1 ጴጥ 4:13 - ኦራ ጫ̈ቃ ማጻ̈ፋ

¹³ ዎቲናካ̈ር ክርስቶ̈ሳ ቦ̈ንቺ̈ን ቤንታ̇ዝ ጋላስ̇ ዪንቲ̇ ዎይሊን ኡፋይታምፔ̈ኒ ክርስቶ̈ሳ ኤኪ̇ኖ ሜቲን ኤኪ̇ኖኮታ̇ቦ ኡፋይቲ̇ብቴ̇።

1 ጴጥ 4:13 ပူးပေါင်းရင်းမြစ်များ

ማ̈ቶ̈ሳ 16:27

ታ ኣሳ ናኣ̈ዲ ቴ ባ̈ባ ቦንቺ̇ንባራ፥ ኪታ̇ንቻ̇ንባር ዎልኣ ማ̈ቃር ዬ̈ሬ፤ ዪኖ̇ ኢዝባራ ታ̈ኒ ዎይንቦ ኢንታ̇ ኦ̈ሲንዲፌ̈ን ኢንታ̇ብ ጪጋ̇̈ሬ።

ማ̈ቶ̈ሳ 25:21

“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።

ማ̈ቶ̈ሳ 25:23

“ኢ ላ̈̈ዲ ኢ̈ኮ ‘ዎይኣ! ኔ̈ኒ ኣማ̇ኒንቲኖ ኮሻ̇ ኣሽካራ። ኔ̈ኒ ጊላ̇ ባዛቦ ኣማ̇ኒንቲ̇ኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ፤ ዓይ ዬ̈ራ ኔ ላ̈ባር ዎልኣ ኡፋይታንዳብ ዓይ ጌላቤ!’ ጌይዴ።

ማ̈ቶ̈ሳ 25:31

“ታ ኣሳ ናኣ̈ዲ ቴ ኪ̈ታ̇ንቻ̇ ዎይንባር ቦንችባር ዬ̈ራ ቴ ቦንቻ̇ ዙፋ̈ና ጋልዳ ዶኣ̈ሬ።

ማ̈ቶ̈ሳ 25:34

“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!

ማ̈ቶ̈ሳ 5:12

ኣፋ ጾ̈ሳ̇̇ ቲ̈ን ዪንቲ̇ ኤካ̇ዝ ጋቲን ጴች ማ̈ቂ̇ኖኮታ̇ቦ ጴች ኡፋይቲ̇ብቴ̇። ኣባ ጌይንዶ̇፥ ዪንታ̇ፖ ቲ̈ን ዎ ናባን ዪንታ̇ፌ̈ን ዳኪንቲ̇ ሜታ ኤኪ̇ኔ”

ማ̈ርቆ̈ሳ 8:38

ዓ ጾ̈ሳ̇̇ ጎይን ዬ̇ንዳ̇ብ ኮዪባ̈ሶ፥ ናጋራንቻ̇ ዓቶ̇ ኣሳ ቲ̈ን ታ ሱ̈ምን ጼይጊ̈ንታምባርኬ ታ ቃ̈ሊን ሶ̈ሊንታምባራ ዬ̈ልቂዝ ኣሲ ዎይ፥ ታ ኣሳ ናኣ̈ዲ ታ ባ̈ባ ቦንቻ̇ ባርኬ፥ ጌ̈ሻ ኪ̈ታንቻንባር ዬ̈ርዶ̈ር ቴ ኢያ ቤቃ̇ር ዬ̈ልቃ̇̈ሬ!” ጌይዴ።

ሉቃ̈ሳ 17:30

“ታ ኣሳ ናኣ ዬ̈ዝ ጋላሲ̇ንዳሬ ዪና̇ ኢዝፌ̈ን ማ̈ቃ̇̈ሬ።

ሃዋ̈ራታን ኦ̈ሳ 16:25

ጊዲ̇ቢላ ጳውሎ̈ሳኬ ሲላ̇̈ሳክ ዎ̈ሳባርኬ ማዝሙራባር ጾ̈ሳ̇̇ ጋላታምባ̇ራ ሜላን ቃቺንቲ̇ኖ ኣሳን ኢንታ̇ኮን ሲስኪ̈ሬ።

ሃዋ̈ራታን ኦ̈ሳ 5:41

ሃዋ̈ራታንሬ ዬሱ̈ሳ ሱምባራ ሜታ ኤካ̇ምፔ̈ኒ ጾ̈ሲ̇ ኢንታ̇ ማራ̇ጺኖኮታ̇ቦ ኡፋይቲ̇ሙታ̇ዶ̈ር ኣሳ ሺ̈ቂኖ ቤሳፖ̇ ኬስኪ ሉኪ̇ዴ።

ሮሜ 5:3

ዪ̈ባር ሙታ̇ ጊዳካይዶን ኑ̈ና ዬላ̇ዝ ሜቲንባራር ኡፋይቲ̇̈ሬ፥ ኣባ ጌይን ሜታ ጋርታ̇ፖ ጋርዢቺ̇ ቤንታ̇ዚንዶ ኑ̈ኒ ኤሪ̈ሬ፤

ሮሜ 8:17

ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።

ሮሜ 8:18

ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።

2 ቆሮ 1:5

ክርስቶ̈ሳ ጊሽ ኑ ዎይሊን ሜታ ኤኪ̇ኖንዲፌ̈ኒ ኢ ኢማዝ ሚ̈ንንዳሬ ዎይሊን ዲጚ̈ሬ።

2 ቆሮ 1:7

ኑ ኤካ̇ዝ ሜቲን ዪንቲ̇ ኤካ̇ዚንዲፌ̈ኒ ኑ̈ብ ኢሚ̇ንታዝ ሚ̈ንንዳር ጾ̈ሲ ዪንታ̇̇ብ ኢማ̇ዚን ኑ ኤሪዛኮታ̇ቦ ሜታ ዬይናካር ኢዝ ጋርታ̇ ዪንቲ̇ ሚጚ ኤቃ̇ዚን ኑ ኣማ̇ኒ̈ሬ።

2 ቆሮ 4:10

ዬሱ̈ሲ ኑ ጋርታ̇ ዎንዳ ቤንታ̇ምፔ̈̇ኒ ኢያ ዬሊ̇ኖ ዓይቂንዳ ዎይ ጋላስ ኑ̈ና ዬላ̇̈ሬ።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ፊል 3:10

ማ ሜላ ኣኮታ̇ቦ ጌይን ታ̈ኒ ክርስቶ̈ሳ ኤራንዳቦ፣ ኢ ዓይቃ ጋርታ̇ፖ ዲ̇̈ንዲኖ ዎልቂን ኤራንዳቦ፣ ኢ ኤኪ̇ኖ ሜቲን ኤካ̇ንዳብኬ ኢ ዓይቂ̇ኖ ዓይቂንዲፌ̈ን ታ̈ናር ዓይቃ̇ንዳቦ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

1 ጴጥ 1:13

ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።

1 ጴጥ 2:21

ዪንቲ ጼይዚንቲ̇ኖንዳ ዪኒ̇ቦ፤ ዪንቲ̇ ኢ̈ኮን ቤቃ̇ሪ ኢ̈ኮንዲፌ̈ን ዎታምፔ̈ኒ ዬሱ̈ሲ ሳ̈ዝ ጋልዳ ሜታ ኤካ̇ሪ ዪንታ̇ብ ሚሳ̇ሊ ማ̈ቂ̇ኔ።

1 ጴጥ 5:1

ዪዚ ታ̈ኒ ኢንታ̇ባራ ዎልኣ ዎሳ ኬ̈ ጪጛ̈ሽ ማ̈ቂ̇ኖ፥ ክርስቶ̈ሳ ሜ̈ቲን ማርኪ̇ቲዝ ኣስ ማ̈ቂ̇ኖ፥ ማ ጊዳክ ዬ̈ዝ ጎዳ ቦንቺ̇ን ኤኪ̇ዛ፥ ዪንታ̇ ጊዳ̇ ዎ ዎሳ ኬ̈ ጪጛ̈ሻን ዞራ̈ሬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

ዪሁ 1:24

ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥

ሳጻ 1:7

ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤