1 ጴጥ 4:18 - ኦራ ጫ̈ቃ ማጻ̈ፋ

¹⁸ ጌ̈ሻ ማጻ̈ፋ ጋልዳ፦ “ጺላ̇ ኣሲ ሜታባር ፋጺ̈ርኮ ጾ̈ሳ̇̇̈ቦ ጎሽቲባ̈ሶ ናጋራንቺ̇ ኢንታ̇ ባዚን ኣ ማ̈ቃ̇̈ንዶኔ?” ጌይሬ።

1 ጴጥ 4:18 ပူးပေါင်းရင်းမြစ်များ

ሉቃ̈ሳ 15:1

ፔቲ̇ ጋላስ ቃራጻ ቃጺሲዛንኬ ናጋራንቻ̇ ጌይንቲ̇ኖን ዎይ ዬሱ̈ሲ ሶ̈ላዚን ሲስካ̇ንዳ̇ቦ ኢ ቡጊድባር ሺ̈ቂዴ።

ሉቃ̈ሳ 23:31

ዪዚ ዪፌ̈ኖ ባዝ ዎይ ታ ጋልዳ ዎቲ̈ንቲ̇ኖንዳ ዪንታ̇ ጋልዳ ዎዛ̈ርታ̇ንዳዶ̈ኔ” ጌይዴ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሃዋ̈ራታን ኦ̈ሳ 27:24

‘ጳውሎ̈ሶ! ኢ̈ጫፔ! ኔ̈ኒ ሮ̈ማ ካ̈ታ ቲ̈ን ሺ̈ቃንዳ̇ብ ኮሻ̇̈ሬ! ማ ኔባር ሉኪ̇ዝ ኣሳንር ዎይ ጾ̈ሲ̇̇ ኔ ጊሻ̇ቦ ጋ̈ሪ ዓይቃ ጋርታፖ ቡቲሲ̈ሬ’ ጋ̈ሪ ታ̈ብ ሶ̈ሊኔ።

ሃዋ̈ራታን ኦ̈ሳ 27:31

ዪኒ̇ባራ ጳውሎ̈ሲ ማታላቃኬኬ ዎታ̇ዳራንኮ ጌይርዶሪ “ዓን ማርካ̇ቢን ጋልዳ ኦ̈ዝ ኣሳን ማርካ̇ቢን ጋልዳ ሼምፓር ዶኣካ̇ይ ኣቴ̇ጌይን ዪንቲ ቡታ̇ንዳብ ዳንዳኢባ̈ሴ” ጌይዴ።

ሮሜ 1:18

ፌ ኢቲቲንባራ ኪንን ኤሪንታካይፌ̈ኒ ዎቲዝ ኣሳን ጋልዳ ኢንታ ዉጪንኮታ̇ብኬ ኢንታ ኢ̈ቲቲንጊሻ̇ቦ ጾሳ ጎይላ̈ዲ ኣፋፖ ኢንታ ጋልዳ ዬይሬ።

ሮሜ 5:6

ኑ ኑ̈ና ፋንዳብ ዳንዳኣካ̇ዮ ኣስ ማ̈ቃ̇ር ዎዶን ጾ̈ሲ ጌይኖ ኬ̈ሊ̇ንባራ ክርስቶ̈ሲ ናጋራንቻ̇ንኮታ̇ቦ ዓይቂ̇ዴ።

ሮሜ 5:8

ዎቲናካሬ ኑ̈ኒ ናጋራንቻ̇ን ማ̈ቃ̇ሪ ዎዶ̈ን ክርስቶ̈ሲ ኑ ጊሻ̇ብ ዓይቂ̇ዴ፤ ዪ̈ዳሬ ጾ̈ሳ̇̇̈ዲ ኑ̈ና ዎዛርፌ̈ን ጴች ካ̈ርኮ ቤይሲ̈ሬ።

1 ቆሮ 10:12

ዪ̈ኮታ̇ቦ ሚ̈ጛር ኤቂ̇ኖ ማይጺ̇ዝ ኣሲ ኬዳካ̇ዮ̈ዲፌ̈ን ፌ̈ና ና̈ጎጋ̈ቤ።

1 ጢማ̈ 1:9

ማ ሂጎ̇ ኬስኪ̇ኖ̈ዲ ኮሽ̇ ኦ̈ዛንቦ ጊዳካ̇ዮን ኤራንዳ̇ብ ኮሺ̇̈ሬ፤ ሂጎ̇ ኬስኪ̇ኖድ ሂጊ̇ን ና̈ጊባ̈ሶንቤኬ ዉጫንቦ፣ ጾ̈ሳ̇̇̈ቦ ኢ̈ጪባ̈ሶንቦ፣ ናጋራንቻንቦ፣ ጌ̈ሺቲ ባ̈ዮንቦ፣ ጾ̈ሳ̇ ሌቂ̇ዛንቦ፣ ፌ ባ̈ቢኬ ፌ ኢንዲ̇ክ ዎዛንቦኬ ኣስ ዎዛንቦ፣

ኢብ 4:1

ዪ̈ኮታ̇ቦ ኢ ኑ̈ብ ኢማ̇ንዳ ጌይኖ ሼምፓ̇ዝ ቤሲ̇ን ጋርታ ኑ ጌላዚን ኤሪንቲ̇ኖባዝ ማ̈ቂ̇ኖኮታ̇ቦ ዪንታ ጋርታፖ ኦ̈ናካር ቤስ̇ ኢና ጌላካ̇ይ ኣታካ̇ይፌ̈ን ኑ ኑ̈ና ና̈ጊስቶ።

ዓይ 5:6

ዪንታ̇ ጋማንዳ̇ብ ዎልቂ̇ ባዮ̇ ኮሽ̇ ኣሳን ዪንቲ̇ ፊርዲሲ ዎሲኔ።

1 ጴጥ 5:8

ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇፥ ማ ባርኪብቴ! ዪንታ̇ ጻላ̈ታ ሴ̈ጣኖ ቆ̈ዝባዝ ኮያሪ ዲ̇ዝ ዞብፌ̈ኒ ዪንታ̇ ቡጉዳባራ ቢሪንቲ̇̈ሬ።

2 ጴጥ 3:7

ዪና̇ ቃ̈ሊን ኢዝባራ ዓት ዎ ኣፎ ሳ̈ዛንኬ ሳ̈ዶ̇ ሳ̈ዚንዳ፥ ጾ̈ሳ̇̇ ጎሽቲባ̈ሶ ኣሳን ያዝ ፊርዳ ቃሚ̇ን ዬሊ̇ዚ ዲራስ ታማባር ሚጫ̇ንዳቦ ና̈ጊንታ̇ር ዎ።

ዪሁ 1:15

ኢብ ኪ̈ቲንቲባ̈ሶ ዉጫን ዎይ ፌ ኦ̈ኖ ናጋሪን ዎይንቤኬ ኢያ ቆ̈ኖ ቆ̈ሳን ዎይንቦ ኢንታ ጋልዳ ፊርዳንዳ̇ቦ ዬይሬ” ጋ̈ሪ ካ̈ዪኔ።