ዎልዎልኣ ፌ ጋል ጌ̈ቲን ጋልዳ ዬልቂዝ ኦ̈ሳ ኦ̈ምፔ̈ኒ ጾ̈ሲ̇ ኢ̈ታ ኢና̇ቦ ኢንታ̇ ኣ̈ ኢሚ̇ዴ።
ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።
ታ̈ኒ ዓኒፌ̈ን ኣሳብ ጌሊዝ ጎይባር ሶ̈ላዚንዳ ዴ̈ጺዝ ሶ̈ላ ሶ̈ሌጌይንዶ ዪንታ̇̇ቦ ጌላባሶንኮታ̇ቦ። ዪንቲ̇ ሚን ጎዳ ኣማ̇ናናፖ ቲ̈ን ዪንታ̇ ኣሲቲን ቄ̈ ባዛብኬ ዉጫ ኦ̈ሳብ ኣይላ ማሂኖንዲፌ̈ኒ ዓት ዪንቲ̇ ጺላ̇ ኦ̈ሳ ኦ̈ንዳቦ ጺሊ̇ቲብ ኣይላ ማ̈ቂ̇ብቴ።
ዪንታ̇ ኣሲቲንዳ ክርስቶ̈ሳ ኣሲቲንባር ዎል ፔታ̇ን ማ̈ቂ̇ኖን ዪንቲ̇ ኤሪባ̈ሳ? ዪዚ ዪዶኮ ታ̈ኒ ክርስቶ̈ሳ ኣሲቲን ኤካ̇ራ ኦሎላ ጋዲ̇ዝ ኣሲን ኣሲቲንባራ ዎል ፔታ̇ን ማ̈ሳንዳብ ኮሺ̇̈ራ? ዉርሲ ኮሺ̇̈ባሴ!
ዎቲናካሬ ኦሎ̇ላ ጋልዳፖ ቡ̈ታ̇ንዳቦ ኣቲና ጌይዛ ዎይ ማጫ ኤኮ̇ጋ̈ቤ፤ ማጫ̇ንሬ ዎይንቦ ኣስኒ ኢንታ̇ብ ዶኣጋ̈ቤ።
ዎቲናካሬ ዪንታ̇ ኢኒ̇ን ጋማንዳቦ ዪንታ̇ብ ዳንዳኢንታ̇ካ̇ይ ኣቴ̇ጌይን ኣቲና̈ዳሬ ማጫ̇ ኤኮ̇ጋ̈ቤ ማጫ̇ናኣር ኢስታ̇ጋ̈ቤ። ኢና̇ባር ዓይቃ̇ናፖ̇ ማጫ̇ ኤኪ̇ዛ ኮሼ፤ ማጪንዳር ኢስታዚን ኮሼ̇።
ዎቲናካሬ ዪ̈ ዎይፖ̇ ሺዝ ዎልቃ̈ዲ ጾ̈ሳ̇ዳይዶኬ ኑዪ ጊዳካ̇ዮን ኤሪታምፔ̈ኒ ዪና̇ ቦንች ባዚንዳ ሳ̈ዝባር ኮቺ̇ንቲ̇ኖ ኢቃ ማይጺዛን ኑ ጋርታ ዎ።
ቴ ኢሺንታ̇ን! ዉርሲ ጋልዳ ቴ ጋ̈ዚንዳ፥ ኪን ማ̈ቂ̇ኖ ባዝ፥ ቦንቺ̇ንቲ̇ኖ ባዝ፥ ኮሽ ማ̈ቂ̇ኖ ባዝ፥ ጺላ̇ ማ̈ቂ̇ኖ ባዝኬ ካንቲ̇ኖ ባዝ ዎይ ኮሺቲር ማ̈ቂ̇ን ጋላታር ማ̈ቂ̇ን ዪንፌ̈ኖ ባዛን ቆፒ̇ብቴ።
ኣስኒኬ ማቺ̇ኬ ዎልዎልኣ ፔታ̇ና ፔታ̇ና̈ቦ ኣማ̇ኒንቲኖ ማ̈ቃ̇ሪ ዎይ ፌ ኣ̈ሊን ቦንቾጋ̈ቤ። ኦሎላ ጋዲ̇ዛንኬ ፌ ኣ̈ላብ ኣማ̇ኒንቲ̇ባሶን ጋልዳ ጾ̈ሲ ፊርዲ̇̈ሬ።
ኣስኒንታ̇ን! ዪንታ̇ ማጫ̇ንባር ኮሽ ቆፊባር ዶኢብቴ̇፤ ማጫን ዪንታ̇ፌ̈ን ሚ̈ን ባዮ̇ኮታ̇ብኬ ኢንቲ̇ ሼምፓ ኣንጂንዶ ዪንታ̇ባር ዎልኣ ኤኪ̇ዛኮታቦ ዪንቲ ኢንታ ቦንቺ̇ብቴ፤ ዪንቲ̇ ዪኒፌ̈ን ዎቴጌይን ዪንታ̇ ዎ̈ሲን ጾ̈ሳ̇̇ ዋይታ̇ ኣ̈ካ̇ይፌ̈ን ካዪዝ ባዚ ዶኢባ̈ሴ።
