1 ታሳ 4:1 - ኦራ ጫ̈ቃ ማጻ̈ፋ

¹ ዪዚ ቴ ኢሺታ̇ን! ጾ̈ሳ̇ ኡ̈ፋይሳ̇ር ዶኣዝ ጎይን ዪንቲ ኑ ጋልዳፖ ታማ̈ሪኔ፤ ዓታ̇ር ዪንቲ ዪና̇ ኢዝፌ̈ን ዶኢሙታ̇ ዎ፤ ኑ ዓት ጎዳ ዬሱ̈ስ ክርስቶ̈ሳ ሱምባራ ዪንታ̇ ጌሻዚንዲኬ ዪንታ̇ ዞራዚንዳ ዪንቲ̇ ዓኒ̇ፖ ቲ̈ን ኦ̈ዚምፖ ሺሻር ኦ̈ምፔ̈ኔ።

1 ታሳ 4:1 ပူးပေါင်းရင်းမြစ်များ

ዋ̈ኒ̇ሳ 15:2

ኢያሬ ቴ ጋልዳ̇ ዎ ኣፍ ካጺ̇ባ̈ሶ ሻቃን ዎይ ቃጻ̇ር ቶጚ̈ሬ፤ ኣ̈ፍ ካጺ̇ዝ ሻቃን ዎይ ኮሺንቺ̇ ኣ̈ፍ ካጻ̇ምፔ̈ን ሳሂ̈ሬ።

ሃዋ̈ራታን ኦ̈ሳ 20:27

ኣባ ጌይን ጾ̈ሳ̇̇ ቆፊን ዎይ ቴ ዪንታ̇ብ ሶ̈ላዴ፤ ቴ ዪንታ̇ብ ሶ̈ላካ̇ይ ኣሺ̇ኖ̈ ባዚ̈ ኣባካር ባዬ̇̈።

ሮሜ 8:8

ኢንታ ኣሲቲን ኢንታ̇ክ ጋ̈ዝ ባዚምቦ ኪቲ̇ንቲዝ ኣሳን ጾ̈ሳ̇ ኡፋይሳ̇ንዳብ ዳንዳኢባ̈ሴ።

1 ቆሮ 11:23

ታ̈ኒ ጎዳ ጋልዳፖ̇ ኤኪ̇ኖ ቲሚርቲ̇ንዶ ዪንታ̇̇ብ ታማ̈ርሲኔ፤ ዪና̇ሬ፥ ኣሳን ጎዳ ዬሱ̈ሳ ዓይቃብ ኣ̈ ኢማ̇ዝ ጋላሲን ኦማ ኢ ሶ̈ሊ̇ን ዲንሪ፥

1 ቆሮ 15:1

ቴ ኢሺንታ̇ን! ቴ ዪንታ̇ ታማ̈ርሲኖን ዎጛላ ቃ̈ሊን ዪንታ̇̇ብ ኤልቅ ዎታንዳ̇ብ ኮያ̈ሬ። ዪና̇ ዎጛላ ቃ̈ሊንዳ ዪንቲ̇ ኢዞ ሲስኪሙታ̇ኬ ኢዝባር ኤቂ̇ ዎንዶ።

1 ቆሮ 15:58

ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።

2 ቆሮ 10:1

ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 5:9

ዓና̇ ሳ̈ዶ ኑ ኣይሺ̇ንባራ ኑ ዶኢናር ዎይ ኢዝ ጋልዳፖ̇ ፋጊንቲናካሬ ኑ̈ኒ ጎዳ ኡፋይሳ̇ንዳብ ሙታ̇ ቆፒ̈̇ሬ።

2 ቆሮ 6:1

ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

ጋላ̈ታ 6:1

ቴ ኢሺንታ̇ን! ኣሲ ኦ̈ናካሬ ናጋራባር ኬዴ̇ጌይንዶ̇፥ ዪንቲ̇ ጌ̈ሻ̇ ኣያ̇ናባር ዬ̇ዛን ዪ̈ዲፌ̈ኖ ና̈ሳ̈ዳ ኣሽኪቲባራ ኢያ ማሂብቴ̇። ማ ኔ̈ናር ናጋራ ጋርታ ኬዳካ̇ዮ̈ዲፌ̈ን ኔ ቆሚ̇ን ና̈ጋቤ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ኤፍ 4:20

ዎቲናካሬ ዪንቲ̇ ክርስቶ̈ሳ ጎይ ታማ̈ሪኖንዳ ዪንዲዝ ጊዳካ̇ዬ።

ኤፍ 5:17

ዪ̈ኮታ̇ቦ ጎዳ̇ዲ ኮያዚን ኣብዚኮ ኢዞ ቆ̈ፓ̇ር ኤሪብቴዶኬ ቦ̈ዛ ኣስ ማ̈ቃፒ̇ቴ።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 1:9

ዪንታ̇ ካንንዳ ጴች̇ ኤራባ̈ርኬ ቆ̈ፊ̈ባራ ቲ̈ኖንፖ ኣ̈ር ዲጫ̇ሙ̈ታ ሉካ̇ምፔ̈ን ቴ ጾ̈ሳ̇̇ ዎ̈ሳ̇̈ሬ።

ፊል 3:14

ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ታ̈ና ፉዳ ጼይጊኖኮታ̇ቦ ኢ ታ̈ብ ኢማ̈ዝ ሺልማ̈ቲን ኤካ̈ንዳቦ ሚ̈ጛር ቤስ̇ ኢዞ ዬላ̇ንዳብ ዎጻ̇̈ሬ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 2:6

ዪዚ ዪንቲ̇ ጎዳ ዬሱ̈ስ ክርስቶ̈ሳ ኣማ̇ኒኖንዲፌ̈ኒ ኢባ̈ራ ዶኢብቴ።

1 ታሳ 3:12

ኑ ዪንታ̇ ካዚንዲፌ̈ኒ ዪንቲ̇ ዎልዎልኣ ካንታ̇ምፔ̈ንኬ ማ ዪንቲ̇ ሜ̈ላን ካዝ ካንን ዎይላ ዲጫ̇ምፔ̈ኒ ጎዳ ዪንታ̇ ማ̈ዶ̇ጋ̈ቤ።

1 ታሳ 4:2

ጎዳ ዬሱ̈ስ ክርስቶ̈ሳ ሱምባራ ዎኒ̇ፌ̈ኖ ኪ̈ታ ኑ ዪንታ̇ቦ ኢሚ̇ኖኮ ዪንቲ̇ ኤሪ̈ር።

1 ታሳ 5:12

ቴ ኢሺንታን! ዪንታ̇ ጊዳ̇ ኦ̈ሳባር ዳ̈ቡሪዛን ጎዳ ዬሱ̈ሳባር ዪንታ̇ብ ኣላቃ ማ̈ቂኖንኬ ዪንታ̇ ዞሪዛን ቦንቻ̈ምፔ̈ን ኑ ዪንታ̇ ጌሺ̇̈ሬ።

2 ታሳ 1:3

ኑ ኢሽንታን! ዪንታ̇ ኣማ̇ኒንዳ ዎይ ጋላስ ዲጫ̇ሙታ ሉካ̇ዚንኮታ̇ብኬ ዪንታ̇ብ ዎልዎልኣ ዎ ካንንዳ ዲጫ̇ሙታ̇ ሉኪ̇ኖምቦ ኑ̈ኒ ዪንታ̇ጊሻ̇ቦ ዎይ ጋላስ ጾ̈ሳ̇ ጋላታንዳብ ኮሺ̇̈ሬ።

2 ታሳ 2:1

ኑ ኢሺንታ̇ን! ኑ ጎዳ ዬሱ̈ሳ ዬንቲ̇ን ጎይኬ ኑ̈ናር ኢባር ዶኣንዳቦ ኢ̈ክ ሺ̈ቃዚን ጎይ ቴ ዪንታ̇ ጌሻዚንዳ ዓኖ̇፦

2 ታሳ 3:1

ዪዚ ዉርሲ ጋልዳ ኑ ኢሺንታ̈ንሶ! ጎ̈ዳ ቃ̈ሊን ዪንታ̇ክ ዬላ̇ ሻኪ̇ኖንዲፌ̈ኒ ዎይ ቤስ̇ ዬላንፔ̈ንኬ ቦንቺንታምፔ̈ን ኑ̈ቦ ዎ̈ሲ̇ብቴ።

2 ታሳ 3:13

ዎቲናካሬ ኑ ኢሺንታ̇ን! ኑ̈ና ዳ̈ቡርሲ̇ኔ ጋ̈ሪ ኮሽ ኦ̈ሳ ኦ̈ንዳብ ቦ̈ሳፒ̇ቴ።

1 ጢማ̈ 5:21

ኔ̈ኒ ኦ̈ዝ ባዝ ዎይባራ ፔታ̈ናዳ ፔታ̈ናፖ ሺሻር ቤኣካ̇ይዶራ ዓና̇ ቴ ኔ̈ብ ኢሚ̇ኖ ዞሪን ዎይ ኦ̈ሳ ጋልዳ ፌ̈ሻ̇ምፔ̈ኒ ጾ̈ሳ̇ ቲ̈ን፣ ዬሱ̈ስ ክርስቶ̈ሳ ቲ̈ንኬ ማ ማራ̇ጺንቲ̇ኖ ኪ̈ታንቻ̈ን ቲ̈ን ቴ ኔ̈ቦ ዓዳ̈ራ ጋ̈ሬ።

2 ጢማ̈ 4:1

ጾ̈ሳ̇ ቲ̈ንኬ ማ ሼምፓባር ዎን ጋልዳኬ ዓይቂ̇ኖን ጋልዳ ፊርዳንዳብ ዬይዛ ዬሱ̈ስ ክርስቶ̈ሳ ቲ̈ን፥ ኢ ዬንቲ̇ንዲኬ ኢ ካ̈ቲቲን ቆፓሙታ ዓና̇ ባዚን ቴ ኔ̈ብ ዓዳራ ጋ̈ሬ፤

ኢብ 11:6

ኣማ̇ና ባዪዶን ጾ̈ሳ̇ ኡፋይሳ̇ንዳብ ዳንዳኢንቲ̇ባ̈ሴ፤ ጾ̈ሳ̇ክ ሺ̈ቂዝ ኣሲ ጾ̈ሲ ዎንዴኬ ማ ኢያ ቡ̈ዳ ጋርታ̇ፖ ኮዪዝ ኣሳንቦ ኢንታ̇ ጋቲን ኢንታ̇ብ ኢሚ̇ዛ ማ̈ቂኖን ኣማ̇ናንዳብ ኮሺ̇̈ሬ።

ኢብ 13:16

ኮሽ̇ ባዝ ኦ̈ዚንዲኬ ዪንታ̇ብ ዎ ባዚን ሜላንቦ ፋጋዚን ቦቲጛፒቴ፤ ጾ̈ሳ̇̈ ኡፋይሲዛ̈ዲ ዪ̈ፌኖ ዣ̈ርሻ።

ኢብ 13:22

ቴ ኢሺንታ̇ን! ዓና̇ ቴ ዪንታ̇ብ ጻ̈ፊኖ ኪ̈ቲንዳ ጊላ̇ ቃቢን ማ̈ቂ̇ኖኮታ̇ቦ ቴ ዪንታ̇ ዞራዝ ዞሪን ዋ̈ዲቴ ጋርዣር ሲስኪ̇ብቴ።

2 ጴጥ 3:18

ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።

1 ዋ̈ኒ̇ 3:22

ኑ̈ኒ ጾ̈ሳ̇ ኪ̈ቲን ፎቲ̇ዛ̈ንኬ ጾ̈ሳ̇ ኡፋይታ̇ዝ ባዚን ኦ̈ዛን ማ̈ቂ̇ኖኮታ̇ቦ ኑ̈ኒ ጌ̈ሺዝ ባ̈ዛን ዎይ ኢ ኑ̈ብ ኢሚ̇̈ሬ።