1 ታሳ 1:8 - ኦራ ጫ̈ቃ ማጻ̈ፋ

⁸ ጾ̈ሳ̇ ቃ̈ሊን ዪንታ̇ ጋልዳፖ ኬስካ̇ራ ሲስኪ̇ንቲ̇ኖንዳ ሜቂዶ̈ናኬ ኣካ̇ያ ጋዳ̇ ሙ̈ታ ጊዳካ̇ዬ፤ ጾ̈ሳ̇ ጋ̈ልዳ ዪንታ̇ብ ዎ ኣማ̇ኒንዳ ዎይ ቤስ̇ ሲስኪንቲ̇ኖኮታ̇ቦ ባዝ ዪኒ̇ ጎይ ኑ ዓት ኣባካር ሶ̈ላንዳ̇ቦ ኮሺ̇ባ̈ሴ።

1 ታሳ 1:8 ပူးပေါင်းရင်းမြစ်များ

ሃዋ̈ራታን ኦ̈ሳ 18:12

ጋ̈ሎ̈ሲ ኣካ̈ያ ጋ̈ዝ ጋዲን ኣቂሳዝ ኬሊ̇ምባራ ኣይሁዳን ዎል ፔታ̇ን ማ̈ቃ̇ሪ ጳውሎ̈ሳ ጋልዳ̇ ዲንዳ̇ር ኢያ ፊርድ ኣ̈ል ሺ̇̈ሻ̇ሪ

ሮሜ 1:8

ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ።

ሮሜ 15:26

ዪ̈ዳሬ ሜቅዶ̈ናኬ ኣካ̇ያ ጋዳ̇ ዎ ኣማ̇ኒዝ ኣሳን ዬሩሳ̈ላማ ካታማ ጋርታ ዎ ኣማ̇ኒዝ ዎርባያን ሚ̈ሻ̇ባር ማ̈ዳ̇ንዳቦ ኮዪኖ ጊሼ̇።

ሮሜ 16:19

ዪንቲ̇ ዎጛላቦ ኪቲንታ̈ዚን ኣስ ዎይቦ ኤሪንቲ̇ኖኮታ̇ቦ ታ̈ኒ ኡፋይቲ̇ኔ፥ ዎቲናካር ዪንቲ ኮሽ̇ ባዛብ ኤጫ ማ̈ቃ̇ምፔ̈ኒ ኢ̈ት ባዛቦ ኣሽካ ማ̈ቃ̇ኒፔ̈ን ቴ ኮያ̈ሬ።

1 ቆሮ 14:36

ጾ̈ሳ̇ ቃ̈ላ ዪንታ̇ ጋልዳፖ ኬስኪ̇ና? ዎይ ጾ̈ሳ̇ ቃ̈ሊን ዬሊ̇ኖንዳ ዪንታ̇̇ክ ሙታ̇?

2 ቆሮ 2:14

ዎቲናካሬ ኑ̈ና ዎይ ጋላስ ክርስቶ̈ሳባር ጋሚዝ ኣስ ማሃር ቲ̈ኒዛ̈ብኬ ኮሽ ሳዉቂ̇ዝ ሺታ̇ፌ̈ን ክርስቶ̈ሳ ባዝ ኑ ኤራዚን ዎይ ዎይ ቤስ̇ ዬልምፔ̈ን ኑ̈ና ማ̈ዲ̇ዝ ጾ̈ሳ̇̇̈ቦ ጋላቲ ዬሎ̇።

2 ቆሮ 3:4

ዪኖ̇ ኑ ጌይኖንዳ ክርስቶ̈ሳ ጎባራ ጾ̈ሳ̇ ጋልዳ ኑ̈ብ ኣማ̇ና ዎኮታ̇ቦ።

ቆላ̈ሳ̈ሳ 3:16

ክርስቶ̈ሳ ቃ̈ሊን ኩም ዪንታ̇ ጋርታ̇ ዶኣጋ̈ቤ፤ ኤራ ዎይባራ ዎልዎልኣ ታማ̈ርሲብቴ̇፤ ዎል ዎልኣ ዞ̈ሪንቲ̇ብቴ፤ ጋላታ ማዝሙራባራኬ ዎይ ኣይናታ ማዝሙራባራ ጾ̈ሳ̇̇̈ቦ ቡ̈ዳ ጋርታ̇ፖ ዬጺ̇ብቴ።

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

2 ታሳ 3:1

ዪዚ ዉርሲ ጋልዳ ኑ ኢሺንታ̈ንሶ! ጎ̈ዳ ቃ̈ሊን ዪንታ̇ክ ዬላ̇ ሻኪ̇ኖንዲፌ̈ኒ ዎይ ቤስ̇ ዬላንፔ̈ንኬ ቦንቺንታምፔ̈ን ኑ̈ቦ ዎ̈ሲ̇ብቴ።

1 ጢማ̈ 2:8

ዪዚ ዎይ ቤስ̇ ዎ ኣቲናን ጎይልኬ ዋኬ ኣሻ̇ሪ ፌ ኩሺን ናጋራ ጋልዳፖ ጌ̈ሻ̇ሪ ፉዳ ጾ̈ሳ̇̇̈ክ ዲንር ዎሳምፔ̈ን ኮያ̈ሬ።

2 ጢማ̈ 2:9

ታ̈ናር ዓና̈ ዎጛሊን ጊሽ ኢ̈ታ ባዝ ኦ̈ኖ ኣስፌ̈ኒ ቃቺንታ̇ራ ሜታ ኤካ̇ሙታ ዎ፤ ዎቲናካር ጾ̈ሳ̇ ቃ̈ሊን ቃቺንታ̇ባሴ።

3 ዋ̈ኒ̇ 1:12

ዲማ̈ጥሮ̈ሳቦ ኣስ ዎይ ኮሽ ማርኪቲ̈ሬ፤ ኪንንዳ ኢዛ ፌ̈ቦ ኢ̈ብ ማርኪታ̈ሬ፤ ኑና̈ር ኢብ ማ̈ርኪቲ̈ሬ፤ ኑ ማርኪታዝ ማርኪቲንዳ ኪን ማ̈ቂ̇ኖን ዪንቲ ኤሪ̈ሬ።

ሳጻ 14:6

ዪኒ̇ፖ ዓኒ ሳ̈ዝ ጋልዳ ዶኢዝ ዎርዣቦ፣ ኣሳ ዜርቦ፤ ዱማ ዱማ ኖ̈ና ሶ̈ሊዛንኬ ዱማ ዱማ ኮቻንቦ ዎይ ሜናብ ዶኣዝ ዎጛሊን ኤ̈ኖ ሜላ ኪ̈ታንቻ ኣፋ ፋራምባር ቴ ቤቃ̇ዴ።

ሳጻ 22:17

ጌ̈ሻ̈̇ ኣያ̇ና̈ዲኬ ኢሲ̇ንዲኬ “ዓይ ዬ̈ቤ!” ጌይሬ ሲስኪዛ̈ዳሬ “ዓይ ዬ̈ቤ!” ጌዮ፤ ባርሲንቲ̇ኖ̈ዳሬ ዬዮ፤ ኮዪኖ̈ዲ ሼምፓ ኢሚ̇ዝ ዋ̈ ኣባካር ጪጋካ̇ይዶር ሜላ̇ ዓሪ ኡሽካጋ̈ቤ።