1 ታሳ 2:5 - ኦራ ጫ̈ቃ ማጻ̈ፋ

⁵ ኑ̈ኒ ሜላ ኣቲ̇ን ፔቲ̇ ጋላሳ̇ር ዪንታ̇ ማቃባር ማይጺሳር ዎይ ሚ̈ሽ ዲጛንዳቦ ጋ̈ሪ ሶ̈ላካ̇ዮን ዪንቲ̇ ኤሪ̈ሬ፤ ጾ̈ሳ̇̇̈ዳር ኑ̈ቦ ማርካ።

1 ታሳ 2:5 ပူးပေါင်းရင်းမြစ်များ

ማ̈ቶ̈ሳ 22:16

ፌ ታማ̈ራን ሄሮዶ̈ሳ ኣሳንባር ዎልኣ ዬሱ̈ሳክ ኪ̈ቲ̇ ሚሻሪ ኢ̈ኮ “ኣስታማ̈ራ̈ዶ! ኔ̈ኒ ኪን ኣስ ማ̈ቂ̇ኖንዲኬ ጾ̈ሳ̇̇ ጎይሚን ኪን ታማ̈ርሳ̇ዚንዶ̇ ኑ ኤሪ̈ሬ። ማ ኔ ኣስ ዎይ ዎልፌ̈ን ቤቂ̇ዛኮታ̇ቦ ኣሳብ ኢ̈ጫ̇ራ ኦ̈ዝ ባዚ ኣባካር ባዬ̇።

ማ̈ቶ̈ሳ 23:13

“ኣሳ ቲ̈ን ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ኣሲ ጾ̈ሳ̇̇ ካ̈ቲቲን ጋርታ̇ ጌላካ̇ይፌ̈ን ካሪን ዪብጺ̇̈ሬ። ዪንቲ̇ ዪንታ̇ ቆሚ̇ንዳር ጌሊባ̈ሲ ማ ጌላንዳብ ኮዪዛን ጌላካ̇ይፌ̈ን ካዪ̈ሬ።

ሃዋ̈ራታን ኦ̈ሳ 20:33

ታ̈ኒ ኦ ቢራካሬ ዎርቃር ማ̈ቂ̇ን ዎይ ኣፊላር ማ̈ቂ̇ን ኢኒ̇ታካ̇ዬ።

ሮሜ 1:9

ታ̈ኒ ዎ̈ሳ̈ርዶራ ዎይ ጋላስ ዪንታ̇ ቆፓ̇ዚንዶ፥ ታ̈ኒ ፎቲ ቡ̈ዳባር ኢ ናኣ ዎጛሊን ጎይ ታማ̈ርሳሙታ̇ ዬዝ ጾ̈ሳ̇̈̇ዲ ታ̈ቦ ማርካ̇።

ሮሜ 16:18

ዪንፌ̈ኖ ኣሳን ፌ̈ብ ማ̈ቂ̇ዝ ባዛብ ኦ̈ርዶኬ ኑ ጎዳ ዬሱ̈ስ ክርስቶ̈ሳብ ኦ̈ባ̈ሴ። ኖ̈ናባር ማጺና ማ̈ቃ̇ር ኣባክ ኤሪባ̈ሶ ኣሳን ቡ̈ዲን ባሊ̈ሬ።

ሮሜ 9:1

ክርስቶ̈ሲ ታ ማርካ̇ ቴ ኪንን ሶ̈ላ̈ሬ፤ ማቃ̇ባሴ፤ ታ ማቃ̇ባሶን ቴ ቡ̈ዲንዳ ጌ̈ሻ̇ ኣያ̇ናባር ታ̈ብ ማርኪ̇ታ̈ሬ።

2 ቆሮ 12:17

ሜላ ኣቲ̇ን ቴ ዪንታ̇ክ ኪ̈ታ̇ር ሚሺኖ ኣሳን ጎይባር ዪንታ̇ ጋልዳፖ̇ ኣባክ ማቃ̇ር ኤኪ̇ኖ ባዚ ዎ?

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 4:2

ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

2 ቆሮ 7:2

ዪንታ̇ ቡዲን ኑ̈ብ ፊርቂ̇ብቴ፤ ኑ̈ኒ ኦ̈ባካር ኢ̈ት ኦ̈ካዬ፤ ኑ ኦ̈ባካር ባላ ባዝ ኦ̈ካዬ፤ ኑ̈ኒ ኦ̈ናካር ማቃ̇ር ባሊካ̇ዬ።

ጋላ̈ታ 1:20

ዪና̇ ቴ ዪንታ̇ብ ጻ̈ፋዚን ኪን ማ̈ቂ̇ኖን ጾ̈ሳ̇ ቲ̈ን ቴ ዪንታ̇ብ ሶ̈ላ̈ሬ።

1 ታሳ 2:10

ኑ̈ኒ ዪንቲ ኣማ̇ኒኖ ኣሳን ጊዳ̇ ዎምባራ ጌ̈ሺቲባራ፥ ጺሊ̇ቲባርኬ ኢታ ባዚ ኣባክ ኑ ጋልዳ ባዪዶን ዶኢኖን ዪንታ̇ሬ ጾ̈ሳ̇̇̈ዳር ኑ̈ቦ ማርካ።

1 ጢማ̈ 3:3

ማሲቲባ̈ሶ ኣሲ፣ ዋች ዶሲባ̈ሶ ኣሲ፣ ኣሽክ ማ̈ቂ̇ኖ ኣሲ፣ ኣሳባር ጎይሊባ̈ሶ ኣሲ፣ ሚ̈ሽ ካባ̈ሶ ኣሲ፣

1 ጢማ̈ 3:8

ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።

ቲ̈ታ̇ 1:7

ዎ̈ሳ ኬ ቲ̈ኒዝ ጪጛሺ ጾ̈ሳ̇ ኦ̈ሲን ኦ̈ንዳቦ ዓዳ̇ራ ኤኪ̇ኖ ኣስ ማ̈ቂ̇ኖኮታ̇ቦ ኣሲ ኢያ ጌስቲ̇ዝ ኣስ ማ̈ቃ̇ንዳቦ ኮሺ̇ባ̈ሴ፤ ማ ኦትርቂ̇ባሶ ኣሲ፥ ኤሊ̇ር ጎይሊባ̈ሶ ኣሲ፥ ማሲቲባ̈ሶ ኣሲ፥ ዋጪባ̈ሶ ኣሲ፥ ቢራብ ጋንዲ̇ባ̈ሶ ማ̈ቃ̇ንዳብ ኮሺ̇̈ሬ።

1 ጴጥ 5:2

ዪንታ̇ቦ ዓዳራባር ኢሚ̇ኖን ጾ̈ሳ̇ ዎርዣ ና̈ጊብቴ፤ ዪንቲ̇ ኢንታ̇ ና̈ጋዚንዳ ዎልቃባር ጊዳካ̇ይዶን ጾ̈ሳ̇ ኮዪዝ ጎይባራ ዶሳባር ማ̈ቆ̇፤ ሚ̈ሻ̇ብ ጋንዲሙታ̇ ጊዳካ̇ይዶን ኦ̈ሲምቦ ጋ̈ሪ ኦ̈ብቴ።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።

2 ጴጥ 2:3

ዪን ማቃ ኣስታማ̈ራን ሚ̈ሻ̇ቦ ጋንዲ̇ዛኮታ̇ቦ ፌ ጋልዳፖ ኬሲ̇ኖ ማቃ ሶ̈ላ ሶ̈ሊሙታ̇ ዪንታ̇ባዝ ቡሪ̈ሬ፤ ዎይሊን ላይፖ ቲ̈ን ኢንታ̇ብ ፊርዳ ጊ̈ጊኔ፤ ዪ ኢንታ ና̈ጊኔ።

ዪሁ 1:11

ኢንቲ̇ ቃ̈ዬ̈ሊ ዎቲኖንዲፌ̈ኒ ዎቲኖኮታ̇ቦ፥ ሚ̈ሻ̇ቦ ጋንዳ̇ሪ ባ̈ላ̈ሚ ባሊቲ̇ኖንዲፌ̈ኒ ባሊቲ̇ኖኮታ̇ቦ፤ ና̈ሳ ቆ̈ሪ ዉጪታር ዪኖንዲፌ̈ኒ ኢንታ̇ር ዪኖኮታ̇ቦ ኢንታ̇ባዚ ኣዬ̇!