13 ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።
ዪንታ̇ባር ማ̈ቃ̇ር ሶ̈ሊዛ̈ዲ ኣፎ ዪንታ̇ ባ̈ባ̈ ኣያ̇ና̈ዲዶኬ ዪንቲ̇ ጊዳካ̇ዬ።
“ዪንታ̇ ሞኪ̇ዝ ኣሲ ታ̈ና ሞኪ̇̈ሬ፤ ታ̈ና ሞኪ̇ዝ ኣሲ ማ ታ̈ና ኪታ̇ር ሚሺኖ ታ ባ̈ባ̈ ሞኪ̇̈ሬ።
ኢ ማ̈ቃ̇ሪ ኣሲንኮ̇ “ኣንጂንቲ̇ኖን ጾ̈ሳ̇̇ ቃ̈ሊን ሲስካ̇ሪ ኦ̈ሳ ጋልዳ̇ ፌ̈ሺ̇ዛን” ጌይዴ።
ፔቲ̇ ጋላስ ዬሱ̈ሲ ጌ̈ንሳ̈ሬጥ ጋዝ ባሃ̈ሪን ላፍ ኤቃ̇ር ዎዶ̈ን ዎይሊን ዎርዦ ኢ ቡጊድባር ሺ̈ቃሪ ጾ̈ሳ̇̇ ቃ̈ላ ሲስካ̇ንዳ̇ብ ዎልዎልኣ ሱጊንቲ̇ ኤ̈̇ዴ።
ዪዚ ሚሳ̇̈ሊን ቢርሺቺ̇ን ዓኖ̇፦ ዜርንዳ̇ ጾ̈ሳ̇̇ ቃ̈ሊንዶ̇።
ኢ ኢንታ̇ኮ “ቴ ኢንዲ̇ኬ ቴ ኢሺንታ̇ን ጾ̈ሳ̇̇ ቃ̈ሊን ሲስኪ̇ ኪ̈ቲንቲ̇ዛን ዎይዬ” ጋ̈ር ማሂዴ።
ቴ ዪንታ̇ብ ሶ̈ሊኖ ቃ̈ሊንኮታ̇ቦ ዪንቲ ዓት ጌሼ̇።
ኔ̈ ኢንታ̇ ኔ ኪን ቃ̈ሊምባ̇ር ጌ̈ሻ̇ቤ፥ ኔ ቃ̈ላዲ ኪን።
ኢንቲ̇ ፌ ኣሲቲን ዉርሲ ኔ̈ዪ ማ̈ሳምፔ̈ኒ ታ̈ናር ታ ኣሲቲንዶ ዉርሳ ኔ̈ብ ኢሚ̇ኔ።
ታ̈ናር ኔ̈ኮ ኤሊ̇ባራ ኣስ ኪ̈ታ̇ር ሚሻዴ፤ ኔ̈ናር ዬይኖምቦ̇ ጾ̈ሲ̇ ኔ̈ብ ኢሞ̇። ዪዚ ኑ̈ኒ ዎይን ጎዳ ኔ̈ና ኪ̈ቲ̇ኖን ኑ̈ብ ሶ̈ሊን ሲስካ̇ንዳ̇ቦ ጾ̈ሳ̇̇̈ ቲ̈ን ዎ” ጌይዴ።
ኣይሁድ ባዮ̇ ኣሳን ዪኖ̇ ሲስካ̇ሪ ኡፋይቲ̇ዴ፤ ጾ̈ሳ̇̇ ቃ̈ሊ̇ንባራሬ ቦንች ኢሚ̇ዴ። ሜና ሼምፓብ ማራ̇ጺንቲ̇ኖን ዎይ ኣማ̇ኒዴ።
ኑ ሶ̈ላዚምባ̇ር ሲስኪ̇ዝ ማጫ̇ን ጋርታ̇ ታ̈ጢሮ̈ና ካታሚን ጋርታ̇ፖ̇ ዬይኖ ዞቃ ኣፊላ ዛልኣዝ ሊ̈ዲያ ጋ̈ዝ ፔቲ̇ ማጫ̇ዶ̈ር ዎ። ኢዛ ጾ̈ሳ̇̇ብ ጎሽታ̇ዝ ኣሴ። ጾ̈ሳ̇̇ር ኢዝ ቡ̈ዲን ፊርቂ̇ኖኮታ̇ቦ ጳ̈ውሎ̈ሲ ሶ̈ላ̈ዚም̇ባር ዋይሳ ሲስካ̇̈ሬ።
ቤ̈ራ ጋዶ̇ ኣሳን ታሶሎንቃ̇ ዎ̈ ኣሳንፖ̇ ኮሽ̇ ቆፒ̇ዝ ቡ̈ዳባሮ ኣሴ። ኣባ ጌይን ባዝ “ዪና̇ ኪንዶ̈ኔ” ጋ̈ሪ ጾ̈ሳ̇̇ ቃ̈ላ ጻ̈ፊንቲ̇ኖ ማጻ̈ፋ ዎይ ጋላስ ናባ̇ቢሙታ̇ ቃ̈ሊንዳሬ ጴች ኡፋይስባር ኤኪ̇ዴ።
ኢንታ̇ሬ “ኣሲ ዓይቃ ጋርታ̇ፖ̇ ዲንዲ̈ሬ” ጋ̈ዚን ሲስካ̇ሪ̈ ፔታ̇ን ፔታ̇ናን ኢ ጋልዳ̇ ሚ̈ጪ̇ዴ። ሜላን ማ “ባዝ ዪኒ̇ኮን ኑ ኔ̈ፖ ዓታ̇ር ማሂ ሲስካ̇ንዳብ ኮዪ̈ሬ̈” ጌይዴ።
ጴ̈ጥሮ̈ሲ ሶ̈ሊኖ ቃ̈ሊን ሲስኪ̇ ኤኪ̇ኖን ጻማ̇ቂ̇ንቲ̇ዴ፤ ዪና̇ ኢዝ ጋላሲ̇ን ዓይዚ̇ ሙኩላ ኣስ ማ̈ቃ̇ምፔ̈ኖ ኢንታ̇ ጋልዳ ጉጂንቲ̇ዴ።
ሳማ̈ራ ጋዶ̇ ኣሳን ጾ̈ሳ̇̇ ቃ̈ሊን ሲስካ̇ር ኣማ̇ኒኖን ዬሩሳ̈ላም ዎ̈ ሃዋ̈ራታን ሲስካ̇ሪ ጴ̈ጥሮሳኬ ዋ̈ኒ̇ሳክ ዎልኣ ኢንታ̇ክ ሚሺዴ።
ዪ̈ኮታ̇ቦ ኣማ̇ኖ ቃ̈ሊን ሲስካ̇ዚን ጋርታ̇ፖ ቤንታ̇̈ሬ፤ ቃ̈ሊንዳ ክርስቶ̈ሳ ባዝ ሶ̈ላዚን ጋርታ̇ፖ ቤንታ̈̇ሬ።
ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።
ሜላ ኣቲ̇ን ታ ዓርጊን ዓና̇ኮታ̇ብ ዪንቲ̇ ታ̈ና ሌቃ̇ንዳብ ዳንዳኢ̈ርዶን ዎቲናካር ዪንቲ̇ ታ̈ና ሺሪንታካይዶር ጾ̈ሳ̇ ኪታ̇ንቻ̇ ሞኪ̇ዛዲፌን ዎይ ዬሱ̈ስ ክርስቶ̈ሳ ሞኪ̇ዛ̈ዲፌ̈ን ታ̈ና ሞኪ̇ኔ።
ዪንቲ̇ ዎጛላ ቃ̈ሊን ሲስኪ̇̈ኖንምፔኬ ጾ̈ሳ̇ ኮሺ̇ቲን ኪን ማ̈ቂ̇ኖን ኤሪኖፖ ኤ̈ሪ ዓና̇ ዎጛሊንዳ ዪንታ̇ ጊዳ̇ ኣ̈ፍ ካጺ̇ኖንዲፌ̈ኒ ሳ̈ዝ ኤ̈ሻ̇ ዎይ ጋልዳ ኣ̈ፍ ካጻ̇ሙታ̇ ዲጫ̇ሙታ̇ ዎ።
ጾ̈ሳ̇ ቃ̈ላ̈ዲ ዎይ ጋላስ ዶኢዛ̈ዳ፤ ማ ኦ̈ዛ̈ዳ፤ ናምኢ ጎይን ዎይ ሌ̈ፊንቲ̇ኖ ማሽፌ̈ን ኣጪንቼ፤ ኣሳ ሼምፓኬ ኣሳ ኣያ̇ናኬ ማ ኣሳ ሻሽ̇ኬ ኣሳ ሜቃ ፋጊዝ ዲራስ ቃጺ̇̈ሬ፤ ኣሳ ቡ̈ዳ ጋርታ ዎ ኢናን̇ኬ ቆፋን ዎይ ቤቂ̇ ኤራር ፋራ̇ዲ̈ሬ።
ኢንቲ ሲስኪ̇ኖ ዎጛላ ቃ̈ሊንዶ ኑ̈ናር ሲስኪ̇ኔ፤ ዎቲናካሬ ኢንቲ̇ ፌ ሲስኪ̇ኖ ቃ̈ሊንዶ ኣማ̇ናባራ ኤካካ̇ዮኮታቦ ኢንታ ማ̈ዳካ̇ዬ።
ኑ̈ኒ ጾ̈ሲ̇ ኮቺ̇ኖ ኮ̈ቺ̇ንት ዎይፖ̇ ኡስ̇ ማ̈ቃ̇ምፔ̇̈ኒ ኢ ፌ̈ብ ዶሳሪ ኪን ቃ̈ላባር ኑ̈ና ዬሊዴ።
ዪንቲ ናምኢ ዬሊንቲ̇ኖንዳ ሜናብ ሼምፓባር ዶኢዝ ጾ̈ሳ̇ ቃ̈ላባር ዪባ̈ሶ ዜር ጋልዳፖዶኬ ዪዝ ዜር ጋልዳፖ ጊዳካ̇ዬ።
ዎቲናካር ጾ̈ሳ̇ ቃ̈ሊንዳ ሜናብ ሚጛር ዶኣ̈ሬ።” ዪንታ̇̈ቦ ሳባ̇ኪንቲ̇ኖ ዎጛላ ቃ̈ሊንዳሬ ዓና̇ ኢዞ።
ቢርት ዬሊንቲ̇ኖ ናኢ ማ̈ ኡሽካ̇ንዳብ ኢኒ̇ታዚንዲፌ̈ኒ ዪንታ̇ ፋቲንባር ዲጪ̇ሙታ̇ ሉካ̇ንዳቦ ኣያ̇ናባር ዲቻዝ ኮሻ̇ ቲሚርቲ̇ንቦ ኢኒ̇ቲብቴ።
ዓኒ̇ፖ ቲ̈ን ጌ̈ሻ̇ ናባን ሶ̈ሊኖ ቃ̈ሊንዲኬ ማ ዪንታ̇ ሃዋ̈ራታን ጎይባራ ዲጚኖ ኑ ጎዳ ኑ̈ና ፋዛ ኪ̈ቲን ቆፓ̇ምፔ̈ኒ ቴ ኮያ̈ሬ።
ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።