1 ታሳ 3:2 - ኦራ ጫ̈ቃ ማጻ̈ፋ

² ዪንታ̇ ሚ̈ንምፔ̈ንኬ ዞራምፔ̈ን ዪንታ̇ኮ ዎጛላ ኦ̈ሲን ጋርታ ኑባር ዎልኣ ጾ̈ሳ̇̇̈ብ ኦ̈ዛ ኑ ኢሻ ጢማ̈ቶሳ ዪንታ̇ቦ ሚሺኔ።

1 ታሳ 3:2 ပူးပေါင်းရင်းမြစ်များ

ሃዋ̈ራታን ኦ̈ሳ 16:1

ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ።

ሃዋ̈ራታን ኦ̈ሳ 16:5

ዪ̈ኮታ̇ቦ ኣማ̇ኒኖ ኣሳ̈ዳር ዎይ ፌ ኣማ̇ናባር ሚ̈ጚዴ። ኣማ̇ኒዝ ኣሳ ፋይዳ̈ዳር ዎይ ጋላስ ዎይሊ ሙታ̇ ሉኪ̇ዴ።

ሃዋ̈ራታን ኦ̈ሳ 18:5

ሲላ̇ሳኬ ጢማ̈ቶ̈ሳክ ማቂዶ̈ናፖ ዬይን ጳውሎ̈ሲ ዬሱ̈ሲ ኢ ክርስቶ̈ሳ ማ̈ቂ̇ኖን ኣይሁዳንቦ ሚ̈ን ማርኪቲ ሙታ̇ ፌ ጊዚን ዎይ ታማ̈ርሲ ጋል ኣ̈ዴ።

ሮሜ 16:21

ጾ̈ሳ̇ ኦ̈ሳ ታባር ዎልኣ ኦ̈ዛ ጢማ̈ቶ̈ሲ ዪንታ̇ ሳሮ ጌይኔ፤ ማ ቴ ዳባ̇ን ሉቆ̈ሳ፣ ሉ̈ሶ̈ናኬ ሶ̈ሲጴ̈ጥሮ̈ሳ ዪን ዎይ ዪንታ̇ ሳሮ ጌይኔ።

1 ቆሮ 3:10

ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።

1 ቆሮ 4:17

ዪኒ̇ ጊሻ̇ቦ ቴ ካዛ̈ዲኬ ኣማ̇ኒንቲ̇ኖ፥ ጎዳባር ታ̈ብ ናኢ ማ̈ቂ̇ኖ ጢማ̈ቶ̈ሳ ቴ ዪንታ̇̇ብ ሚሺኔ፤ ታ̈ኒ ዎይ ቤስ̇ ዎ̈ሳ ኬ̈ ጋርታ̇ ታማ̈ርሳ̇ዚንዲፌ̈ኒ ኢያር ክርስቶ̈ሳ ዎሂን ቴ ዎዛርፌ̈ን ዬሙታ ዎኮ ኢ ዪንታ̇ ቆፊሲ̈ሬ።

2 ቆሮ 1:1

ጾ̈ሳ̇̇̈ ቆፊፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሳኬ ኑ ኢሻ ጢማ̈ቶሳክ ዎልኣ ቆሮንቶ̈ሳ ካታማ ጋርታ ዎ ዬሱ̈ሳ ኣማ̇ኒዝ ኣሳንኬ ማ ኣካ̈ያ ጋዳ̇ ዎ ኣማ̇ኒዝ ዎርዣ ዎይቦ፥

2 ቆሮ 1:19

ታ̈ና፣ ሲላ̇̈ሳኬ ጢማ̈ቶ̈ሳ ጎይባር ዪንታ ጊዳ̇ ሳባ̇ኪንቲ̇ኖ ጾ̈ሳ̇ ና̈ኣ ዬሱ̈ስ ክርስቶ̈ሲ “ኣዓ” ማ ማ̈ቃ̇ር “ዋኣኬ” ጊዳካ̇ዬ፤ ኢ ጎይባራ ዎይ ጋላስ “ኣዓ” ሙታ።

2 ቆሮ 2:12

ታ̈ኒ ክርስቶ̈ሳ ዎጛሊን ታማ̈ርሳ̇ንዳቦ ጢሮኣዳ ካታሚን ጋርታ ሉኪ̇ን ጎዳ̈ዲ ታ̈ቦ ሻክ̇ ኦ̈ሳ̇ ካራ ፊርቂንዶ̈ን፤

2 ቆሮ 2:13

ዎቲናካሬ ታ̈ኒ ቴ ኢሻ ቲ̈ታ̇ ዬላ̇ካዮኮታ̇ቦ ታ̈ና ኡፋይሳካ̇ዬ። ዪ̈ኮታ̇ቦ ኢና ዎ ኣማኒ̇ኖ ኣሳን ሳሪራ ሜቂዶ̈ና ሉካ̇ዴ።

2 ቆሮ 8:23

ቲ̈ታ̇ ባዝ ኤራንዳ ኮዬጌዪን፥ ኢ ዪንታ̇ ማ̈ዳ̇ንዳብ ታባር ዎልኣ ኦ̈ዛ ታ ላጋ̈̇ዳ። ኢባር ዬይዛን ሜላን ኣማ̇ኒኖ ኢሺንታ̇ንር ማ̈ቂ̇ን ኢንቲ̇ ዎ̈ሳ ኬ̈ ሱምባራ ኪ̈ቲንቲ̇ኖ ክርስቶ̈ሳ ቦንቻ̇ብ ኤቂ̇ኖ ኣሴ።

ፊል 1:25

ዪና̇ ኪን ማ̈ቂ̇ኖን ቴ ኣማ̇ኒኖኮታ̇ቦ ዓይቃ ጋልዳፖ ቡ̈ታ̇ራ፥ ዪንታ̇ ኣማ̇ኒን ሚ̈ጛምፔ̈ንኬ ዪንቲ ኡፋይታ̇ምፔ̈ኒ ቴ ዓይቃካ̇ይ ዪንቲ ዎይንባራ ዶኣዚን ቴ ኤሪኔ።

ቆላ̈ሳ̈ሳ 1:1

ጾ̈ሳ̇̇ ቆፊፌ̈ን ዬሱ̈ስ ክርስቶ̈ሳቦ ሃዋ̈ራ ማቂ̈ኖ ታ ጳዉ̈ሎሳፔኬ ኑ̈ ኢሻ ጢማ̈ቶ̈ሳፖ፥

ቆላ̈ሳ̈ሳ 1:7

ዪኖ̇ ዎጛሊንዶ ኑባር ዎልኣ ኦ̈ዛ ማ ኣማ̇ንቲ̇ኖ ክርስቶ̈ሳ ኣይላ ማ̈ቃ̇ር ኑ ቤሲ̇ን ኦ̈ዛ ካንቲ̇ኖ ኑ ኢሻ ኤጳ̈ፍራ ዪንታ̇ ታማ̈ርሲ̇ኔ።

ቆላ̈ሳ̈ሳ 4:12

ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።

ቆላ̈ሳ̈ሳ 4:9

ማ ዪንታ̇ ጋዶ̇ ኣስ ማ̈ቂ̇̈ኖ ኣማ̇ኒቲ̇ኖ̈ዲኬ ካንቲ̇ኖ ኑ ኢሻ ኣና̈ሲሞሲ ኢባር ዎልኣ̈ ዪንታ̇ክ ዬይሬ፤ ኢንቲ̇ ዓንዳ ኑ ጊዳ̇ ኦ̈ሲንቲ̇ሙታ̇ ዎ ባዛን ዎይ ዪንታ̇ቦ ሶ̈ሊ̈ሬ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

1 ታሳ 3:5

ዪኒ̇ኮታ̇ቦ ዓኒ̇ፖ ጌዳ ታ̈ኒ ጋርዣንዳብ ዳንዳኣካ̇ዮኮታ̇ቦ ዪንታ̇ ኣማ̇ኒን ዎዛርኮ ኤራንዳቦ ኮያራ ጢማ̈ቶ̈ሳ ዪንታ̇ክ ሚሻዴ፤ ቴ ዪኖ̇ ዎቲኖንዳ ኣስ ፋታ̇ኒዝ ኢ̈ታ ዪንታ̇ ፋታ̇ኒንዶኢዝዳ፥ ዪዚ ኑ ዋ̈ዪንዳር ሜላ̇ ዓሪ ኣቲ̇ኔ ጋ̈ራ ኢ̈ጫ̇ር ዎቲኔ።

2 ታሳ 2:17

ዪንታ̇ ቡ̈ዲን ሚ̈ንጋቤ፤ ማ ዪንቲ̇ ኮሽ̇ ማ̈ቂ̇ኖ ባዝ ዎይ ኦ̈ምፔ̈ንኬ ሶ̈ላምፔ̈ን ዪንታ̇ ሚ̈ንጋ̈ቤ።