7 ኢ ዪንታ̇ቦ ቆፒ̇ዛኮታቦ ዪንታ̇ ዋይዝባዝ ዎይ ኢ ጋልዳ ቶ̈ጚ̈ብቴ።
ዪንታ̇ ጋርታ̇ፖ̇ ቲ̈ሪስባራ ፌ ላይን ጋል̇ዳ ፔቲ̇ ቃማ̇ ጉጃ̇ንዳብ ዳንዳኢዝ ኣሲ ዎ?
“ማ ኣፊላባር ማ̈ቂ̇ን ዪንቲ̇ ኣባብ ቲ̈ሪ̈ራ? ቡጫ ጋልዶ ቡናን ቤቂ̇ብቴ̇፥ ኢንቲ̇ ኦ̈ ዋ̈ዪባ̈ሴ ፉ̈ታ̇ር ሱኪ̇ባ̈ሴ።
ዪ̈ኮታ̇ቦ ‘ኑ ኣብዝ ሙይራ?’ ‘ኣብዝ ኡሽኪ̈ራ?’ ማ ‘ኣብዝ ማኢ̈ራ?’ ጋ̈ሪ ቲ̈ራፒ̇ቴ።
ዬሱ̈ሲ ጎጚን ጋርታ ጋስ ኣ̈̇ሪ ቲራ̈ሳ ፌ ቆም ኣቻ ጋዳ̇ር ሱርቂንዶ̈ን፥ ኢ ታማ̈ራን ኢያ ዲንር ጌዪ “ኣስታማ̈ራ̈ዶ! ኑ ያምባ̇ር ኔ ዚምዶኣ̈ራ?” ጌይዴ።
ኢናፖ̇ ዬሱ̈ሲ ፌ ታማ̈ራንኮ “ዪዚ ቴ ዪንታ̇ብ ሶ̈ላዚንዳ̇ ‘ኑ ኑ ጋርሳ̇ብ ኣ ሞ̈ኔ? ጋላ̇ብ ኣ ማኣኔ?’ ዪዝ ጋ̈ሪ ዪንታ̇ ቡ̈ዳ ኣፒቴ።
ዪንቲ̇ ዪዚ ዪኒ̇ፌ̈ኖ ጊሊ̇ ባዚን ኦ̈ንዳብ ዳንዳኢባ̈ስኮ ሜላ ባዛብ ኣባብ ዪንታ̇ ቡ̈ዳ ኣ̈̈ራ?
ዪ ዬ̈ጚዝ ናሳ̈ዲ ፌ ቆሚ̇ን ዎጻ̇ዚንዳ̇፥ ኢ ሚ̈ሻ̇ብ ኦ̈ዝ ኣስ ማ̈ቂ̇ኖኮታ̇ብኬ ዶራንቦ ቆፒ̇ባሶኮታ̇ቦ።
ጾ̈ሳ̇ ጌሺሙታኬ ኢያ ጋላቲሙታ ዎይባዝ ዎ̈ሳባር ጾ̈ሳ̇̇̈ኮ ሺ̈ሺ̇ብቴዶ̈ኬ ኣባክ ፔቲ ባዛባር ጫና̇ቂንታፒ̇ቴ።
