6 ኑ̈ኒ ዪንታ̇ ጋልዳፓ̇ሬ ማ̈ቂ̇ን ኦ ጋልዳፓካር ማ̈ቂ̇ን ቦንች ኮያካ̇ዬ።
ኢንቲ̇ ዪኖ̇ ዎቲኖንዳ ጾ̈ሳ̇̇ ጋልዳፖ̇ ቤንታ̇ዝ ቦንቺ̇ምፖ̇ ሺ ኣሲ ኢማ̇ዝ ቦንቺ̇ን ዶሲኖኮታ̇ቦ።
“ታ̈ኒ ኣሳ ጋልዳፖ̇ ቦንች ኮያባሴ።
ዪንቲ̇ ዎልዎልኣ ቦንች ኮዪዛን ጾ̈ሳ̇̇ ፔታ̇ና ጋልዳፖ̇ ቤንቲ̇ዝ ቦንቺ̇ን ኮዪባ̈ሶን፥ ዪንቲ̇ ዎዛ̈ርታ̇ር ታ̈ና ኣማ̇ናንዳብ̇ ዳንዳኢ̈ራ?
ፌ̈ ጋልዳፖ ሶ̈ሊዝ ኣሲ ፌ̈ብ ቦንች ኮዪ̈ሬ፥ ፌ̈ና ኪ̈ቲ̇ ሚሺኖ ቦንቺ̇ሳንዳ̇ብ ኮዪዛ̈ዲ ኢ ኪን ኣሴ፥ ማቆ ኢ ጋርታ̇ ባዬ̇።
ማ ማጮ̇ ኣቲናቦ ኮቺ̇ንቲ̇ንዶኬ ኣቲኖ ማጫ̇ቦ ኮቺንታ̇ካ̇ዬ።
ዓና ኪ̈ቲ̇ን ጎት ዎዶራ ቴ ዪንታ̇ብ ጻ̈ፊኖንዳ ቴ ዪንታ̇̇ክ ዬ̈ራ ጎዳ ታ̈ብ ኢሚ̇ኖ ሲልጣ̈ኒን ቴ ዪንታ̇ ጋልዳ ቤይሳካዮ̈ዲፌ̈ን ጋ̈ር ጻ̈ፊኔ። ጎዳ ሲልጣ̈ና ታ̈ብ ኢሚ̇ኖዲ ዪንታ̇ ሺ ሚ̈ንምፔ̈ንዶኬ ዪንታ̇ ላ̈ላ̇ምፔ̈ን ጊዳካ̇ዬ።
ኑ ታማ̈ርሳዚንዳ ዬሱ̈ስ ክርስቶ̈ሲ ጎድ ማ̈ቂ̇ኖንዲኬ ኑ ኑ ቆሚ̇ን ክርስቶ̈ሳ ጊሻ̇ቦ ጋ̈ሪ ዪንታ̇̇ብ ኣሽካ̇ራ ማ̈ቂኖንዲዶኬ ኑ ኑባዝ ሳባ̇ኪባ̈ሴ።
ዪዶኮ ዓት ታ̈ኒ ኮሼ̇ ጌዪንታ̇ንዳብ ኮያዚን ኣሳን ቲ̈ንቤ ዎይ ጾ̈ሳ̇ ቲ̈ና? ዎይ ታ̈ኒ ኣስ ኡፋይሳ̇ንዳብ ዋያ̈ራ? ታ ኣስ ኡፋይሳ̇ንዳብ ዋያ̈ርፌ̈ንኮ ክርስቶ̈ሳ ኣይላ ማ̈ቃ̇ንዳብ ዳንዳ̈ኣባሴ።
ፔታ̇ና ፔታ̇ና̈ዳ ኢ̈ታ ባዝ ኦ̈ምፔ̈ኒ ዲንሙታ̇፤ ዎል ዎልኣር ቃና̇ኢሙታ̇ ሜላ̇ ኦቲርቃ̇ንዳብ ኮሺ̇ባ̈ሴ።
ዪንቲ ጋራ̇ዚንቴ̇ጌይን ኢንቲ̇ ዪ̈ኒባራ ኬርፋንዳቦ ጋ̈ሪ ዎቲ̈ርዶኬ ጋራ̇ዚ̇ንቲ̇ኖ ኣሳን ፌ ቆሚ̇ንዳር ሂጊ̇ን ና̈ጊባ̈ሴ።
ኑ ኢሺንታ̇ን! ኑ̈ኒ ዎዛርፌ̈ን ኦ̈ ዳ̈ቡሪኖኮ ዪንቲ̇ ኤሪ̈ሬ፤ ኑ̈ኒ ዪንታ̇ብ ቶ̈ፊ ማ̈ቅባ̈ዳ ጋ̈ሪ ጋ̈ላሳ̈ር ቃማ̇ር ኦ̈ሙታ ዎጛላ ሳባ̇ኪዴ።
ዎ̈ሳ ኬን ኮሺንቺ̇ ኣቂሲዛ̈ን፥ ማ ዎይፖ ሺ ሲብካ̇ታባርኬ ታማ̈ርሲባራ ዳ̈ቡሪዝ ዎ̈ሳ ኬ̈ ጪጛ̈ሻንቦ ጴች ቦ̈ንች ኮሺ̇̈ሬ።
