1 ታሳ 1:3 - ኦራ ጫ̈ቃ ማጻ̈ፋ

³ ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።

1 ታሳ 1:3 ပူးပေါင်းရင်းမြစ်များ

ዋ̈ኒ̇ሳ 14:15

“ዪንቲ̇ ታና ካርኮ ቴ ኪ̈ቲን ና̈ጊብቴ፤

ዋ̈ኒ̇ሳ 15:10

ታ̈ኒ ቴ ባ̈ባ ኪ̈ቲን ና̈ጋራ ኢ ካንምባር ዶኣዚንዲፌ̈ን፥ ዪንታ̇ሬ ቴ ኪ̈ቲን ና̈ጌጌይን ዪንቲ̇ ቴ ካምባ̇ር ዶኢ̈ሬ።

ሃዋ̈ራታን ኦ̈ሳ 10:31

ታ̈ኮ ‘ቃርናሎ̈ሶ! ኔ ዎ̈ሳ ጾ̈ሳ̇̇ ዋይታ̇ ኣ̈̇ኔ፤ ኔ ዎርባያንቦ ኢሚ̇ዝ ሙጻ̈ቲንዳሬ̈ ጾ̈ሳ̇̇ ቲ̈ን ቤንቲ̇ኔ፤ ኢያር ኔ̈ቦ ቆፒ̇ኔ፤

ሃዋ̈ራታን ኦ̈ሳ 3:19

ዪዚ ዪንታ̇ ናጋራ̈ ዪንታ̇ቦ̈ ኣቶ̇ ጌዪንታ̇ምፔ̇̈ንኬ ጎዳ ዪንታ̇ ማ̈ዲ̇ዝ ላይ ዬ̈ምፔ̈ኒ ማ̈ሪቲ ጌላር ጎዳ̈ክ ማ̈ቂ̇ብቴ።

ሮሜ 12:12

ዪንታ̇ብ ዎ ታስፊንባራ ኡፋይቲ̇ብቴ፤ ሜታ ዪ̈ንታ ዬ̈ሌ̇ጌይን ጋ̈ርዢብቴ፤ ዎይ ጋላስ ዎ̈ሲ̇ብቴ።

ሮሜ 15:13

ዪንታ̇ ታስፊንዳ ጌ̈ሻ̇ ኣያ̇ና ዎልቃባራ ዲጫ̇ሙታ̇ ሉካ̇ምፔ̈ኒ ታስፋ ኢሚ̇ዝ ጾ̈ሳ̇̇̈ዲ ዪንቲ ኢባር ኣማ̇ኒኖምቦ ኡፋይስኬ ሳሪቲ ዎይሊሳር ኢሞ̇ጋ̈ቤ።

ሮሜ 15:4

ጌ̈ሻ̇ ማጻ̈ፋን ጋልዳ ጻ̈ፊንቲ̇ኖ ባዛን ኑ̈ብ ቲሚር̇ታ ማ̈ቃምፔ̈ኒ ጻ̈ፊንቲ̇ኔ። ጻ̈ፊንቲ̇ኖ ባዛን ዪን ኑ̈ና ጋርዢዝ ኣስኬ ሚ̈ጚዝ ኣስ ዎቲዛኮታ̇ቦ ኑ̈ኒ ታስፋባራ ና̈ጋንዳብ ዳንዳኢ̈ሬ።

ሮሜ 16:26

ዎቲናካር ዓት̇ ዓና̇ ኪን ባዚንዳ ፋላ̇ ጋል ኬስኪ̇ኔ፤ ሜናብ ዶኢዝ ጾ̈ሳ̇̇ ኪ̈ትባራ ዎርዣን ዎይ ኣማ̇ናር ኪ̈ቲንታ̇ምፔ̈ኒ ናባን ጻ̈ፊኖ ማጻ̈ፋ ጎይባራ ጾ̈ሲ̇ ኢንቲ̇ ዎይ ኢያ ኤራምፔ̈ኒ ዎቲኔ።

ሮሜ 16:6

ዪንታ̇̇ብ ዎይሊን ዋያ ዳ̈ቡሪኖን ማ̈ራሞ ሳሮ ጌብቴ̇።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

1 ቆሮ 13:13

ዪዚ ኣማ̇ና፣ ካን፣ ታስፋ ዪን ዓይዛን ሚ̈ጛር ዶኢ̈ሬ ዎቲናካሬ ዪን ጋርታፖ̇ ሺዚንዳ ካን።

1 ቆሮ 15:58

ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

ጋላ̈ታ 1:4

ኑ ጾ̈ሳ̇ ኑ ባ̈ባ̈ ጌይኖንዲፌ̈ን ዓና̇ ኢ̈ታ̇ ኣላሚን ጋልዳፖ̇ ኑ̈ና ፋንዳቦ ኑ ናጋራ ጊሻ̇ብ ዬሱ̈ሲ ፌ̈ና ኣ̈ ኢሚ̇ዴ።

ጋላ̈ታ 5:13

ቴ ኢሺንታ̇ን! ዪንቲ̇ ኣይላ ጋርታ̇ፖ̇ ኬስካምፔ̈ን ጼይጊንቲ̇ኔ፤ ዪና̇ ዪንቲ ኣይላ ጋርታፖ̇ ኬስኪ̇ኖንዳ̇ ኢ̈ታ ባዝ ኦ̈ንዳቦ ዪንታ̇ብ ጎይ ፊርቂ̇ኖ ማይጻፖ̇ጋ̈ቤ፤ ዪኒ̇ፖ ፔታ̇ና̈ዲ ካንባራ ሜላ̈ ማዳ̇ጋ̈ቤ።

ጋላ̈ታ 5:6

ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።

ጋላ̈ታ 6:9

ኮሻ̇ ባዝ ኦ̈ንዳቦ ዳቡርባ̈ዳ፤ ኑ ቦ̈ዛካ̇ይዶር ኦ̈ጌዪን ኬ̈ሊን ዬላ̇ምባራ ዜርቂኖን ቴይሲ̇ ኤኪ̇̈ሬ።

1 ታሳ 3:6

ዎቲናካር ዓት̇ ጢማ̈ቶ̈ሲ ዪንታ̇ካፖ ማ̈ቂ̇ ዬ̈ሪ ዪንታ̇ ኣማ̇ኒን ጎይኬ ዪንታ̇ ካን ጎይ ኑ̈ና ኡፋይሲ̇ዝ ባዝ ኑ̈ብ ሶ̈ሊኔ፤ ማ ዎይ ጋ̈ላስ ኑ̈ና ኮሽባር ቆፓ̇ዚንዲኬ ኑ ዪንታ̇ ቤቃ̇ንዳቦ ሹ̈ኒታዚንዲፌ̈ኒ ዪንታ̇ር ኑ̈ና ቤቃ̇ንዳብ ሹ̈ኒታዚንዶ ኢ ኑ̈ብ ሶ̈ሊኔ።

2 ታሳ 1:11

ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

2 ታሳ 1:3

ኑ ኢሽንታን! ዪንታ̇ ኣማ̇ኒንዳ ዎይ ጋላስ ዲጫ̇ሙታ ሉካ̇ዚንኮታ̇ብኬ ዪንታ̇ብ ዎልዎልኣ ዎ ካንንዳ ዲጫ̇ሙታ̇ ሉኪ̇ኖምቦ ኑ̈ኒ ዪንታ̇ጊሻ̇ቦ ዎይ ጋላስ ጾ̈ሳ̇ ጋላታንዳብ ኮሺ̇̈ሬ።

1 ጢማ̈ 1:14

ኑ ጾ̈ሳ̇̇̈ዲ ዬሱ̈ስ ክርስቶ̈ሳባራ ኑዪ ማ̈ቂ̇ኖ ኣማ̇ኒንዲኬ ካንንዶ ፌ ኮሺቲምባር ዎልኣ ታ̈ቦ ሺሻር ኢሚ̇ዴ።

1 ጢማ̈ 2:3

ዪና ኑ̈ና ፋኖ ጾ̈ሳ̇ ቲ̈ን ኮሽ̇ኬ ኡፋይሲ̇ዝ ባዜ።

ኢብ 10:36

ዪንቲ̇ ጾ̈ሳ̇ ኮያዝ ባዚን ኦ̈ሪ ኢ ዪንታ̇ብ ኢማ̇ንዳብ ቃ̈ላ ጌሊኖ ባዚን ዲጛንዳብ ጋርዣር ና̈ጋንዳብ ኮሺ̇̈ሬ።

ኢብ 11:17

ኣብራሃማ ጾ̈ሳ̇ብ ኪ̈ቲንቲ̈ርኮ ዎይ ኪ̈ቲንቲ̇ባ̈ስኮ ኤራንዳቦ ጾ̈ሲ ኢያ ፋታ̇ኒኖ ኬሊንባራ ኢ ፌ ናኣ ዪሳ̈ቃ ዣርሻ ሹካ̇ንዳብ ሺ̈ሺ̇ኖንዳ ኣማ̇ናባራ፤ ጾ̈ሲ ኣብራሃ̈ማኮ “ኔ ዜር ጼይጊንቲ̇ዛ̈ዲ ዪሳ̈ቃ ጎይባራ” ጌይኔካሬ፥ ታስፋ ቃ̈ላ ኤኪ̇ኖ ኣብራሃ̈ሚ ፌ ናኣ ፔታ̇ና ኢያ ዣርሻ ሹካ̇ንዳብ ጊ̈ጊንቲ̇ኔ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

ኢብ 4:11

ዪ̈ኮታ̇ቦ ኦ̈ናካር ኣሲ ኣሳን ሴካን ኣማ̇ናካ̇ይ ኣታ̇ሪ ኬዲ̇ኖንዲፌ̈ኒ ኬዳ̇ር ኣታካ̇ዮ̈ዲፌ̈ኒ ሼምፓ ቤሲ̇ን ጋርታ ጌላንዳቦ ሚ̈ጚስቶ።

ኢብ 6:15

ኣብራሃ̈ሚ ጋርዣባር ና̈ጋሪ ጾ̈ሲ ኢ̈ብ ኢማ̇ንዳ ጌይኖ ታስፊን ዲጚዴ።

1 ጴጥ 3:4

ዪንታ̇ ቆይሲንዳ ጾ̈ሳ̇ ቲ̈ን ጴች ቦንቺንቲ̇ኖ ዎይ ጋላስ ዪባ̈ሶ ጌ̈ጻንባር ማ̈ቆ̇ጋ̈ቤ። ዪንሬ ኣሽካ ማ̈ቃር ዶኢዛ̈ዲኬ ጻባያባር ዶልቆቃ ማ̈ቃ̇ር ዶኢዛ ቡ̈ዳ ጋርቶ ቆይሲ።

1 ዋ̈ኒ̇ 3:18

ናኣን̇! ኑ ካንንዳ ኖ̈ናባርኬ ሶ̈ላባርሙታ̇ ጊዳካ̇ይዶን ኪ̈ንባርኬ ኦ̈ሳባራ ቤንታ̇ጋ̈ቤ።

1 ዋ̈ኒ̇ 3:21

ቴ ላጋ̇ን! ኑ ቡ̈ዲን ኑ̈ና “ኔ ኢ̈ቲ̇ ኦ̈ኔ” ጋ̈ባስኮ ጾ̈ሳ̇ ቲ̇ን ኑ̈ቦ ኢ̈ች ባዬ̇።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።

1 ዋ̈ኒ̇ 5:3

ኣሲ ጾ̈ሳ̇ ካ̈ሬ ጋ̈ዚንዳ ኢ ኪ̈ቲን ኦ̈ ፎታዚንዶ፤ ኢ ኪ̈ታንሬ ጴች ዴ̈ጺዝ ባዝ ጊዳካ̇ዬ።

ሳጻ 2:19

ኔ ኦ̈ሲንዲ̇ኬ ኔ ካንንዶ፤ ኔ ኣማ̇ኒንዲኬ ኔ ታ̈ቦ ዳ̈ቡሪኖንዶ ማ ኔ̈ኒ ጋርዣባር ሚጚኖን ቴ ኤራ̈ሬ፤ ኔ ኦ̈ሲን ዎሆንዳ ቲ̈ኖምፖ ሺዚን ቴ ኤራ̈ሬ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።