1 ታሳ 3:6 - ኦራ ጫ̈ቃ ማጻ̈ፋ

⁶ ዎቲናካር ዓት̇ ጢማ̈ቶ̈ሲ ዪንታ̇ካፖ ማ̈ቂ̇ ዬ̈ሪ ዪንታ̇ ኣማ̇ኒን ጎይኬ ዪንታ̇ ካን ጎይ ኑ̈ና ኡፋይሲ̇ዝ ባዝ ኑ̈ብ ሶ̈ሊኔ፤ ማ ዎይ ጋ̈ላስ ኑ̈ና ኮሽባር ቆፓ̇ዚንዲኬ ኑ ዪንታ̇ ቤቃ̇ንዳቦ ሹ̈ኒታዚንዲፌ̈ኒ ዪንታ̇ር ኑ̈ና ቤቃ̇ንዳብ ሹ̈ኒታዚንዶ ኢ ኑ̈ብ ሶ̈ሊኔ።

1 ታሳ 3:6 ပူးပေါင်းရင်းမြစ်များ

ሃዋ̈ራታን ኦ̈ሳ 16:1

ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ።

ሃዋ̈ራታን ኦ̈ሳ 18:1

ዪኒ̇ፖ ዎሃ ጳውሎ̈ሲ ኣቴ̈ናፖ ኬስካ̇ሪ ቆሮንቶ̇̈ስ ሉኪ̇ዴ።

ሃዋ̈ራታን ኦ̈ሳ 18:5

ሲላ̇ሳኬ ጢማ̈ቶ̈ሳክ ማቂዶ̈ናፖ ዬይን ጳውሎ̈ሲ ዬሱ̈ሲ ኢ ክርስቶ̈ሳ ማ̈ቂ̇ኖን ኣይሁዳንቦ ሚ̈ን ማርኪቲ ሙታ̇ ፌ ጊዚን ዎይ ታማ̈ርሲ ጋል ኣ̈ዴ።

1 ቆሮ 11:2

ዎይ ጋላስ ዪንቲ̇ ታ̈ብ ቆፓ̇ዚንኮታ̇ብኬ ዪንቲ̇ ታ ጋልዳፖ ሲስኪ̇ኖ ቲሚርቲ̇ን ሚ̈ን ና̈ጊሙታ ዎኮታ̇ቦ ቴ ዪንታ̇ ኣንጃ̈̇ሬ።

1 ቆሮ 13:13

ዪዚ ኣማ̇ና፣ ካን፣ ታስፋ ዪን ዓይዛን ሚ̈ጛር ዶኢ̈ሬ ዎቲናካሬ ዪን ጋርታፖ̇ ሺዚንዳ ካን።

ጋላ̈ታ 5:6

ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።

ፊል 1:8

ዬሱ̈ስ ክርስቶ̈ሲ ኑ̈ና ካኖ ካንንባራ ቴ ዪንታ̇ ቤቃ̇ንዳብ ዎዛርፌ̈ን ሹ̈ኒታ̈ርኮ ጾ̈ሳ̇ ታ̈ቦ ማ̈ርካ።

ቆላ̈ሳ̈ሳ 1:4

ኑ̈ኒ ጋላታዚንዳ ዪንታ̇ብ ጎዳ ዬሱ̈ሳባር ዎ ዪንታ̇ ኣማ̇ኒንዴኬ ኣማ̇ኒኖ ኣሳንቦ ዎ ዪንታ̇ ካንን ኑ ሲስኪ̇ኖኮታ̇ቦ።

ቆላ̈ሳ̈ሳ 4:18

ዓና ሳሪቲ ኪ̈ቲን ቴ ኩሽ ጌ̈ቲንባር ጻ̈ፊኖ̈ዲ ታ ጳውሎ̈ሳ፤ ቴ ቃሺ ኣ̈ል ዎን ዪንቲ ቦቲጛፒ̇ቴ። ጾ̈ሳ̇̈ ኮሺቲን ዪንታ̇ባር ማ̈ቆ̇።

1 ታሳ 1:3

ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።

1 ታሳ 2:17

ቴ ኢሺንታን! ኑ̈ኒ ቆፊባር ጊዳካ̇ይዶን ኣይሽባር ጊሊ̇ ጊዛቦ ዪንታ̇ ጋልዳፖ ጎታ̇ር ዎኮታ̇ ዪንቲ̇ ኑ̈ና ሹ̈ኒሺኖኮታ̇ብ ኑ ዪንታ̇ ኣ̈ፍባር ቤቃ̇ንዳቦ ዎይሊን ኮዪኔ።

1 ታሳ 2:9

ኑ ኢሺንታ̇ን! ኑ̈ኒ ዎዛርፌ̈ን ኦ̈ ዳ̈ቡሪኖኮ ዪንቲ̇ ኤሪ̈ሬ፤ ኑ̈ኒ ዪንታ̇ብ ቶ̈ፊ ማ̈ቅባ̈ዳ ጋ̈ሪ ጋ̈ላሳ̈ር ቃማ̇ር ኦ̈ሙታ ዎጛላ ሳባ̇ኪዴ።

1 ታሳ 3:7

ዪ̈ኮታ̇ቦ ቴ ኢሺንታ̇ን! ኑ̈ኒ ዋ̈ያ ጋርታ̇ኬ ሜታ ጋርታ ዎካራሬ ዪንታ̇ ኣማ̇ኒንባዝ ሲስካ̇ሪ ሚጚንቲ̇ኔ።

2 ታሳ 1:3

ኑ ኢሽንታን! ዪንታ̇ ኣማ̇ኒንዳ ዎይ ጋላስ ዲጫ̇ሙታ ሉካ̇ዚንኮታ̇ብኬ ዪንታ̇ብ ዎልዎልኣ ዎ ካንንዳ ዲጫ̇ሙታ̇ ሉኪ̇ኖምቦ ኑ̈ኒ ዪንታ̇ጊሻ̇ቦ ዎይ ጋላስ ጾ̈ሳ̇ ጋላታንዳብ ኮሺ̇̈ሬ።

1 ጢማ̈ 1:5

ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።

2 ጢማ̈ 1:3

ታ̈ኒ ዎይ ጋላስ ጾ̈ሳ̇ ዎሳ̈ርዶራ ኔ̈ና ቆፓ̇ራ ሚን ታ ባ̈ቢንታን ዎቲኖንዲፌ̈ኒ ታ̈ናር ጌ̈ሻ ቡ̈ዳባራ ጎሽቲ̇ዝ ቴ ጾ̈ሳ̇ ጋላታ̈ሬ።

ኢብ 13:3

ኢንታባር ዎልኣ ቃቺንቲኖ̈ዲፌ̈ን ማ̈ቃ̇ሪ ቃቺንቲኖ ኣሳን ቆፒ̇ብቴ፤ ኢንታ̇ፌ̈ን ሜታ ኤኪ̇ዝ ኣስ ማ̈ቃር ሜታ ኤኪ̇ዛን ቆፒ̇ብቴ።

ኢብ 13:7

ጾ̈ሳ̇̈ ቃ̈ላ ዪንታ̇ብ ቲ̈ን ሶ̈ሊኖ ዪንታ̇ ቲ̈ኒዝ ኣሳን ቦቲጛፒቴ፤ ኢንታ ዶኢንዲኬ ኢንታ ኦ̈ሲን ቆፒሙታ̇ዶሪ ኢንታ ኣማ̇ኒን ዎሂን ዬብቴ።

1 ዋ̈ኒ̇ 3:23

ጾ̈ሳ̇ ኪ̈ቲንዳ ኑ̈ኒ ናኣ ዬሱ̈ስ ክርስቶ̈ሳ ኣማ̇ናምፔ̈ንኬ ክርስቶ̈ሲ ኑ̈ና ኪ̈ቲ̇ኖንዲፌ̈ን ዎልዎልኣ ካንታምፔ̈ኒዬ።