1 ታሳ 1:5 - ኦራ ጫ̈ቃ ማጻ̈ፋ

⁵ ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ።

1 ታሳ 1:5 ပူးပေါင်းရင်းမြစ်များ

ማ̈ርቆ̈ሳ 16:20

ኢ ታማ̈ራን ዎይ ቤስ̇ ሉካ̇ሪ ጾ̈ሳ̇̇ ቃ̈ላ ታማ̈ርሳምባራ፥ ጎዳ ኢንታባር ማ̈ቃ̇ር ኦ̈ዴ። ኢንቲ̇ ታማ̈ርሳምባራ ዱማ ዱማ ማላ̇ን ቤንቲ̇ ሙታ̇ ኢንቲ ታማ̈ርሲኖ ቲሚርቲ̇ን ኪን ማ̈ቂ̇ኖን ኤሪሲዴ።]

ሉቃ̈ሳ 1:1

ቦንቺ̇ንቲ̇ኖ ቶ̈ፍሎ̈ሶ! ኑ ጊዳ̇ ጋርታ̇ ኦ̈ሲንቲ̇ኖ ባዛን ሶ̈ሊዝ ታ̈ሪካ ዓኒ̇ፖ ቲ̈ን ዎይሊን ኣሲ ጻ̈ፊኔ።

ሃዋ̈ራታን ኦ̈ሳ 11:21

ጎዳ̈ዳሬ ኢንታ ማ̈ዲ̇ዴ፤ ዎይሊን ኣሳር ኣማ̇ናር ጎዳ̈ክ ማ̈ቂ̇ዴ።

ሃዋ̈ራታን ኦ̈ሳ 16:14

ኑ ሶ̈ላዚምባ̇ር ሲስኪ̇ዝ ማጫ̇ን ጋርታ̇ ታ̈ጢሮ̈ና ካታሚን ጋርታ̇ፖ̇ ዬይኖ ዞቃ ኣፊላ ዛልኣዝ ሊ̈ዲያ ጋ̈ዝ ፔቲ̇ ማጫ̇ዶ̈ር ዎ። ኢዛ ጾ̈ሳ̇̇ብ ጎሽታ̇ዝ ኣሴ። ጾ̈ሳ̇̇ር ኢዝ ቡ̈ዲን ፊርቂ̇ኖኮታ̇ቦ ጳ̈ውሎ̈ሲ ሶ̈ላ̈ዚም̇ባር ዋይሳ ሲስካ̇̈ሬ።

ሃዋ̈ራታን ኦ̈ሳ 2:33

ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ።

ሮሜ 1:16

ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ።

ሮሜ 15:13

ዪንታ̇ ታስፊንዳ ጌ̈ሻ̇ ኣያ̇ና ዎልቃባራ ዲጫ̇ሙታ̇ ሉካ̇ምፔ̈ኒ ታስፋ ኢሚ̇ዝ ጾ̈ሳ̇̇̈ዲ ዪንቲ ኢባር ኣማ̇ኒኖምቦ ኡፋይስኬ ሳሪቲ ዎይሊሳር ኢሞ̇ጋ̈ቤ።

ሮሜ 2:16

ዪና̇ ማ̈ቃ̇ዚንዳ ታ̈ኒ ሶ̈ላዝ ዎጛላ ቃ̈ሊንዲፌ̈ኒ ኣሳን ኦ̈ኖ ሜላ ኣቲ̇ን ጌማ ባዛን ጋልዳ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ፊርዳዝ ቃሚ̇ንባራ።

1 ቆሮ 1:24

ዎቲናካር ጾ̈ሲ ፌ̈ክ ጼይጊኖ ኣይሁዳር ማ̈ቆ̇ ግሪክ ኣሳር ማ̈ቆ̇፥ ዪንቦ ክርስቶ̈ሲ ጾ̈ሳ̇ ኤራኬ ጾ̈ሳ̇ ዎልቃ̇።

1 ቆሮ 10:33

ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።

1 ቆሮ 3:16

ዪንቲ̇ ጾ̈ሳ̇̇ ኬ̈ ማ̈ቂ̇ኖንዲኬ ጾ̈ሳ̇ ኣያ̇ና ዪንታ̇ ጋርታ ዶኣዚን ዪንቲ̇ ኤሪባ̈ሳ?

1 ቆሮ 3:6

ቴ ቶካ̇ዴ፤ ኣጵሎ̈ሲ ዋ̈ ኡሺ̇ዴ፤ ዎቲናካር ዲቺ̇ዛ̈ዲ ጾ̈ሳ̇̇̈ዳ።

1 ቆሮ 4:20

ጾ̈ሳ̇ ካ̈ቲቲ̇ንዳ ዎልቃባርዶኬ ኖ̈ናባር ማ̈ቂ̇ዝ ባዝ ጊዳካ̇ዬ።

1 ቆሮ 9:14

ዪና̇ ኢዝፌ̈ኒ ዎጛላ ታማ̈ርሲዝ ኣሳን ፌ̈ብ ዶኢብ ኮሺ̇ዝ ባዚን ዎጛላ ኦ̈ሲን ጋርታ̇ፖ̇ ዲጛምፔ̈ን ጾ̈ሲ̇ ኪ̈ቲ̇ኔ።

2 ቆሮ 3:6

ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።

ጋላ̈ታ 2:2

ቴ ዬሩሳ̈ላም ሉኪ̇ኖንዳ ጾ̈ሳ̇̇̈ዲ ቴ ኢና ሉካ̇ምፔ̈ኒ ሳጻባር ታ̈ና ቤይሲኖኮታ̇ቦ። ኣይሁድ ባዮ̇ ኣሳንብ ሳባ̇ካዝ ዎጛሊን ዎዛርፌንኮ ዎ̈ሳ ኬ̈ን ቲ̈ኒዝ ኣሳን ጋርታ̇ፖ̇ ኤሪንቲ̇ኖ ኣሳን ሺ̇̈ሻ̇ራ ኢንታ̇ብ ዱማ ሶ̈ላዴ። ዪና̇ሬ ዓኒ̇ፖ̇ ቲ̈ን ቴ ኦ̈ኖ ኦ̈ሳንር ማ̈ቂ̇ን ዓት ኦ̈ዝ ኦ̈ሳን ሜላ̇ ኣታካ̇ይፌ̈ኔ።

ጋላ̈ታ 5:5

ኑ̈ኒ ዎቲናካሬ ጾ̈ሳ̇̇ ኣያ̇ና ጎይባራ ኣማ̇ናባር ጺላ̇ንዳብ ታስፋባር ና̈ጊ̈ሬ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 3:20

ዪ̈ኮታ̇ቦ ኑ ጋርታ̇ ኦ̈ዛ ኢ ዎልቃ ጎይባራ ኑ ጌሻዚምፔኬ ቆ̈ፓ̇ዚምፖ̇ ዎይሊን ሺሻሪ ኦ̈ንዳብ ዳንዳኢዝ ጾ̈ሳ̇̇̈

ፊል 2:13

ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ፊል 4:9

ዪንቲ ታ̈ ጋልዳፖ ታማሪኖን፥ ታ ጋልዳፖ ኤኪ̇ኖንዶ፥ ታ ጋልዳፖ ሲስኪ̇ኖንዲኬ ቤቂ̇ኖን ዎይ ኦ̈ብቴ፤ ሳሪቲ ጾ̈ሳ̇̇̈ዲ ዪንታ̇ባራ ዶኢ̈ሬ።

ቆላ̈ሳ̈ሳ 2:2

ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

2 ታሳ 2:14

ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

2 ጢማ̈ 2:10

ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።

2 ጢማ̈ 2:8

ዓይቃ ጋማ̈ር ዲንዲኖ፥ ዳ̈ዊታ ዜ̈ር ማ̈ቂ̇ኖ ዬሱ̈ስ ክርስቶ̈ሳ ቆፓ̇ቤ፤ ታ̈ናሬ ሳ̈ባ̇ካዝ ዎጛሊን ዓና̇ ኢዞ።

ኢብ 10:22

ኢ̈ታ ቆፊ ጋልዳፖ ጌዥጋንዳቦ ኑ ቡ̈ዲን ጌ̈ሻ̇ሪ ኑ ጋሊ̇ንዳር ጺል̇ ዋ̈ባር ሜ̈ጫ̇ሪ ኮሽ̇ ቡ̈ዳባርኬ ኪን ኣማ̇ናባር ጾ̈ሳ̇ኮ ሺ̈ቂስቶ።

ኢብ 6:11

ዪንቲ ዎይን ታስፋባር ና̈ጋዝ ባዚን ዪንታ̇ ኩሽታ ኣዝ ዲራስ ዪንቲ ቲ̈ናፖ ኦ̈ሙታ ዎን ዓታ̇ር ሚ̈ጋር ኦ̈ምፔ̈ኒ ኑ ኢኒ̇ቲ̈ሬ።

1 ጴጥ 1:12

ዪን ናባን ዪኖ̇ ሶ̈ሊኖንዳ ዪንታ̇ብዶኬ ኢንታ ኬሊ̇ንባር ማ̈ቃ̇ባሶን ኢንታ̇ብ ኤሪንቲ̇ኔ፤ ኢንቲ̇ ሶ̈ሊኖንዳ ኣፋፖ ዬይኖ ጌ̈ሻ̇ ኣያ̇ና ጎይባራ ዓት ዪንታ̇ብ ዎጛላ ሳባኪ̇ኖ ኣሳን ሶ̈ሊኖን ኢዞ ሚን ሶ̈ሊኔ፤ ባዚን ዪኖ̇ ኣፎ ኪ̈ታንቻ̇ንር ቤቃ̇ንዳብ ኢኒ̇ቲ̈ሬ።

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።

1 ጴጥ 5:3

ዪንታ̇ቦ ዓዳራባር ኢሚ̇ኖ ዎርዣ̈ ዎልቃባር ኣቂሲዝባዝ ጊዳካ̇ይዶን ኢንታ̇ብ ኮሽ ሚሳ̇̈ሊ ማ̈ቃ̇ር ቤይሲሙታ ኣቂሲብቴ።

2 ጴጥ 1:10

ዪ̈ኮታ̇ቦ ቴ ኢሺንታ̇ንሶ! ዪንቲ̇ ጼይጊንቲ̇ኖንዴኬ ማራጺንቲ̇ኖን ሚ̈ንንዳቦ ቲ̈ኖንፖ ሺ ሚ̈ጚብቴ̇፤ ዪንቲ̇ ዪኖ̇ ዎቴጌይንዶ ዉ̈ርሲ ዪንታ̇ ኣማ̇ኒን ጋልዳፖ ኬዲ̇ባ̈ሴ።

2 ጴጥ 1:19

ባዝ ዪን ዎይ ናባን ኑ̈ብ ሶ̈ሊኖ ባዛን ኪን ማ̈ቂ̇ኖን ኤርሲ̈ሬ፤ ዪ̈ኮታ̇ቦ ዪንቲ̇ ም ቤስ̇ ጋርታ ጋዲ̇ኖ ፎኢንን ያካ̇ዮ̈ዲፌ̈ን ና̈ጋዚንዲፌ̈ኒ ናባን ሶ̈ሊኖ ባዚን ዪና̇ ኢዝፌ̈ኒ ኮሺንቻክ ና̈ጊብቴ̇፤ ዪንቲ̇ ዪኖ̇ ዎታዚንዳ ጋማ ዳርኢዝ ዲራስኬ ሳ̈ዚ ዎንታ̇ንዳቦ ዎታዚምባራ ቤ̈ንታ̇ዝ ቤ̈ርሲ̇ን ዪንታ̇ ቡ̈ዲን ጋርታ ቤንቲ̇ዝ ዲራሴ።