1 ታሳ 1:6 - ኦራ ጫ̈ቃ ማጻ̈ፋ

⁶ ጴች ሜታ ዪንታ̇ ዬሊ̇ናካሬ ዪንቲ̇ ጌ̈ሻ ኣያ̇ና ጋልዳፖ ቤንቲ̇ዝ ኡፋይስባራ ጾ̈ሳ̇ ቃ̈ሊን ኤካ̇ር ኑ̈ናኬ ዬሱሳ̈ኬ ማይጺሙታ ዬዝ ኣስ ማ̈ቂ̇ኔ።

1 ታሳ 1:6 ပူးပေါင်းရင်းမြစ်များ

ማ̈ቶ̈ሳ 16:24

ኢናፖ̇ ዬሱ̈ሲ ፌ ታማ̈ራንኮ “ቴ ዎሂን ዬ̇ንዳብ ኮዪዝ ኣሲ ፌ ቆሚ̇ምቦ̇ ቆፓ̇ዚን ዉርሲ ኣሾ̇ጋ̈ቤ፤ ፌ ማስቃሊን ቶ̈ካ̇ሪ ቴ ዎሂን ዬጋ̈ቤ።

ዋ̈ኒ̇ሳ 8:12

ዬሱ̈ሲ ማ̈ቃ̇ሪ ኣሳንኮ “ታ̈ኒ ዓኒ̇ ኣላሚምቦ̇ ፎኢን፤ ቴ ዎሂን ዬ̇ዝ ኣሲ ሼምፓ ፎኢን ዲጚ̈ርዶኬ ማ̇ ጋርታ̇ ቢሪንቲ̇ባ̈ሴ” ጋ̈ር ሶ̈ሊዴ።

ሃዋ̈ራታን ኦ̈ሳ 13:52

ኣንጾ̈ካ ጋርታ̇ ዎ ኣማ̇ኒዝ ኣሳንር ኡፋይስባርኬ ጌ̈ሻ̇ ኣያ̇ናባር ኩሚዴ።

ሃዋ̈ራታን ኦ̈ሳ 5:41

ሃዋ̈ራታንሬ ዬሱ̈ሳ ሱምባራ ሜታ ኤካ̇ምፔ̈ኒ ጾ̈ሲ̇ ኢንታ̇ ማራ̇ጺኖኮታ̇ቦ ኡፋይቲ̇ሙታ̇ዶ̈ር ኣሳ ሺ̈ቂኖ ቤሳፖ̇ ኬስኪ ሉኪ̇ዴ።

ሃዋ̈ራታን ኦ̈ሳ 9:31

ዪና̇ ኢዝባራ ይሁዳ፣ ጋሊላኬ ሳማ̈ራ ዎ ኣማ̇ኒኖ ኣሳን ሳሪቲ ዲጚዴ፤ ሚ̈ጚዴ፤ ማ ጾ̈ሳ̇̇̈ቦ ኢ̈ጪ̇ሙታ̇ ጾ̈ሳ̇ ቦንቺ̇ ጌ̈ሻ̇ ኣያ̇ናባር ሚ̈ጚሙታ̇ ኣሳር ኢንታ ጋልዳ ጉጂንቲ̇ሙታ̇ ዬይዴ።

ሮሜ 15:13

ዪንታ̇ ታስፊንዳ ጌ̈ሻ̇ ኣያ̇ና ዎልቃባራ ዲጫ̇ሙታ̇ ሉካ̇ምፔ̈ኒ ታስፋ ኢሚ̇ዝ ጾ̈ሳ̇̇̈ዲ ዪንቲ ኢባር ኣማ̇ኒኖምቦ ኡፋይስኬ ሳሪቲ ዎይሊሳር ኢሞ̇ጋ̈ቤ።

1 ቆሮ 11:1

ታ̈ኒ ክርስቶ̈ሲ ዎታዚንዲፌ̈ኒ ዎታ̈ሬ፤ ዓት ዪንታ̇̇ር ቴ ዎታዚን ዎቲብቴ።

1 ቆሮ 11:2

ዎይ ጋላስ ዪንቲ̇ ታ̈ብ ቆፓ̇ዚንኮታ̇ብኬ ዪንቲ̇ ታ ጋልዳፖ ሲስኪ̇ኖ ቲሚርቲ̇ን ሚ̈ን ና̈ጊሙታ ዎኮታ̇ቦ ቴ ዪንታ̇ ኣንጃ̈̇ሬ።

1 ቆሮ 4:16

ዪ̈ኮታ̇ቦ ዪንቲ ታ̈ና ማይጻር ቴ ዎሂን ዬ̇ምፔ̈ን ቴ ዪንታ̇ ጌሻ̈ሬ።

2 ቆሮ 6:10

ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

2 ቆሮ 8:5

ኢንቲ̇ ኦ̈ኖ ኦ̈ሳ̈ዲ ኑ̈ኒ ቆፒ̇ኖምፖ̇ ሺ፤ ኢንቲ̇ ቲ̈ኒታር ፌ̈ና ጾ̈ሳ̇̇̈ቦ ኣ̈ ኢሚ̇ዴ። ኢናፖ̇ ጾ̈ሲ ጌዪኖንዲፌ̈ን ኑ̈ብ ፌ̈ና ኣ̈ ኢሚ̇ዴ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ኤፍ 5:1

ዪዚ ዪንቲ̇ ካንቲ̇ኖ ና̈ኢፌ̈ኒ ጾ̈ሳ̇ ማ̈ይጻር ዶኢብቴ̇።

ፊል 3:17

ቴ ኢሺንታ̈ን! ቴ ዎታዚን ቤቃ̇ሪ ዪንታ̇ር ዪና̇ ኢዝፌ̈ን ዎቲብቴ። ኑ ዎታዚንዲፌ̈ን ዎቲዝ ኣሳን ኮሺንቻር̇ ኢንታኮን ቤቂ̇ብቴ።

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

2 ታሳ 3:7

ዪንቲ̇ ኑ ዎታዚንዲፌ̈ን ዎታንዳብ ኮሻ̇ዚንዶ ዪንቲ̇ ዪንታ̇ ቆሚ̇ንቦ ኤሪ̈ሬ፤ ኑ̈ኒ ዪንታ̇ባር ዎ ኬሊ̇ንባራ ኦ̈ሳብ ቦ̈ሲኖ ኣስ ጊዳካ̇ዬ።

2 ታሳ 3:9

ኑ̈ኒ ዪኖ̇ ዎቲኖንዳ ዪንቲ̇ ኑ̈ና ማ̈ይጻምፔ̈ንዶኬ ኑ̈ኒ ዪንታ̇ ጋልዳፖ ማ̈ዲ ኦይጪ̇ዝ ሲልጣ̈ና ዪን ጊዳካ̇ዬ።

2 ጢማ̈ 4:2

ቃ̈ሊን ሳ̈ባ̇ካቤ፤ ኬሊ̇ን ኮሽኪ̇ናር ኢቲ̇ናር ጊ̈ጊንታ̇ር ዶኣቤ፤ ጴች ዳንዳኣባራኬ ቲሚርታባራ ዎቢ̇ኖ ጺት ዎታቤ፥ ማ ጎይላቤ ሚ̈ንቤ።

ኢብ 10:34

ዪንታ̇ቦ ኮሽ̇ ቆሊን ኣፋ ዎን ኤሪኖኮታ̇ቦ ዪንታ̇ ቆሊን ዎይ ኢንቲ̇ ኤኪንቲ̇ናካሬ ዪንቲ̇ ኡፋይቲ̇ኔ፤ ቃሺ ኣ̈ል ጌሊኖ ኣሳንባሬ ዪንቲ ሚጪንቲ̇ኔ።

1 ጴጥ 1:6

ዓት ዱማ ዱማ ሜታን ጊሊ̇ ጊዛቦ ዪንታ̇ ዬሊ̇ናካሬ ዪንታ̇ብ ዎ ታስፊንባር ኡፋይቲ̇ብቴ።

1 ጴጥ 1:8

ዪንቲ̇ ዬሱ̈ስ ክርስቶ̈ሳ ኣ̈ፍባር ቤቃካ̇ዮ ኣስ ማ̈ቂ̇ናካሬ ኢያ ካሬ፤ ዓት ዪንቲ̇ ቤቃካ̇ይ ማ̈ቂ̇ናካሬ ኢያ ኣማ̇ኒ̈ሬ፤ ኣሲ ኖ̈ናባር ሶ̈ላር ዳንዳኢባ̈ሶ ጴች ኡፋይስባር ኡፋይቲ̇̈ሬ።

1 ጴጥ 3:13

ዪንቲ ኮሻ̇ ባዝ ኦ̈ንዳ̇ቦ ሚ̈ጚንቴጌይንዶ ሜታ ዪንታ̇ ጋልዳ ኤሄይዛ ኦ̈ኖ?

3 ዋ̈ኒ̇ 1:11

ቴ ላጋ̇̈ዶ! ኮሽ ኦ̈ዛን ማይጻብዶኬ ኢ̈ት ኦ̈ዛን ማይጻፔ̇። ኮሽ ኦ̈ዛን ጾ̈ሳ̇ ኣሴ፤ ኢ̈ት ኦ̈ዝ ኣሲ ጾ̈ሳ̇ ቤቃካ̇ዬ።