8 ዪንቲ ጎዳ̈ ዬሱሳባር ሚ̈ጛር ዎኮታ̇ቦ ኑ̈ናር ሼምፓባር ዎ።
ዪንቲ̇ ታባር ፔታ̇ን ማ̈ቃ̇ር ዶኢብቴ̇፤ ታ̈ናር ዪንታ̇ባር ፔታ̇ን ማ̈ቃ̇ር ዶኣንዳ̇። ዎይና ሻቆ ፌ ኡቢ̇ን ጋልዳ̇ ዶኣካ̇ይ ኣቴ̇ጌይን ፌቆማ̇ብ ኣ̈ፍ ካጻ̇ንዳብ ዳንዳኣባሶንዲፌ̈ኒ ዪንታ̇ር ታባር ዶኣካ̇ይ ኣቴጌይን ኣ̈ፍ ካጻ̇ንዳብ ዳንዳኢባ̈ሴ።
ዪንቲ̇ ታባር ፔታ̇ን ማ̈ቃ̇ር ዶኤጌይንዶ̇ ቴ ቃሊንዳ̇ር ዪንታ̇ባር ዶኤጌይን፥ ዪንቲ̇ ኮዪኖ ባዝ ዎይ ጌሺብቴ ቴ ዪንታ̇ብ ኢማ̇ንዳ።
ዬሱ̈ሲ ኢያ ኣማ̇ኒኖ ኣይሁድ ኣሳንኮ “ዪንቲ̇ ታ ታማ̈ርሳዝ ቲሚርቲ̇ምቦ ኪ̈ቲንቲ̇̈ርኮ፥ ዪንቲ̇ ኪን ታ̈ብ ታማ̈ሪዬ።
ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።
ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።
ባርኪ̇ብቴ፤ ዪንታ̇ ኣማ̇ኒንባር ሚ̈ጛር ኤቂ̇ብቴ፤ ሚ̈ጚብቴ።
ኑ ኣይላ ጋርታፖ̇ ኬስካ̇ር ዶኣምፔ̈ኒ ክርስቶ̈ሲ ኑ̈ና ኣይላ ጋርታፖ̇ ኬሲ̇ኔ፤ ዪ̈ኮታ̇ቦ ሚ̈ጛር ኤቂ̇ብቴ፤ ማ̈ቃ̇ር ኣይሊቲ ቃምባ̇ራ ጋርታ̇ ጌላፒ̇ቴ።
ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።
ዪዚ ታ̈ቦ ሼምፓ̇ባር ዶ̈ኢ̈ሬ ጋ̈ዚንዳ ክርስ̇ቶሳባር ዶኣዚንዶ፤ ዓይቃ ጋ̈ዚንዳር ማቂ̇ን ታ̈ብ ኮሽዶኬ ኢ̈ት ጊዳካ̇ዬ።
ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።
ቴ ዪንታ̇ ካዛን፥ ታ̈ና ሹ̈ኒሺዛን፥ ቴ ኡፋይሳ̈ንኬ ቴ ኦ̈ሲምቦ ታ̈ብ ሺሊ̇ማ̈ታፌ̈ን ማ̈ቂ̇ኖ ቴ ኢሺንታ̈ን! ጎ̈ዳባራ ዪንታ̇ብ ዎ ፔቲ̇ቲንባራ ሚ̈ጛር ዶኢብቴ።
ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።
ዪ̈ኮታ̇ቦ ቴ ኢሺንታ̇ን! ኑ̈ኒ ዋ̈ያ ጋርታ̇ኬ ሜታ ጋርታ ዎካራሬ ዪንታ̇ ኣማ̇ኒንባዝ ሲስካ̇ሪ ሚጚንቲ̇ኔ።
ታስፋ ቃ̈ሊን ኑ̈ብ ኢሚ̇ኖዲ ኢ ኣማ̇ኒንቲ̇ኖ ማ̈ቂ̇ኖኮታ̇ቦ ዓት ኑ ኣማ̇ናሪ ኑ ማርኪ̇ታዝ ታስፊን ጌዳር ዓናር ጋ̈ካ̇ይዶሪ ሚ̈ንሪ ኤ̈ስቶ።
ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።
ዪዚ ኣፋ ጾ̈ሳ̇ ቲ̈ን ሉኪ̇ኖ ቄ̈ሳንቦ ዎይ ጴቻ ኣላቃ፥ ጾ̈ሳ̇ ናኣ ዬሱ̈ሲ፥ ኑ̈ብ ዎኮታ̇ቦ ኑ ኣማ̇ኒን ሚ̈ንር ኤ̈ስቶ።
ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።
ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።
ዪዚ ቴ ኤሊ̇ባር ዬ̈ንዳ፤ ኔ ኣኪሊሊን ኦ̈ናካር ኔ ጋልዳ̇ፖ ኤካካ̇ዮ̈ዲፌ̈ን ኔ̈ብ ዎን ሚ̈ንር ኤ̈ቤ።
ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።
