1 ጴጥ 5:12 - ኦራ ጫ̈ቃ ማጻ̈ፋ

¹² ኢ ታ̈ብ ኪን ኢሺዬ ጌያ ቴ ቆፒ̇ዛ ሲላ̇̈ሳ ጎይባራ ዓና̇ ኪ̈ቲን ቃቢንባር ቴ ዪንታ̇ብ ጻ̈ፊኔ፤ ቴ ዪንታ̇ብ ጻ̈ፊኖንዳ̇ሬ ዪንታ̇ ዞራንዳብኬ ዓና̇ ኪን ጾ̈ሳ̇ ኮሺቲ ማ̈ቂ̇ኖን ዪንታ̇ብ ሶ̈ላንዳብ ጻ̈ፊኔ፤ ዪዚ ዓና̇ ጾ̈ሳ̇ ኮሺ̇ቲንባራ ሚ̈ጛር ኤቂ̇ብቴ።

1 ጴጥ 5:12 ပူးပေါင်းရင်းမြစ်များ

ዋ̈ኒ̇ሳ 21:21

ጴ̈ጥሮ̈ሳሬ ኢያ ቤቃ̇ሪ “ጎዳ̈ዶ! ዓ ኢያ ኣብዚ ዬላ̇ንዳዶ̈ኔ?” ጋ̈ሪ ኦይጪ̇ዴ።

ሃዋ̈ራታን ኦ̈ሳ 11:23

ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።

ሃዋ̈ራታን ኦ̈ሳ 15:22

ዪኒ̇ፖ ዓኒ ሃዋ̈ራታንኬ ዎ̈ሳ ኬ̈ ጪጛሻን ዎ̈ሳ ኬ̈ ኣሳባር ዎይ ማ̈ቃ̇ር ኢንታ ሺ̈ቂኖ ኣሳ ጊዳፖ̇ ሙቃ̇ ኣስ ማራ̇ጻሪ ጳውሎ̈ሳባርኬ ባርና̈ባስባር ዎልኣ ኣንጾ̈ካ ሚሻንዳብ ቆፒ̇ዴ። ኢናፖ̇ ኢንታ̇ ጊዳ̇ ቦንቺ̇ንቲ̇ኖ ናምኢ ኣስ ባርሳባሳ ጌዪ ጼይጊንቲ̇ኖ ይሁዳኬ ሲላ̇ሳክ ዎልኣ ማራ̇ጺዴ።

ሃዋ̈ራታን ኦ̈ሳ 20:24

ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።

ሮሜ 5:2

ኑ̈ኒ ዓት ኣማ̇ናባር ሚ̈ጛር ዎ ቤሲ̇ን ኢ ካንን ጋርታ̇ ጌሊኖንዳ ኢ ጎይባራ፤ ማ ጾ̈ሳ̇ ፌ ቦንቻ̇ ኑ̈ብ ኢማ̇ዚንኮታ̇ቦ ዪኒ̇ባር ኑ̈ኒ ኬርፊ̈ሬ።

1 ቆሮ 15:1

ቴ ኢሺንታ̇ን! ቴ ዪንታ̇ ታማ̈ርሲኖን ዎጛላ ቃ̈ሊን ዪንታ̇̇ብ ኤልቅ ዎታንዳ̇ብ ኮያ̈ሬ። ዪና̇ ዎጛላ ቃ̈ሊንዳ ዪንቲ̇ ኢዞ ሲስኪሙታ̇ኬ ኢዝባር ኤቂ̇ ዎንዶ።

2 ቆሮ 1:19

ታ̈ና፣ ሲላ̇̈ሳኬ ጢማ̈ቶ̈ሳ ጎይባር ዪንታ ጊዳ̇ ሳባ̇ኪንቲ̇ኖ ጾ̈ሳ̇ ና̈ኣ ዬሱ̈ስ ክርስቶ̈ሲ “ኣዓ” ማ ማ̈ቃ̇ር “ዋኣኬ” ጊዳካ̇ዬ፤ ኢ ጎይባራ ዎይ ጋላስ “ኣዓ” ሙታ።

2 ቆሮ 1:24

ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።

ኤፍ 3:3

ዪ̈ዳሬ ቲ̈ን ቴ ዪን­ታ̇ብ ቃቢንባር ጻ̈ፊኖንዲፌ̈ኒ፥ ጾ̈ሳ̇̈ዲ ኣ̈ቺ̇ንታር ዎ ሚስጢ̇ሪን ሳጻባር ታ̈ና ቤይሲኔ።

ኤፍ 6:21

ኣማ̇ኒንቲ̇ኖ ማ̈ቃ̇ሪ ጾ̈ሳ̇ ኦ̈ሳ ኦ̈ዛ ካንቲ̇ኖ ኑ ኢሻ ቲኪቆ̈ሲ ታ ዎዛርፌ̈ን ዎኮ ማ ታ ኣብዝ ኦ̈ ሙታ̇ ዎኮ ታ ባዝ ዎይ ዪንታ̇ብ ሶ̈ሊ̈ሬ።

ቆላ̈ሳ̈ሳ 1:7

ዪኖ̇ ዎጛሊንዶ ኑባር ዎልኣ ኦ̈ዛ ማ ኣማ̇ንቲ̇ኖ ክርስቶ̈ሳ ኣይላ ማ̈ቃ̇ር ኑ ቤሲ̇ን ኦ̈ዛ ካንቲ̇ኖ ኑ ኢሻ ኤጳ̈ፍራ ዪንታ̇ ታማ̈ርሲ̇ኔ።

ቆላ̈ሳ̈ሳ 4:7

ጾ̈ሳ̇ ኦ̈ሳቦ ኣማ̇ኒንቲ̇ኖ፥ ጎዳ ኦ̈ሲን ታባር ዎልኣ ኦ̈ዛ፥ ካንቲ̇ኖ ኑ ኢሻ ቲኪቆ̈ሲ ታባዝ ዎይ ዪንታ̇ብ ሶ̈ሊ̈ሬ።

ቆላ̈ሳ̈ሳ 4:9

ማ ዪንታ̇ ጋዶ̇ ኣስ ማ̈ቂ̇̈ኖ ኣማ̇ኒቲ̇ኖ̈ዲኬ ካንቲ̇ኖ ኑ ኢሻ ኣና̈ሲሞሲ ኢባር ዎልኣ̈ ዪንታ̇ክ ዬይሬ፤ ኢንቲ̇ ዓንዳ ኑ ጊዳ̇ ኦ̈ሲንቲ̇ሙታ̇ ዎ ባዛን ዎይ ዪንታ̇ቦ ሶ̈ሊ̈ሬ።

1 ታሳ 1:1

ጾ̈ሳ̇ ባ̈ባ̈ዴይኬ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታማ ጋርታ ዎ ጾ̈ሳ̇ ዎርዣ̈ዶ! ጾ̈ሳ̇ ኮሺ̇ቲ̈ዲኬ ኢ ሳሪቲ ዪንታ̇ባር ማ̈ቆ̇። ዓና̇ ኪ̈ቲንዶ ታ ጳውሎ̈ሳፖ፣ ሲላ̇̈ሳፔኬ ጢማ̈ቶ̈ሳ ጋልዳፖ ዪንታ̇ብ ሚሺኔ።

2 ታሳ 1:1

ጾ̈ሳ̇ ኑ ባ̈ባዴይኬ ጎዳ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታሚን ጋርታ ዎ ኣማ̇ኒዝ ኣሳንቦ ታ ጳውሎ̈ሳ ጋልዳፖ፣ ሲላ̇̈ሳ ጋልዳፔኬ ጢማ̈ቶ̈ሳ ጋልዳፖ ሚሺኖ ኪ̈ታ፦

ኢብ 13:22

ቴ ኢሺንታ̇ን! ዓና̇ ቴ ዪንታ̇ብ ጻ̈ፊኖ ኪ̈ቲንዳ ጊላ̇ ቃቢን ማ̈ቂ̇ኖኮታ̇ቦ ቴ ዪንታ̇ ዞራዝ ዞሪን ዋ̈ዲቴ ጋርዣር ሲስኪ̇ብቴ።

1 ጴጥ 1:13

ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።

1 ጴጥ 4:10

ጾ̈ሳ̇ ጋልዳፖ ዪንታ̇ብ ኢሚንቲ̇ኖ ዱማ ዱማ ኪልሳን ኮሽ̇ ጎይባራ ኦ̈ሳ ጋልዳ ፌ̈ሺሙታ ዪንቲ̇ ዎይን ዪንታ̇ብ ኢሚ̇ንቲ̇ኖ ኪልሲንባራ ሜላን ማ̈ዲ̇ብቴ።

2 ጴጥ 1:12

ዪን ባዛን ዪንቲ ኤራሪ ዪንቲ̇ ኤ̈ኖ ኪንንባር ሚ̈ጛር ዶኢኖ ማ̈ቂ̇ናካሬ ታ̈ኒ ዪን ባዛን ዪንታ̇ ቆፊሳዚን ኣሻ̇ባሴ።

2 ጴጥ 2:15

ኢንቲ ኮሽ ጎይን ኣሻ̇ር ዪኔ፤ ኢ̈ታ ባዝ ኦ̈ር ዲጛ̈ዝ ሚ̈ሺ̇ን ካ̈ኖ ቢኦ̈ራ ናኣ ባ̈ላማፌ̈ን ባሊቲ̇ኔ።

3 ዋ̈ኒ̇ 1:12

ዲማ̈ጥሮ̈ሳቦ ኣስ ዎይ ኮሽ ማርኪቲ̈ሬ፤ ኪንንዳ ኢዛ ፌ̈ቦ ኢ̈ብ ማርኪታ̈ሬ፤ ኑና̈ር ኢብ ማ̈ርኪቲ̈ሬ፤ ኑ ማርኪታዝ ማርኪቲንዳ ኪን ማ̈ቂ̇ኖን ዪንቲ ኤሪ̈ሬ።

ዪሁ 1:3

ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።