1 ታሳ 3:10 - ኦራ ጫ̈ቃ ማጻ̈ፋ

¹⁰ ጋላስ ቃም ሚጛ̈ር ዎሳ̇̈ዚንዳ ኑ ዪንታ̇ ኣ̈ፍባር ቤቃ̇ንዳብኬ ዪንታ ኣማ̇ኒን ጋልዳ ጉ̈ጺ̇ኖ ባዝ ዎኮ ኢዞ ኩምንዳቦ።

1 ታሳ 3:10 ပူးပေါင်းရင်းမြစ်များ

ሉቃ̈ሳ 2:37

ኢናፖ̇ ኢዝቦ ላማካይ ታጶ̇ ኦይዲ̇ ላይ ማ̈ቂ̇ዝ ዲራ̈ስ ኣስኒ ባዮ̇ ኣስ ማ̈ቃ̇ ዶኣዴ። ኢዛሬ ጋላሳ̇ር ቃማ̇ር ዎይ ጾ̈ሳ̇̇ ኬ̈ ጋርታ̇ፖ̇ ሺርት ጋ̈ካ̇ይዶ̈ር ጾ̈ማ ዎ̈ሳ̇ ጾ̈ሳ̇̇̈ቦ ጎሽታሙታ̇ዶ̈ር ዶኢኖ ኣሴ።

ሃዋ̈ራታን ኦ̈ሳ 26:7

ጾ̈ሲ̈ ኢሚ̇̈ሬ ጌይኖ ቤሲ̇ን ዬላ̇ንዳቦ ታጶ ናምኢ ኮቻ̈ን ጋላስኬ ቃምኬ ጾ̈ሳ̇̈ቦ ጎሽቲሙታ̇ ና̈ጊ ዎ፤ ካታዶ! ኣይሁዳን ታ̈ና ሞ̈ቲኖንዳ ዪና̇ ኢዝኮታ̇ቦ።

2 ቆሮ 1:15

ዪኖ̇ ታ̈ኒ ኮሺንቻ ኤሪኖኮታ̇ቦ ዪንቲ̇ ናምኢ ቶህ ጻቃ̇ሚንታ̇ምፔ̈ኒ ጋ̈ራ ቴ ቲኒ̇ታር ዪንታ̇̇ክ ሉካ̇ንዳ ጌያ ቆፒ̇ንዶን፤

2 ቆሮ 1:24

ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 13:9

ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።

ፊል 1:25

ዪና̇ ኪን ማ̈ቂ̇ኖን ቴ ኣማ̇ኒኖኮታ̇ቦ ዓይቃ ጋልዳፖ ቡ̈ታ̇ራ፥ ዪንታ̇ ኣማ̇ኒን ሚ̈ጛምፔ̈ንኬ ዪንቲ ኡፋይታ̇ምፔ̈ኒ ቴ ዓይቃካ̇ይ ዪንቲ ዎይንባራ ዶኣዚን ቴ ኤሪኔ።

ቆላ̈ሳ̈ሳ 1:28

ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ።

ቆላ̈ሳ̈ሳ 4:12

ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።

1 ታሳ 3:11

ዓታ̇ር ኑ ጾ̈ሳ̇̇̈ዲኬ ኑ ባ̈ባ ኢ ኑ ጎዳ ዬሱ̈ስ ክርስቶ̈ሲ ኑ ዪንታ̇ክ ሉካ̇ምፔ̈ኒ ጎይ ኑ̈ብ ፊርቆ̇ጋ̈ቤ።

2 ታሳ 1:11

ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

2 ጢማ̈ 1:3

ታ̈ኒ ዎይ ጋላስ ጾ̈ሳ̇ ዎሳ̈ርዶራ ኔ̈ና ቆፓ̇ራ ሚን ታ ባ̈ቢንታን ዎቲኖንዲፌ̈ኒ ታ̈ናር ጌ̈ሻ ቡ̈ዳባራ ጎሽቲ̇ዝ ቴ ጾ̈ሳ̇ ጋላታ̈ሬ።

ፊልሞ̈ና 1:22

ማ ዪኒ ጋልዳ ጾ̈ሳ̇ ዪንታ̇ ዎ̈ሲ̇ን ሲስካ̇ሪ ታና ዪንታ̇ክ ሉ̈ካንንፔ̈ን ዎታ̈ዚን ታ̈ቦ ታ̈ስ̇ፋ ዎኮታ̇ቦ ቴ ሉካር ሼምፒ̇ዝ ቤሲ ታ̈ቦ ጊጊሳቤ።

ሳጻ 4:8

ዪን ኦይዲ ኮቺንታ̇ን ኢንታ ቆሚ̇ን ቆሚ̇ን ኢንታ̇ብ ሌሂ ካፓ̇ ዎ፤ ኢንታ ጋሊ̇ን ዎይኬ ኢንታ ካ̈ፒ̇ን ጋርሲን ዎይ ኣ̈ፊ ኩሚኔ። ኢንታ̇ር ቃምኬ ጋላስኬ፥ “ጌ̈ሻ̈̇ዶ! ጌ̈ሻ̈̇ዶ! ጌ̈ሻ̈̇ዶ! ሚናፓር ዎ፥ ዓታር ዎ፥ ጊዳክ ዬይዛ፥ ዎይን ዳንዳኢኖ ጎዳ ጾ̈ሳ̇̈̇ዶ!” ጋዚ̈ን ኣሺባ̈ሴ።

ሳጻ 7:15

ዪ̈ኮታ̇ቦ ጾ̈ሳ̇̈ ዙፋ̈ና ቲ̈ን ኤቃ̇ሪ ቃማ̇ሬ ጋላሳ̇ር ጾ̈ሳ̇̈ ኬ̈ ጋርታ ኢ̈ብ ኦ̈ሬ፤ ዙፋ̈ና ጋልዳ ዶኢኖዲ ኢንታ̇ብ ሺፋ ማ̈ቂ̇ሬ።