1 ታሳ 4:11 - ኦራ ጫ̈ቃ ማጻ̈ፋ

¹¹ ዓኒ̇ፖ ቲ̈ን ኑ ዪንታ̇ ኪ̈ቲ̇ኖንዲፌ̈ኒ ኣስ ሜላ ዋ̈ዪካይዶር ዚምጋ̈ር ዶኣንዳብ ኮዪብቴ፤ ዪንታ̇ ጌልሲባ̈ሶ ባዝ ጋርታ ጌላፒ̇ቴ፥ ማ ዪንታ̇ ኩሽ ጌ̈ቲምባር ኦ̈ር ሙብቴ፤

1 ታሳ 4:11 ပူးပေါင်းရင်းမြစ်များ

ማ̈ርቆ̈ሳ 13:34

ዪና̇ሬ ፌ ኣ̈ሊን ኣሻ̇ሪ ሜላ ጋዳ̇ ሉኪ̇̈ርዶ̈ር ፌ ኣሽካራንቦ ዱማ ዱማ ኦ̈ሳ ኢማ̇ሪ ፌ ኣ̈ሊን ና̈ጊዝ ና̈ሳ̈ባሬ ሚ̈ጚ ና̈ጋምፔ̈ን ሶ̈ላሪ ሉኪ̇ኖ ኣስፌ̈ኒዬ።

ሃዋ̈ራታን ኦ̈ሳ 18:3

ኢ ኢንታ̇ኮንዲፌ̈ኒ ዱንካ̈ና ሲኪ̇ዝ ኣስ ማ̈ቂ̇ኖኮታ̇ቦ ኢንታ̇ባር ዶኣሪ ዎልኣ ኦ̈̈ሬ።

ሃዋ̈ራታን ኦ̈ሳ 20:35

‘ዓኒ ኤኪ̇ዛ̈ፖ ጌዳ ኢሚ̇ዛ̈ዲ ኣንጂንቲኖ ኣሴ’ ጋ̈ዚን ጎዳ ዬሱ̈ሳ ቃ̈ሊን ቆፒ̇ ሙታ̇ዶ̈ሪ ኑ ኩሽባር ኦ̈ ሙታ̇ ዳ̈ቡሪኖን ማ̈ዳ̇ንዳብ ኮሻ̇ዚን ዎይሊን ጎይባራ ቴ ዪንታ̇ ቤይሲኔ” ጌይዴ።

ሮሜ 12:11

ዳ̈ቡራካ̇ይዶር ኡፋይስባር ኩሚኖ ቡ̈ዳባራ ጎዳ̈ቦ ኦ̈ብቴ።

ሮሜ 15:20

ሜላ ኣሲ ሳባ̇ኪ ዣማ̇ሪኖ ቤስ̇ ጋልዳ ጊዳካ̇ይዶ̈ን ክርስቶ̈ሳ ሱምንዳ ሲስኪንታ̇ካዮ ቤሳ̈ን ጋርታ̇ ሉካ̇ራ ሳ̈ባ̇ካንዳቦ ታ̈ኒ ዎይ ጋላስ ኢኒ̇ታ̈̇ሬ።

1 ቆሮ 4:12

ኑ ኩሽ ጌ̈ቲምባር ኦ̈ ዳቡሪ̈ሬ፤ ኣሲ ኑ̈ና ባ̈ዳ̇ምባር ኑ ኢንታ̇ ኣንጂ̇̈ሬ፤ ኑ̈ና ዳካ̇ምባራ ጋርዢ̈ሬ።

2 ቆሮ 5:9

ዓና̇ ሳ̈ዶ ኑ ኣይሺ̇ንባራ ኑ ዶኢናር ዎይ ኢዝ ጋልዳፖ̇ ፋጊንቲናካሬ ኑ̈ኒ ጎዳ ኡፋይሳ̇ንዳብ ሙታ̇ ቆፒ̈̇ሬ።

ኤፍ 4:28

ሚን ዉ̈ቂ̇ዝ ኣሲ ዓኒፖ̇ ጌዳ ዉስ ዉቃ̇ፖ̇፤ ዪ̈ፖ̇ ሜቲንቲ̇ኖንቦ ኢሚ̇ዝ ባዚ ኢ̈ብ ዶኣምፔ̈ኒ ፌ ኩሽ ጌ̈ቲምባር ኮሽ̇ ማ̈ቂ̇ኖ ባዝ ኦ̈ሙታ ዲጛንዳብ ሚ̈ጛር ዋ̈ዮጋ̈ቤ።

1 ጢማ̈ 2:2

ኑ̈ኒ ጾ̈ሳ̇̇̈ቦ ኪ̈ቲንቲ̇ሙታ፥ ጌ̈ሺ̇ቲባርኬ ሳሪቲባር ዶኣምፔ̈ኒ ካ̈ቲንታ̇ንብኬ ሲልጣ̈ና ጋ̈ልዳ ዎንቦ ዎይ ዎ̈ሳ̇ንዳብ ኮሺ̇̈ሬ።

1 ጢማ̈ 5:13

ማ ኦ̈ሳ ኦ̈ዛ ኣሻ̇ሪ ኣሳ ኣ̈ል ጋርሳባር ዬሬ፤ ዪ̈ሙታ̇ ጊዳካ̇ይዶን ኣስ ጌስቲ፥ ኢንታ ጌልሲባ̈ሶ ባዝ ጋርታ ጌሊ ኢንታ̇ብ ኮሺባ̈ሶ ሶ̈ላ ሶ̈ሊዝ ኣስ ማ̈ቂ̇̈ሬ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

1 ጴጥ 3:4

ዪንታ̇ ቆይሲንዳ ጾ̈ሳ̇ ቲ̈ን ጴች ቦንቺንቲ̇ኖ ዎይ ጋላስ ዪባ̈ሶ ጌ̈ጻንባር ማ̈ቆ̇ጋ̈ቤ። ዪንሬ ኣሽካ ማ̈ቃር ዶኢዛ̈ዲኬ ጻባያባር ዶልቆቃ ማ̈ቃ̇ር ዶኢዛ ቡ̈ዳ ጋርቶ ቆይሲ።

1 ጴጥ 4:15

ዪንታ ጊዳ̇ ኦ̈ናካር ማ̈ቂ̇ን ሼምፓ ዎሪ፣ ዉ̈ቃ̇ሪ፣ ኢ̈ታ ባዝ ኦ̈ሪ ማ ኢያ ጌልሲባ̈ሶ ባዝ ጋርታ̇ ጌላሪ ሜታ ኤኪ̇ዝ ኣስ ማ̈ቃፖ̇ጋ̈ቤ።