1 ጴጥ 5:10 - ኦራ ጫ̈ቃ ማጻ̈ፋ

¹⁰ ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

1 ጴጥ 5:10 ပူးပေါင်းရင်းမြစ်များ

ሉቃ̈ሳ 22:32

ታ̈ኒ ኔ ኔ ኣማ̇ኒን ጋልዳፖ̇ ኬዳካ̇ይፌ̈ኒ ኔኮታ̇ብ ዎ̈ሳ̇ዴ። ኔ̈ናር ታ̈ክ ማ̈ቂ̇ኖ ኬል̇ባራ ኔ ኢሺንታ̇ን ሚ̈ንቤ” ጌይዴ።

ሮሜ 15:13

ዪንታ̇ ታስፊንዳ ጌ̈ሻ̇ ኣያ̇ና ዎልቃባራ ዲጫ̇ሙታ̇ ሉካ̇ምፔ̈ኒ ታስፋ ኢሚ̇ዝ ጾ̈ሳ̇̇̈ዲ ዪንቲ ኢባር ኣማ̇ኒኖምቦ ኡፋይስኬ ሳሪቲ ዎይሊሳር ኢሞ̇ጋ̈ቤ።

ሮሜ 15:5

ጋርዣኬ ሚ̈ንቲ ኢሚ̇ዝ ጾ̈ሳ̇̇̈ዲ፥ ዬሱ̈ስ ክርስቶሲ ዎታዚንዲፌ̈ኒ ዪንታ̇̇ር ዎልዎልኣ ካ̈ር ዶ̈ኢዝ ቡ̈ዳ ዪንታ̇̇ብ ኢሞ̇ጋ̈ቤ።

ሮሜ 16:25

ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።

ሮሜ 9:11

ጾ̈ሲ ኣስ ማራ̇ጺዛዲ ኣሳ ኦ̈ሳባር ጊዳካ̇ይዶን ጾ̈ሳ̇ዲ ፌ ኮዪኖንዲፌ̈ኒ ጼይጋዚን ኣሳብ ኤሪንታ̇ምፔ̈ን ናኣን ሜንታ̇ን ዬሊንታ̇ካ̇ይዶ̈ንኬ ኢ̈ት ባዚ ዎይ ኮሽ ባዝ ኦ̈ናፖ̇ ቲ̈ን፥ ጾ̈ሳ̇ዲ ኢርቢቂኮ “ኢሻ̈ዲ ጌ̈ዳ̈ቦ ኪ̈ቲንቲ̈ሬ” ጌይዴ።

ሮሜ 9:24

ኢ ኑ̈ና ማ̈ሪ̇ቲ̈ብ ኮቺ̇ኖ ኣሳን ኣይሁዳን ጋርታ̈ፖ̈ ሙታ̈ ጊዳካይዶን ኣይሁድ ባዮ̇ንር ጼይጊ̈ኔ።

1 ቆሮ 1:10

ቴ ኢሺንታ̇ን! “ፋጊቲ ዪንታ̇ ጊዳ̇ ዶኣፖ̇፤ ዪንቲ̇ ዎይን ዎልኣ ፔቲ̇ ቡ̈ዳባርኬ ፔቲ̇ ቆፊባር ሚጛር ዶኢብቴ” ጋ̈ራ ኑ ጎዳ̇ ዬሱ̈ስ ክርስቶ̈ሳ ሱምምባር ቴ ዪንታ̇ ጌሻ̈ሬ።

1 ቆሮ 1:9

ጾ̈ሳ̇̇ ናኣ ኑ ጎዳ̇ ዬሱ̈ስ ክሪስቶ̇̈ሳባር ፔቲ̇ቲ ዪንታ̇ብ ዶኣምፔ̈ን ዪንታ̇ ጼይጊኖ ጾ̈ሳ̇̇̈ዲ ኣማ̇ኒንቲ̇ኖ̈ዳ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ፊል 4:13

ዎልቃ ታ̈ብ ኢሚ̇̈ዛ ክርስቶ̈ስባራ ዎይ ባዝ ኦ̈ንዳቦ ዳንዳኣ̈ሬ።

ቆላ̈ሳ̈ሳ 2:7

ዪንቲ̇ ኢ ጋልዳ ጻጳ ሚሻርኬ ሚ̈ጛር ኤቂ̇ብቴ፤ ዪንቲ ታማ̈ሪኖ ቲሚርቲ̇ንዲፌ̈ኒ ጌዳክ ዓኒክ ጋ̈ካ̇ይ ዪንታ̇ ኣማ̇ኒንባር ሚ̈ጛር ዶኢብቴ̇፤ ዎይ ባዝባራ ጋላታ ኩሚኖ ኣስ ማ̈ቂ̇̈ብቴ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

2 ታሳ 2:14

ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

2 ታሳ 2:17

ዪንታ̇ ቡ̈ዲን ሚ̈ንጋቤ፤ ማ ዪንቲ̇ ኮሽ̇ ማ̈ቂ̇ኖ ባዝ ዎይ ኦ̈ምፔ̈ንኬ ሶ̈ላምፔ̈ን ዪንታ̇ ሚ̈ንጋ̈ቤ።

2 ታሳ 3:3

ዎቲናካር ጎዳ̈ዲ ኣማ̇ኒንቲ̇ኖ̈ዳ፤ ኢ ዪንታ̇ ሚ̈ንሬ፤ ማ ሴ̈ጣና ጋልዳፓር ዪንታ̇ ቡ̈ቲሲ̈ሬ፤

1 ጢማ̈ 6:12

ኣማ̇ና ጎይንኮን ኮሻ̇ ኦ̈ሊን ኦላቤ፤ ኔ̈ኒ ዎይሊን ኣሳ ቲ̈ን ኣማ̇ኒንቲ̇ኖ ማ̈ቃ̇ራ ማ̈ርኪቲኖንዲኬ ጾ̈ሲ ኢዝቦ ኔ̈ና ጼይጊኖ ሜና ሼምፒ̇ን ሚ̈ንር ኤ̈ቤ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

2 ጢማ̈ 2:10

ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።

ኢብ 9:15

ዪ̈ኮታ̇ቦ ዪን ጼይጊንቲ̇ኖን ጾ̈ሲ ታስፋባር ኢሚ̇ኖ ሜናብ ዶኢዝ ኢርስቲን ኤካ̇ምፔ̈ን ክርስቶ̈ሲ ኦራ ጫ̈ቂንቦ ጊዳ̇ ጌላሪ ኢጊንዛ ማ̈ቂ̇ኔ፤ ዪና̇ ማ̈ቂ̇ኖንዳ ኣሳን ቲ̈ኖ ጫ̈ቂንባር ዎዶሪ ኦ̈ኖ ናጋሪን ጋርታፖ ኢንታ ኬሳ̇ንዳቦ ኢ ዓይቂ̇ኖኮታ̇ቦ።

1 ጴጥ 1:15

ዪንታ̇ ጼይጊኖ ጾ̈ሳ̇ ጌ̈ሽ̇ ማ̈ቂ̇ኖንዲፌ̈ኒ ዪንታ̇̈ሬ ዪንታ̇ ዶኢንባራ ዎይ ጌ̈ሽ̇ ኣስ ማ̈ቂ̇ብቴ፤

1 ጴጥ 4:10

ጾ̈ሳ̇ ጋልዳፖ ዪንታ̇ብ ኢሚንቲ̇ኖ ዱማ ዱማ ኪልሳን ኮሽ̇ ጎይባራ ኦ̈ሳ ጋልዳ ፌ̈ሺሙታ ዪንቲ̇ ዎይን ዪንታ̇ብ ኢሚ̇ንቲ̇ኖ ኪልሲንባራ ሜላን ማ̈ዲ̇ብቴ።

1 ጴጥ 4:11

ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

1 ዋ̈ኒ̇ 2:25

ዪ ኢ ኑ̈ብ ኢሚ̇ኖ ታስፋ̈ዲ ሜ̈ናብ ሼምፓባር ዶኢ።

ዪሁ 1:24

ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥