1 ታሳ 2:4 - ኦራ ጫ̈ቃ ማጻ̈ፋ

⁴ ዎቲናካር ጾ̈ሲ ዎጛላ ኦ̈ሲንዶ ኑ̈ቦ ዓዳራባር ኢሚ̇ኖኮታ̇ቦ ሶ̈ሊ̈ሬ። ኑ ዪኖ̇ ዎታዚንዳ ኑ ቡ̈ዲን ቤቂ̇ዝ ጾ̈ሳ̇ ኡፋይሳ̇ንዳብ ጋ̈ሪዶኬ ኣስ ኡፋይሳ̇ንዳ̇ቦ ጋ̈ር ጊዳካ̇ዬ።

1 ታሳ 2:4 ပူးပေါင်းရင်းမြစ်များ

ሉቃ̈ሳ 12:42

ኢናፖ̇ ጎዳ̈ዲ ማሂ̈ርዶሪ “ዪዚ ፌ ኣ̈ሎ ኣሳንብ ኢንቲ̇ ሞ̈ዝ ቃላ̇ቢን ኢንታ̇ብ ኮዪሳዝ ኬሊ̇ንባራ ኢሚ̇ዛ ላ̈ ሹ̈ሚኖ ኣማ̇ኒንቲ̇ኖ̈ዲኬ ኤጫ ማ̈ቂ̇ኖ ኣይላ̇ ኦ̈ኖ?

ሉቃ̈ሳ 16:11

ዪዚ ዪንቲ̇ ዓኒ̇ ኣላሚን ጋልዳ̇ ዎ ቆሊንባር ኣማ̇ኒንታ̇ካ̇ዮ̈ ኪን ቆሊንን ኦ ዪንታ̇ብ ዓዳራ ጌዪ ኢሚ̇̈ራ?

ዋ̈ኒ̇ሳ 21:17

ዓይዚ̈ ቶህ ዬሱ̈ሲ ኢ̈ኮ “ዋ̈ኒ̇ሳ ናኣ ሲሞ̈ኖ! ኔ ታ̈ና ካራ?” ጌይዴ። ጴ̈ጥሮ̈ሳር ዓይዚ̇ ቶህ ዬሱ̈ሲ ኢ̈ኮ “ኔ ታ̈ና ካ̈ራ” ጋ̈ሪ ኦይጪ̇ኖኮታ̇ቦ ፌ ቡ̈ዲንባር ኣዛ̇ናሪ ኢ̈ኮ “ጎዳ̈ዶ! ኔ ዎይ ባዝ ኤራ̈ሬ፤ ቴ ኔ̈ና ካዚን ኔ ኤራ̈ሬ” ጌይዴ። ዬሱ̈ሳር ኢ̈ኮ “ቴ ዶራን ዬ̈ጛቤ” ጌይዴ።

ሮሜ 8:27

ጌ̈ሻ̇ ኣያ̇ና̈ዲ ኣማ̇ኒኖ ኣሳ ጊሽ ጾ̈ሳ̇̇ ቆፊንዲፌ̈ኒ ጌ̈ሺ̇ዛኮታ̇ቦ ኣሳ ቡ̈ዳ ቤቂ̇ዝ ጾ̈ሳ̇̇̈ዲ ጌ̈ሻ̇ ኣያ̇ና ቆፊን ኣብዝኮ ኤሪ̈ሬ።

1 ቆሮ 7:25

ማጫ̇ ኤካካ̇ዮንብኬ ኢስታካ̇ዮ ኣሳንቦ ታ̈ኒ ጎዳ ጋልዳፖ ኤኪ̇ኖ ኪ̈ታ ታ̈ብ ባዬ፤ ማ̈ቂ̇ናካር ጎዳ ማ̈ሪቲባራ ታ̈ኒ ኣማ̇ኒንቲ̇ኖ ኣስ ማ̈ቂ̇ኖኮታ̇ቦ ታ ጋልዳፖ̇ ኢንታ̇ ዞራ̈ሬ።

1 ቆሮ 9:17

ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ­̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 4:2

ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

2 ቆሮ 5:11

ኑ̈ኒ ጎዳ̈ቦ ኢ̈ጫ̇ዚን ኣብዝኮ ኤሪዛኮታ̇ቦ ኣሳንቦ ሶ̈ሊ ኣማ̇ንንዳቦ ቡቲቲ̈ሬ፤ ማ ኑ ኦ̈ብዝኮ ጾ̈ሲ ኑ̈ና ኤሪ̈ሬ። ዪንታ̇̇ር ዪንታ̇ ቡ̈ዳባራ ኑ ኣብዝኮ ኑ̈ና ኤሪ̈ሬ ጌያ ቆፓ̇̈ሬ።

2 ቆሮ 5:16

ዓኒ̇ፖ̇ ጌዳ ኑ̈ኒ ኦ̈ናካር ማ̈ቂ̇ን ኣስ ጌይዛ ዎይ ኣሳ ቆፊፌ̈ን ቤቃ̇ንዳ ባዬ። ዓኒፖ̇ ቲ̈ን ኑ̈ኒ ኣስ ሜላንፌ̈ኒ ክርስቶ̈ሳ ኣሳ ቆፊባራ ቤቂ̇ኔኮ ዓኒፖ̇ ጌዳ ኑ ዪኒ̇ፌን ዎታንዳባዬ̇።

ጋላ̈ታ 1:10

ዪዶኮ ዓት ታ̈ኒ ኮሼ̇ ጌዪንታ̇ንዳብ ኮያዚን ኣሳን ቲ̈ንቤ ዎይ ጾ̈ሳ̇ ቲ̈ና? ዎይ ታ̈ኒ ኣስ ኡፋይሳ̇ንዳብ ዋያ̈ራ? ታ ኣስ ኡፋይሳ̇ንዳብ ዋያ̈ርፌ̈ንኮ ክርስቶ̈ሳ ኣይላ ማ̈ቃ̇ንዳብ ዳንዳ̈ኣባሴ።

ጋላ̈ታ 2:7

ዎቲናካር ጾ̈ሳ̇̇̈ዲ ጴ̈ጥሮ̈ሳ ኣይሁዳንቦ ጾ̈ሳ̇ ቃሊን ሶ̈ላምፔን ዓዳራ ኢሚ̇ኖንዲፌ̈ኒ ታ̈ናር ማ ኣይሁድ ባዮ̇ ኣሳንቦ ጾ̈ሳ̇ ቃ̈ሊን ሶ̈ላምፔ̈ን ዓዳራ ኢሚ̇ኖን ኢንቲ ኤሪዴ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ኤፍ 6:6

ጾ̈ሳ̇ ኪ̈ቲን ፎቲ ዎልቃፖ ኦ̈ዝ ክርስቶ̈ሳ ኣይላንፌ̈ን ማ̈ቃር ኦ̈ብትዶኬ ዪንታ̇ ላ̈ን ዪንታ̇ ቤቃ̇ምፔ̈ንኬ ኢንታ̇ ጋልዳፖ ኣንጃ̇ ኤካ̇ንዳቦ ጋ̈ር ኦ̈ፒ̇ቴ።

ቆላ̈ሳ̈ሳ 3:22

ኣይላ̈ን! ሳ̈ዝ ጋልዳ ዎ ዪንታ̇ ላ̈ንቦ ባዝ ዎይባራ ኪ̈ቲንቲ̇ብቴ፤ ዪንቲ ኪ̈ቲንታ̇ዚንዳ ኣስ ኡፋይሳ̇ንዳቦ ጊዳካ̇ይዶን ጾ̈ሳ̇̇̈ቦ ኢ̈ጪ̇ሙታ̇ ኪን ቡ̈ዳባራ ኪ̈ቲንቲ̇ብቴ።

1 ጢማ̈ 6:20

ጢማ̈ቶ̈ሶ! ዓዳራባራ ኔ̈ቦ ኢሚ̈ንቲኖን ጌዚንር ና̈ጋ̈ቤ፤ ኪን ኤራ ጊዳካ̇ይዶን ኤራ ማይጺዝ ጾ̈ሳ̇ ቦንቺሺባ̈ሶ ዋች̇ ጋልዳፖ ጎታ̇ቤ።

2 ጢማ̈ 1:14

ኑ ጋርታ̇ ዶኢዛ ጌ̈ሻ ኣያ̇ና ጎይባራ ኔ̈ብ ኢሚ̇ንቲ̇ኖ ኮሻ ዓዳሪን ና̈ጋቤ።

2 ጢማ̈ 2:2

ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።

ቲ̈ታ̇ 1:3

ኑ̈ና ፋዝ ጾ̈ሳ̇ ኢ ጌይኖ ኬሊ̇ን ዬሊ̇ን ኢ ኪ̈ታባራ ታ̈ኒ ኢ ቃ̈ላ ሳባ̇ካምፔ̈ን ታ̈ቦ ዓዳራ ኢሚ̇ኖ ጎይባራ ኢ ፌ ቃ̈ሊን ኣሳብ ኤርሲዴ።

ኢብ 4:13

ጾ̈ሳ̇̇ ቲ̈ን ጋርታ ኣ̈ቺንቲ̇ኖ ባዚ ኣባካር ባዬ̇፤ ኑ̈ኒ ሶ̈ላር ማሃንዳብ ኮሻ̈ዝ ኢ ቲ̈ኒን ጋርታ̇፥ ዎይ ባዚ ፋል̇ኬ ካላ̇ ማ̈ቃ̇ር ቤንቲ̇̈ሬ።

1 ጴጥ 4:11

ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

ሳጻ 2:23

ኢዝ ናኣንር ቴ ዎንዳ፤ ኣሳ ቆፊኬ ኣሳ ኢና̇ ዎይ ማራማ̇ሪዛዲ ታ̈ና ማ̈ቂ̇ኖን ዎ̈ሳ ኬ̈ን ዎይ ኤሪ̈ሬ፤ ታ̈ኒ ዪንቲ̇ ዎይንቦ ዪንታ̇ ኦ̈ሲንዲፌ̈ን ዪንታ̇ብ ኢማ̇̈ሬ።