1 ታሳ 2:3 - ኦራ ጫ̈ቃ ማጻ̈ፋ

³ ኑ̈ኒ ዪንቲ̇ ዎጛሊን ኣማ̇ናምፔ̈ኒ ዪንታ̇ ጌሺኖንዳ ኑ ባሊ̇ታ̇ሪ ዎይ ኢ̈ታ ቆፊባር ጊዳካ̇ዬ፥ ማ ኑ ዪንታ̇ ጪ̈ጪንቻር ዎቲኖ ባዚ ኣባካር ባዬ̇።

1 ታሳ 2:3 ပူးပေါင်းရင်းမြစ်များ

ሃዋ̈ራታን ኦ̈ሳ 13:15

ሙሳ ሂጋ̇ኬ ናባን ማጻ̈ፋ ናባ̇ቢንቲ̇ኖፖ̇ ዎሃ ኣይሁዳን ዎሳ ኬ̈ምቦ ኣላቃን ኢንታኮ “ኑ ኢሺንታ̇ን! ዎርዣ ሚ̈ንዝ ዞራ ቃ̈ላ ዎኮ ሶ̈ሊብቴ” ጋ̈ር ኣስ ሚሻር ጳ̈ውሎ̈ሳባሮ̈ብ ሶ̈ሊዴ።

ሃዋ̈ራታን ኦ̈ሳ 4:36

ቆጲሮ̈ሳ ጋ̈ዝ ጋዲን ጋርታ ዬሊንቲ̇ኖ ዮሴፋ ጌይዛ ኣይሁድ ዜር ጋርታፖ ሌ̈ዊ ኮች̇ ማ̈ቂ̇ኖ ፔቲ̇ ኣስ ዎ። ሃዋ̈ራታን ኢያ “ባርናባ̈ሳ” ጌይ ጼይጊ̈ሬ። ኢዝ ቤርሺቺንዳ “ኣስ ሚ̈ንዝ ኣስ” ጌንቴ̇።

2 ቆሮ 11:13

ዪንፌ̈ኖ ኣሳን ክርስቶ̈ሳ ሃዋራ ማይጻንዳቦ ፌ̈ና ኦ̈ሂዝ ማቃ ሃዋ̈ራኬ ማቃባር ኦ̈ዝ ኣሴ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 4:2

ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

2 ቆሮ 4:5

ኑ ታማ̈ርሳዚንዳ ዬሱ̈ስ ክርስቶ̈ሲ ጎድ ማ̈ቂ̇ኖንዲኬ ኑ ኑ ቆሚ̇ን ክርስቶ̈ሳ ጊሻ̇ቦ ጋ̈ሪ ዪንታ̇̇ብ ኣሽካ̇ራ ማ̈ቂኖንዲዶኬ ኑ ኑባዝ ሳባ̇ኪባ̈ሴ።

2 ቆሮ 6:8

ኑ̈ኒ ቦንቻ̇ቦ ዎይ ዉርዳታቦ ቆ̈ንታንዳቦ ዎይ ኣንጂ̇ንታ̇ንዳቦ ጊጊ̇ንቲ̇ኖ ኣሴ፤ ኑ̈ኒ ኪን ሶ̈ሊርዶን ኣሳን ኑ̈ና ማቂ̇̈ሬ ጌይዴ።

2 ቆሮ 7:2

ዪንታ̇ ቡዲን ኑ̈ብ ፊርቂ̇ብቴ፤ ኑ̈ኒ ኦ̈ባካር ኢ̈ት ኦ̈ካዬ፤ ኑ ኦ̈ባካር ባላ ባዝ ኦ̈ካዬ፤ ኑ̈ኒ ኦ̈ናካር ማቃ̇ር ባሊካ̇ዬ።

1 ታሳ 2:11

ባ̈ቦ ፌ ናኣንቦ ዎታዚንድፌ̈ኒ ኑ̈ናር ዪንቲ ዎይንቦ ዎቲኖን ዪንቲ ኤሪ̈ሬ።

1 ታሳ 4:7

ጾ̈ሲ ኑ̈ና ጼይጊ̈ኖዲ ኑ̈ኒ ጌ̈ሺቲባር ዶኣንፔ̈ንዶኬ ና̈ጋራ ኦ̈ሙታ ዶኣምፔ̈ን ጊዳካ̇ዬ።

2 ታሳ 2:11

ዪ̈ኮታ̇ቦ ዎርዳ ባዚን ኣማ̇ናምፔ̈ኒ ጾ̈ሲ ኢንታ̇ ባሊዝ ዎልቃ ሚሺ̇̈ሬ።

2 ጴጥ 1:16

ኑ̈ኒ ኑ ጎዳ ዬሱ̈ስ ክርስቶ̈ሳ ዎልቂ̇ንዲኬ ኢ ዬ̈ዚን ዪንታ̇ብ ሶ̈ሊኖንዳ ኢ ቦንቺ̇ንዶ ኑ ኣ̈ፊንባር ቤቃ̇ርዶኬ ኣሲ ኬሲ̇ኖ ቶሳ ሲስካ̇ር ጊዳካ̇ዬ።