11 ባ̈ቦ ፌ ናኣንቦ ዎታዚንድፌ̈ኒ ኑ̈ናር ዪንቲ ዎይንቦ ዎቲኖን ዪንቲ ኤሪ̈ሬ።
ኣባ ጌይን ታ̈ቦ ኢና ኢና̇ኣን ኣቲና ኢሺ̇ኒ ዎ፥ ኢንቲ ዓ ቢጻ ቤቂ̇ዝ ቤሳ̇ ጋርታ̇ ዬካ̇ይፌ̈ኒ ሉካ̇ር ኢንታ̇ብ ሶ̈ሎ ጋ̈ቤ ዋ̈ዴ’ ጌይዴ።
ኢ ኣ̈̇ኖ ቤስ̇ ዎይ ዎርዣ̈ ዎይሊን ዞሪ ሚ̈ንሙታ̇ዶ̈ሪ ግሪ̈ክ ዬሊ̇ዴ።
ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።
ኑ̈ኒ ክርስቶ̈ሳብ ሃዋ̈ራ ማ̈ቂ̇ኖኮታ̇ቦ ኑ̈ብ ኮሺ̇ዝ ባዝ ዎይ ኢማምፔ̈ን ዪንታ̇ ኦይጫንዳብ ዳንዳኢ̈ርዶን ዎቲናካሬ ፌ ናኣን ዲቻ̈ንዳቦ ዋ̈ያዝ ኢንዲ̇ንዲፌ̈ኒ ኑ ዪንታ̇ ጊዳ ኣሽካ ማ̈ቃ̇ር ቢሪንቲ̇ዴ።
ዪዚ ቴ ኢሺታ̇ን! ጾ̈ሳ̇ ኡ̈ፋይሳ̇ር ዶኣዝ ጎይን ዪንቲ ኑ ጋልዳፖ ታማ̈ሪኔ፤ ዓታ̇ር ዪንቲ ዪና̇ ኢዝፌ̈ን ዶኢሙታ̇ ዎ፤ ኑ ዓት ጎዳ ዬሱ̈ስ ክርስቶ̈ሳ ሱምባራ ዪንታ̇ ጌሻዚንዲኬ ዪንታ̇ ዞራዚንዳ ዪንቲ̇ ዓኒ̇ፖ ቲ̈ን ኦ̈ዚምፖ ሺሻር ኦ̈ምፔ̈ኔ።
ዪኒፌ̈ኖ ባዝባራ ኦ̈ናካር ማ̈ቂ̇ን ፌ ኢሻ ጋልዳ ዎይ ፌ ሚሺን ጋልዳ ኢ̈ት ኦ̈ፖጋ̈ቤ፤ ዓኒ̇ፖ ቲ̈ን ኑ ዪንታ̇ብ ሶ̈ሊኖንዲፌ̈ኒ ዪ̈ዲፌ̈ኖ ባዝ ኦ̈ዝ ኣሳን ጾ̈ሲ ኢንታ̇ ጋልዳ ፊርዲ̈ሬ።
ዪ̈ኮታ̇ቦ ዓት ዪንቲ ዎታዚንዲፌ̈ኒ ፔታ̇ና ፔታ̇ና ሚ̈ንጋ̈ቤ፤ ፌ ኣማ̇ኒን ጋልዳ ሚ̈ጛር ኤቃ̇ምፔ̈ን ዎቶ ጋ̈ቤ።
ቴ ኢሺንታን! “ቦዝ ኣሳን ጎይሊብቴ፤ ኢ̈ጪ̇ዝ ኣሳን ሚ̈ንብቴ፤ ዳ̈ቡሪኖ ኣሳን ማ̈ዲ̇ብቴ፤ ኣስ ዎይባራ ዳንዳኣባር ዬብቴ” ጌዪ ኑ ዪንታ̇ ዞሪ̈ሬ።
ቴ ዪንታ̇ባር ዎ ኬሊ̇ንባራ ዪኖ̇ ዪንታ̇ብ ሶ̈ሊኖን ዪንታ̇ክ ኤልቅ ጋ̈ባሳ?
ዪንፌ̈ኖ ኣሳን ጌዳክ ዓኒክ ሜላ̇ ዬ̈ካ̇ይዶር ኦ̈ር ፌ̈ና ኣቂ̈ሳምፔ̈ኒ ጎዳ ዬሱ̈ስ ክርስቶ̈ሳ ሱምባር ኑ ኢንታ ኪ̈ቲ̇̈ሬ ማ ዞሪ̈ሬ።
ኔ̈ኒ ኦ̈ዝ ባዝ ዎይባራ ፔታ̈ናዳ ፔታ̈ናፖ ሺሻር ቤኣካ̇ይዶራ ዓና̇ ቴ ኔ̈ብ ኢሚ̇ኖ ዞሪን ዎይ ኦ̈ሳ ጋልዳ ፌ̈ሻ̇ምፔ̈ኒ ጾ̈ሳ̇ ቲ̈ን፣ ዬሱ̈ስ ክርስቶ̈ሳ ቲ̈ንኬ ማ ማራ̇ጺንቲ̇ኖ ኪ̈ታንቻ̈ን ቲ̈ን ቴ ኔ̈ቦ ዓዳ̈ራ ጋ̈ሬ።
ኢንቲ̇ ኣሲ ኢንታ ጋልዳ ኢ̈ታባዝ ሶ̈ላካይዶር ኮሽ ዶኣምፔ̈ኒ ዓና̇ ቲሚርቲ̇ን ኢንታ ታማ̈ርሳቤ።
ዎይቦ ሼምፓ ኢሚ̇ዝ ጾ̈ሳ̇̇ ቲ̈ንኬ ጴንጣናዋ ጲላጦ̈ሳ ቲ̈ን ኪንን ማርኪቲኖ ዬሱ̈ስ ክርስቶ̈ሳ ቲ̈ን ቴ ኔ̈ና ኪ̈ታ̇̈ሬ።
ዓኒ̇ ኣላሚን ጋ̈ልዶ ዱራን ኦቲርቃካ̇ዮ̈ዲፌ̈ኒ ዎይ ፌ ታስፊን ዪዝ ባዝ ጋልዳ ጋዳካ̇ዮ̈ዲፌ̈ኒ ኢንታ̇ ኪ̈ታ̇ቤ። ኑ̈ኒ ኡፋይታ̇ምፔ̈ኒ ዎይ ባ̈ዚ ሺሻር ኑ̈ብ ኢሚ̇ዝ ጾ̈ሳ̇ ጋ̈ልዳ ኢንቲ̇ ፌ ታስፊን ጋዳ̇ምፔ̈ኒ ኢንታ̇ ዞ̈ራቤ።
ኣማ̇ኒኖ ላ̈ ኢንታ̇ብ ዎ ኣይላን ጎዳ ዬሱ̈ሳባር ዎ ፔቲቲንባራ ኢንቲ̇ ኢንታ̇ብ ኢሺንታ ማ̈ቂ̇ኖኮታቦ ኢንታ̇ ሌቃፖ ጋ̈ቤ፤ ዪኒ̇ፖ ቲ̈ኖምፖ ሺ ኢንታ̇ብ ኦ̈ጋ̈ቤ ኣባ ጌይን ኢንቲ̇ ኦ̈ኖ ኦ̈ሲንባር ማ̈ዲንቲ̇ዝ ኢንታ̇ ላ̈ን ኣማ̇ኒኖ ኣስ ማ̈ቂ̇ኖኮታ̇ብኬ ማ ኢንታ̇ብ ካንቲ̇ኖ ኢሺ ማ̈ቂ̇ኖኮታ̇ቦ። ኔ̈ናር ታማ̈ርሳ̇ንዳብኬ ኮሺንቻ ዞራንዳብ ኮሻ̇ዚንዳ ዓኖ̇።
ዪዚ ኔ̈ኒ ታማ̈ርሳንዳብ ኮሺ̇ዝ ባዛን ዪን፤ ኔ̈ቦ ኢሚንቲ̇ኖ ሲልጣኒንባራ ኮሺንቻ ዞራቤ፤ ጎይላቤ፤ ኦናካ̈ር ኔ̈ና ሌቃፖጋ̈ቤ።
ዪና̇ ኢዝፌ̈ኒ ናኢቲ̇ ኣቲናኣን ፌ̈ና ኢ̈ታ ባዝ ጋልዳፖ ና̈ጋር ዶኣምፔ̈ን ኢንታ ዞራቤ።
ኣይላንር ፌ ላ̈ንቦ ኪ̈ቲንታ̇ምፔ̈ኒ፣ ማ ባዝ ዎይባራ ፌ ላ̈ን ኡፋይሳምፔ̈ን፣ ኢ̈ታ ባዝ ሶ̈ሊ ማሃካ̇ዮ̈ዲፌ̈ኒ ኢንታ ዞራቤ።
ቴ ኢሺንታ̇ን! ዓና̇ ቴ ዪንታ̇ብ ጻ̈ፊኖ ኪ̈ቲንዳ ጊላ̇ ቃቢን ማ̈ቂ̇ኖኮታ̇ቦ ቴ ዪንታ̇ ዞራዝ ዞሪን ዋ̈ዲቴ ጋርዣር ሲስኪ̇ብቴ።
ቴ ናኣን ኪን ጎይ ዬሙታ̇ ዎን ሲስካ̇ዚምፖ ሺ ሜላ ታ̈ና ኡፋይሲ̇ዝ ባዚ ባዬ̇።
