1 ጴጥ 5:5 - ኦራ ጫ̈ቃ ማጻ̈ፋ

⁵ ማ ዪንቲ̇ ናኢቲን! ዶምዛንቦ ኪ̈ቲንቲ̇ብቴ፤ ዪንቲ ዪንታ̇ ዪርክ ዪርክ ዎቲ ሙታ ፔታ̇ ፔታ̇ና ማ̈ዶጋ̈ቤ፤ ኣኮታ̇ቦ ጌይን “ጾ̈ሳ̇ዲ ኦቲርቂዛ̈ን ኢጺ̇̈ሬ፥ ፌ̈ና ዪርክ ዪርክ ዎቲዛንቦ ፌ ኮሺቲን ቤይሲ̈ሬ” ጋ̈ሪ ጻ̈ፊንቲ̇ኔ።

1 ጴጥ 5:5 ပူးပေါင်းရင်းမြစ်များ

ሉቃ̈ሳ 22:26

ዎቲናካሬ ዪንቲ̇ ዪ̈ዲፌን ዎታፒ̇ቴ። ዪንታ̇ ጊዳ̇ ጴች ማ̈ቂ̇ኖ ኣሲ ፌ̈ና ዪርክ ዎቶ፤ ኣላቃ ማ̈ቂ̇ኖ̈ዳሬ ኣይላፌ̈ን ማ̈ቆ̇።

ሮሜ 12:10

ዎል ዎልኣ ኢሺክ ጌ̈ዲክፌ̈ን ዶ̈ሲንቲ̈ብቴ፤ ዎልዎልኣ ቦንቺ̇ንቲ̇ብቴ።

ሮሜ 13:14

ዪዚ ኣሲ ኣፊላ ማኢን ኢ ጋልዳ ቤንታ̇ዚንዲፌ̈ኒ ጎዳ ዬሱ̈ሲ ዪንታ̇ ጋልዳ ቤንቶ̇ጋ̈ብዶኬ ዪንታ̇ ኢ̈ታ ኢኒ̇ን ኩምንዳብ ቆፓ̇ፒ̇ቴ።

ኤፍ 5:21

ክርስቶ̈ሳብ ኢ̈ጫሪ ዪንታ̇ ጋርታ ፔታ̇ና ፔታ̇ና̈ቦ ኪቲ̇ንታጋ̈ቤ።

ፊል 2:3

ዪንቲ̇ ኦቲርቂባ̈ሶ ማ̈ቃ̇ሪ ሜላ̈ን ዪንታ̇ፖ ሺዛ ማሃር ፋይዲብቴዶኬ ዪንቲ ዪንታ̇ ካሪ ዎይ “ታ̈ፖ ኣ̈ዛ ኦ̈ኖ” ጋ̈̈̈ሪ ኣባክ ፔቲ̇ባዝ ዎታፒ̇ቴ።

ቆላ̈ሳ̈ሳ 3:12

ዪዚ ዪንቲ̇ ጾ̈ሲ ዪንታ̇ ፌዪ ማሃንዳብ ቆሪኖንኬ ኢባር ካንቲ̇ኖ ጾ̈ሳ̇̇ ዎርዣ ማ̈ቂ̇ኖኮታ̇ቦ ኣሳብ ሚጪንቲ̇፣ ኣሽኪቲ፣ ዪንታ̇ ዪርክ ዪርክ ዎቲ፣ ኮሺ̇ቲኬ ዳንዳኣ ማኢኖ ኣስ ማ̈ቂ̇ብቴ።

1 ጢማ̈ 5:1

ጪጚኖ ኣስ ኔ ባ̈ባፌ̈ን ቤቃ̈ር ዞ̈ራብዶኬ ጎይላፔ፤ ናኢቲ ማቂ̇ኖ ኣቲናንስ ኔ ኢሺፌ̈ን ማሃር ቤቃ̇ቤ።

ኢብ 13:17

ዪንታ̇ ቲ̈ኒዝ ኣሳንቦ ኪ̈ቲንቲ̇ብቴ፤ ኢንታ ሲልጣ̈ኒን ጻና ዶኢብቴ፤ ኢንቲ ዪንታ̇ኮታ ኦይጪንቲ̇ዛኮታ̇ቦ ዪንታ̇ኮታ̇ብ ሚ̈ጛር ኦ̈ሬ፤ ዪንቲ ኢንታብ ኪ̈ቲንቲ̇ዝ ባዝ ማ̈ቄ̇ጌዪን ኢንቲ ፌ ኦ̈ሲን ኡፋይስባራ ኦ̈ሬ፤ ዪኒፖ ኣቴይን ሺን̇ ጌዪሙታ̇ዶር ኦ̈ሬ፤ ዪንቲ̇ ኢንታ̇ብ ኪ̈ቲንታካ̇ይ ኣቴ̇ጌይን ዪንታ̇ብ ኮሽ̇ ጊዳካ̇ዬ።

ዓይ 4:6

“ጾ̈ሳ̇̇ ፌ̈ና ሾክ̇ ሾክ̇ ዎቲዝ ኣሳን ኢጺ̇̈ሬ̈፤ ፌ̈ና ዪርክ ዪርክ ዎቲዛንቦ ፌ ኮሺቲ ሺ ቤይሲ̈ሬ” ጋ̈ሪ̈ ጾ̈ሳ̇̇ ቃ̈ላ ጋልዳ ጻ̈ፊንቲኖ̈ኮታ̇ቦ̈ ጾ̈ሳ̇̇ ኢሚ̇ዝ ኮሺቲ̇̈ዲ ዎይፖ ሺ̈ሬ።

1 ጴጥ 3:8

ዪዚ ውርሲ ጋልዳ ቴ ጋ̈ዚንዳ፥ ዪንቲ̇ ዎልዎልኣ ፔቲ̇ ቆፊባር ዶኢብቴ፤ ና̈ሳ ሜላ̈ኮ ሜቲ̇ን ዪንታ̇ ሜታፌ̈ን ማሃር ቤቂ̇ብቴ። ዎልኣ ኢሺክ ጌ̈ዲክፌ̈ን ማ̈ቃ̇ር ዶኢብቴ። ማ ኣሳብ ሚጪንቲ̇ዛንኬ ዪንታ̇ ዪርክ ዪርክ ዎቲዛን ማ̈ቂ̇ብቴ።

1 ጴጥ 4:1

ዪዚ ክርስቶ̈ሲ ፌ ኣሲቲንባራ ሜታ ኤኪ̇ኖኮታ̇ቦ ዪንታ̇ሬ ኦላ ማሳ̇̈ራ ጊጺ̇ኖ ኣስፌ̈ኒ ዪና̇ ቆፊን ጊጻ̇ሪ ዲንዲብቴ፤ ኣባ ጌይን ፌ ኣሲቲንባር ሜታ ኤኪ̇ዝ ኣሲ ናጋራ ኦ̈ሳ ኣሺ̇ኔ።

1 ጴጥ 4:5

ዎቲናካሬ ኢንቲ̇ ሼምፓባሮን ጋልዳኬ ዓይቂ̇ኖን ጋልዳ ፊርዳ̇ንዳብ ጊ̈ጊንቲ̇ኖ ኢ̈ቦ ማ̈ልሳ ኢሚ̈̇ሬ።