8 ካን ዎይሊን ናጋራ ካጚዛኮታቦ ዎይ ባዛፖ ሺ ዎልዎልኣ ሚ̈ጛር ካንቲ̇ብቴ።
ኣሳ ኖ̈ናባርኬ ኪታ̇ንቻን ኖ̈ናባራ ሶ̈ሊዝ ኤራ ታ̈ብ ዶኤጌይናሬ ታ̈ኒ ኣስ ካባስኮ ቴ ሜላ̇ ጊርቂ̇ዝ ሉ̈ሊፌኒ ዎይ ቅቃፌ̈ኔ።
ካን ጋርዢሺሬ፤ ካን ኮሽ̇ ባዝ ኦ̈ሬ፤ ካን ቃና̇ኢባሴ፤ ካን ዎ ኣሲ ኬርፊባሴ፤ ካን ዎ ኣሲ ኦቲርቂ̇ባ̈ሴ።
ዪን ዎይንፖ ሺ ዎይ ባዝ ሺ̈ሻር ዎልኣ ፔታ̇ን ማሃንዳብ ዳንዳኣዚን ካንን ማኢብቴ።
ኑ ዪንታ̇ ካዚንዲፌ̈ኒ ዪንቲ̇ ዎልዎልኣ ካንታ̇ምፔ̈ንኬ ማ ዪንቲ̇ ሜ̈ላን ካዝ ካንን ዎይላ ዲጫ̇ምፔ̈ኒ ጎዳ ዪንታ̇ ማ̈ዶ̇ጋ̈ቤ።
ኑ ኢሽንታን! ዪንታ̇ ኣማ̇ኒንዳ ዎይ ጋላስ ዲጫ̇ሙታ ሉካ̇ዚንኮታ̇ብኬ ዪንታ̇ብ ዎልዎልኣ ዎ ካንንዳ ዲጫ̇ሙታ̇ ሉኪ̇ኖምቦ ኑ̈ኒ ዪንታ̇ጊሻ̇ቦ ዎይ ጋላስ ጾ̈ሳ̇ ጋላታንዳብ ኮሺ̇̈ሬ።
ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።
ዎይ ጋላስ ዎልዎልኣ ኢሺኬ ጌ̈ድኬፌ̈ኖ ካን ዪንታ̇ብ ዶኣጋ̈ቤ፤
ቴ ኢሺንታ̇ን! ዎይ̈ፖ̇ ኣፋ ጪሊንባራር ማ̈ቂ̇ን ሳ̈ዶ̇ ሳ̈ዝባር ሜል ኣባክባራር ማ̈ቂ̇ን ጫ̈ቃ ጌይዝ ባዝ ጫ̈ቃፒቴ። ዪንታ̇ ሶ̈ሊን “ኣዓ” ጌይርኮ “ኣዓ” “ዋኣኬ” ጌይርኮ ̇“ዋኣኬ” ጌብቴ። ዪኒፖ̇ ኣቴ̇ጌይንዶ ዪንታ̇ ጋልዳ ፊርዲንቲ̇̈ሬ።
ናጋራ̈ ኦ̈ዝ ና̈ሳ̈ዳ ኢ ባሊቲ̇ኖ ጎይምፖ ማሂዝ ኣሲ፥ ኢ ሼምፒ̇ን ዓይቃ ጋርታፖ ፋዚንዲኬ፥ ኢ ኦ̈ኖ ዎይሊን ናጋራ ኢ̈ብ ካጛዚን ዪኖ̇ ቆፒ̇ብቴ̇̈።
ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።
ቴ ላጋ̇̈ዶ! ኔ ዶኢን ኔ̈ብ ጌ̈ዛምፔ̈ኒ፥ ኔ ጋሊ̇ንባር ኔ ኮሽ ዶኣምፔ̈ኒ ቴ ኔ̈ብ ዎ̈ሳ̇̈ሬ።
