9 ጉንዱማካ̇ይዶሪ ዎልዎልኣ ዛቃ̇ፌ̈ኒ ሞኪ̇ብቴ።
ኣማ̇ኒኖ ኣሳን ኢንታ̇ ሜቲን ጋ̈ርታ ኢንታ̇ ማ̈ዲ̇ብቴ፤ ዛቃ̇ ማ̈ቂ̇ ዬይዛን ሞኪ̇ ኤኪ̇ብቴ̇።
ታ̈ናኬ ዓንዳ ዎ ዎ̈ሳብ ሺ̈ቂዝ ኣሳን ዎይ ሞኪ̇ዛ ጋ̈ዮ̈ሲ ዪንታ̇ ሳሮ ጌይኔ። ካታሚንቦ ሹ̈ማ ማ̈ቂ̇ኖ ኤራስጦ̈ሳ፤ ማ ኑ ኢሻ ቆርጦ̈ሳር ዪንታ̇ ሳሮ ጌይኔ።
ጾ̈ሲ ኡፋይስባር ኢሚ̇ዝ ና̈ሳ ዶሲዛ ማ̈ቂ̇ኖኮታ̇ቦ ዎይን ፌ ዶሲኖን ፌ ቡ̈ዳ ጋርታ ቆፓ̇ር ኡፋይስባር ኢሞ̇ጋብዶኬ ኢማ̇ኔቤ ኣታ̇ኖ ጌዪሙታ̇ ዎልቃባር ኢማ̇ፖ̇።
ዪንቲ̇ ዎይ ባዝ ጉንዲማካ̇ይዶርኬ ዋጫካ̇ይዶር ኦ̈ብቴ።
ዪዚ ዎ̈ሳ ኬ̈ ቲ̈ኒዝ ኣሲ ኢ ጋልዳ ኢ̈ታ ባዝ ሶ̈ሊንቲ̇ባ̈ሶ̈ዳ፣ ማጫ̇ ላጊካ̇ዮ ኣስ፣ ፌ̈ና ኢ̈ታ ባዝ ጋልዳፖ ና̈ጊዝ ኣሲ፣ ቦንቺ̇ንታ̇ር ዶኢዝ ኣሲ፣ ዛቃ̇ ሞኪ̇ዝ ኣስ፣ ታ̈ማ̈ርሳ̇ንዳቦ ኤራ ዎ ኣሲ፣
ዪ̈ኒ̇ፖ̇ ኢ ዛቃ̇ ሞኪ̇ዝ ኣሲ፣ ኮሽ ማ̈ቂ̇ኖ ባዝ ካዝ ኣሲ፣ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዝ ኣሲ፣ ጌ̈ሽ ኣስ ማ̈ቃ̇ንዳብ ኮሺ̇̈ሬ ማ ፌ ኢኒ̇ን ዎይ ኩምንዳ̇ብ ዎጺ̇ዝ ኣስ ማ̈ቃ̇ንዳብ ኮሺ̇ባ̈ሴ።
ዎቲናካር ኔ ታ̈ብ ኦ̈ዝ ኮሽ̇ ኦ̈ሲንዳ ዎልቃባር ጊዳካ̇ይዶን ዶሳባር ማ̈ቃ̇ምፔ̈ን ቴ ኮዪኖኮታ̇ቦ ኔ̈ና ኦይጫካ̇ይዶራ ኣባካር ዎታንዳቦ ቴ ኮያካ̇ዬ።
ኮሽ̇ ባዝ ኦ̈ዚንዲኬ ዪንታ̇ብ ዎ ባዚን ሜላንቦ ፋጋዚን ቦቲጛፒቴ፤ ጾ̈ሳ̇̈ ኡፋይሲዛ̈ዲ ዪ̈ፌኖ ዣ̈ርሻ።
ዛቃ̇ ሞኪ ኤካ̇ዚን ቦቲጛፒ̇ቴ፤ ዪኒፌ̈ን ዛቃ̇ን ሞኪ̇ሙታ ፔቲ̇ ፔቲ̇ ኣሳን ኤራካ̇ይዶሪ ጾ̈ሳ̇̈ ኪታንቻ ሞኪ̇ ኤኪ̇ኔ።
ቴ ኢሺንታ̇ን! ዪንታ̇ ጋልዳ ፊርዲንታካ̇ዮ̈ዲፌ̈ኒ ዎል ዎልኣ ዋጫፒ̇ቴ። ፊርዲዝ ጾ̈ሳ̇̇̈ ኡክ̇ ዎ̈።
