1 ጴጥ 4:10 - ኦራ ጫ̈ቃ ማጻ̈ፋ

¹⁰ ጾ̈ሳ̇ ጋልዳፖ ዪንታ̇ብ ኢሚንቲ̇ኖ ዱማ ዱማ ኪልሳን ኮሽ̇ ጎይባራ ኦ̈ሳ ጋልዳ ፌ̈ሺሙታ ዪንቲ̇ ዎይን ዪንታ̇ብ ኢሚ̇ንቲ̇ኖ ኪልሲንባራ ሜላን ማ̈ዲ̇ብቴ።

1 ጴጥ 4:10 ပူးပေါင်းရင်းမြစ်များ

ማ̈ቶ̈ሳ 20:28

ታ ኣሳ ናኣ̈ዳሬ ኣስ ማ̈ዳ̇ንዳብኬ ዎይሊንን ፋንዳቦ ኢንታኮታ̇ብ ቴ ሼምፒ̇ን ኣ̈ ኢማ̇ንዳብ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ቴ ዬ̈ካ̇ዬ” ጌይዴ።

ማ̈ቶ̈ሳ 24:14

ዎርዣ ዎይ̈ቦ ማርካ̇ ማ̈ቃ̇ምፔ̈ን ዓ ጾ̈ሳ̇̇ ካ̈ቲቲ ዎጛላ ኣላሚን ዎይን ጋልዳ ሳባ̇ኪንቲ̈ሬ፥ ዪና̇ ኢዝባራ ዉርሲን ዬላ̇̈ሬ።

ማ̈ቶ̈ሳ 24:21

ዪና̇ ኬሊ̇ምባራ ዓና̇ ኣላሚን ኮቺ̇ንቲ̇ኖምፖ ኤ̈̇ር ዓታ̇̈ብ ዬሊ̇ዝ ዲራ̈ስ ማ̈ቃካ̇ዮ ባዚ ዎሃፓሬ ኢዝፌ̈ኖ ባዚ ዉርሲ ማ̈ቃምፔ̈ን ባዮ̇ ጴች ሜቶ ኢዝ ጋላሲ̇ን ማ̈ቃ̇̈ሬ።

ማ̈ቶ̈ሳ 24:45

“ፌ ኣ̈ሎ ኣሳንቦ ኢንቲ̇ ሞ̈ዝ ፊ̈ሺን ኢዝ ኬሊ̇ምባ̇ር ኢማ̇ምፔ̈ን ላ̈ዲ ፌ ኣ̈ሎ ኣሳን ጋልዳ ሹ̈ሚዛ ኤጫኬ ኣማ̇ኒንቲ̇ኖ ኣሽካራ ኦ̈ኖ?

ማ̈ቶ̈ሳ 25:17

ናምኢ ሙኩላ ቢራ ኤኪ̇ኖ̈ዲ ዪና̇ ኢዝፌ̈ኒ ዛልኣሪ ሜላ ናምኢ ሙኩላ ቢራ ቲርፊሲዴ።

ማ̈ቶ̈ሳ 25:44

ኢንታ̇ር ታ̈ኮ ‘ጎዳ̈ዶ ኔ̈ኒ ዎይዲ ጋፍሲንታ̇ ዎይ ባ̈ርሲንታ̇ ዎይ ዛቃ̇ ማ̈ቃ̇ ዎይ ኣፊላ ኔ̈ና ዪን ዎይ ማ ዎይ ቃቺ̇ንቲን ዎይዲ ቤቃ̇ሪ ኑ ኔ̈ና ማዳ̇ካ̇ይ ኣቴ̇?’ ጋ̈ሪ ማሂ̈ሬ።

ማ̈ርቆ̈ሳ 10:45

ቴ ኣሳ ናኣ̈ዲ ኣስ ማ̈ዳ̇ንዳብኬ ቴ ሼምፒ̇ን ዎይሊን ኣሳንቦ ኣ̈ር ኢማ̇ንዳቦ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ዬ̈ካ̇̈ዬ” ጌይዴ።

ሉቃ̈ሳ 12:42

ኢናፖ̇ ጎዳ̈ዲ ማሂ̈ርዶሪ “ዪዚ ፌ ኣ̈ሎ ኣሳንብ ኢንቲ̇ ሞ̈ዝ ቃላ̇ቢን ኢንታ̇ብ ኮዪሳዝ ኬሊ̇ንባራ ኢሚ̇ዛ ላ̈ ሹ̈ሚኖ ኣማ̇ኒንቲ̇ኖ̈ዲኬ ኤጫ ማ̈ቂ̇ኖ ኣይላ̇ ኦ̈ኖ?

ሉቃ̈ሳ 19:13

ኢ ሉካ̇ናፖ ቲ̈ን ፌ ኣይላን ጋርታ̇ፖ̇ ታጳ̇ን ጼይጋሪ ኢንታቦ ታጳ̇ ሚና̈ና ኢማ̇ሪ “ቴ ማ̈ቃ̇ ዬይዝ ዲራ̈ስ ዓና̇ ሚ̈ሺ̇ንባራ ዛልኢብቴ̇” ጌይዴ።

ሉቃ̈ሳ 8:3

ካ̈ታ ሄሮዶ̈ስ ኣ̈ሊምቦ ኣላቃ ማ̈ቂ̇ኖ ና̈ሳ ኩ̈ዛ ጌይዛ ማጪ̇ን ዮሃ̈ኖ፣ ሶ̈ሲኖ፣ ሜላሬ ዎይሊን ማጫ̇ን ዎ። ዪን ማጫ̇ን ፌ ሚ̈ሻ̇ባራ ዬሱ̈ሳኬ ኢ ታማ̈ራንኬ ማ̈ዲ̇̈ሬ።

ሮሜ 15:25

ዓት ታ̈ኒ ኣማ̈̇ኒዝ ኣሳንሳቦ ኢሚ̇ዝ ሚ̈ሺ̇ ኤካ̇ራ ዬሩሳ̈ላም ካታማ ሉካ̇̈ሬ።

ሮሜ 15:27

ኢንቲ̇ ዪኖ̇ ካር ኦ̈ኖንዳ ዪኒ̇ፌ̈ኒ ኢንታ̇ ማ̈ዳንዳቦ ኮሻ̇ዚንኮታ፤ ኣይሁድ ማቃ̈ካዮ ኣሳን ኣይሁዳን ጋልዳፖ ጌ̈ሻ ኣያ̇ና ኢሚ̇ኖ ኣንጂን ዎልኣ ፋጊንቲ̇̈ርኮ ማ ኢንታ̇ር ፌ̈ቦ ዎ̈ ባዝ ጋልዳፖ ኣይሁዳን ማ̈ዲ̇ዝ ኣጫ ኢንታ̇ቦ ዎ።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

1 ቆሮ 3:10

ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።

1 ቆሮ 4:7

ኔ̈ኒ ሜላ ኣሳ ጋልዳፖ̇ ኣብዝባር ሺራ? ኔ̈ብ ዎ ባዚ ዎይ ጾ̈ሳ̇̇ ጋልዳፖ ኔ ኤኪ̇ኖ ባዜ፤ ዓት ዪዲኮ ኔ ኤኪ̇ኖንዳ ጾ̈ሳ̇̇ ጋልዳፕኮ ኔ ኔ̈ፖ ኤሄይኖ ባዝፌ̈ን ኦቲርቃ̇̈ራ?

2 ቆሮ 6:1

ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

2 ቆሮ 9:1

ዬሩሳ̈ላም ካታማ ጋርታ̇ ዎ ኣማ̇ኒዝ ኣሳን ማ̈ዳ̇ዝ ኦ̈ሲን ጎይ ቴ ዪንታ̇̇ብ ጻ̈ፋንዳብ ኮሺባ̈ሴ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ኤፍ 4:11

ኣሳንቦ “ኪልስ ኢሚ̇ኖ ኢያ”፤ ኢያሬ ፔታ̇ን ፔታ̇ናን ሃዋ̈ራታ፤ ፔታ̇ን ፔታ̇ናን ና̈ቢ፤ ፔታ̇ን ፔታ̇ናን ዎጛላ ሳባ̇ኪዝ ኣሲ፤ ፔታ̇ን ፔታ̇ናን ኣማ̇ኒዝ ኣሳን ዬ̈ጚዝ ኣስኬ ታማርሲዝ ኣስ ማ̈ቃምፔን ዎቲዴ።

2 ጢማ̈ 1:18

ዉ̈ርሲ ቃሚ̇ንባራ ጾ̈ሲ ማ̈ሪቲ ኢ̈ብ ኢሞ̇ጋ̈ቤ፤ ታ̈ኒ ኤፍሶ̈ና ጋ̈ዳ ዎምባራ ኢ ታ̈ና ዎዛርፌ̈ን ማ̈ዲኖኮ ኔ ኔ ቆማ̇ቦ ኢዞ ኮሺንቻ ኤራ̈ሬ።

ቲ̈ታ̇ 1:7

ዎ̈ሳ ኬ ቲ̈ኒዝ ጪጛሺ ጾ̈ሳ̇ ኦ̈ሲን ኦ̈ንዳቦ ዓዳ̇ራ ኤኪ̇ኖ ኣስ ማ̈ቂ̇ኖኮታ̇ቦ ኣሲ ኢያ ጌስቲ̇ዝ ኣስ ማ̈ቃ̇ንዳቦ ኮሺ̇ባ̈ሴ፤ ማ ኦትርቂ̇ባሶ ኣሲ፥ ኤሊ̇ር ጎይሊባ̈ሶ ኣሲ፥ ማሲቲባ̈ሶ ኣሲ፥ ዋጪባ̈ሶ ኣሲ፥ ቢራብ ጋንዲ̇ባ̈ሶ ማ̈ቃ̇ንዳብ ኮሺ̇̈ሬ።

ኢብ 6:10

ጾ̈ሲ̈ ኪንን ፊርዲዛ ማ̈ቂ̇ኖኮታ̇ቦ ዪንታ̇ ኮሻ ኦ̈ሲንዶ ማ ዪንቲ ኣማ̇ኒኖ ኣሳን ማ̈ዲሙታ̇ ዪንቲ̇ ጾ̈ሳ̇ ካዚን ቤይሲኖንዲኬ ዓታ̇ር ቤይሲሙታ ዎን ጾ̈ሲ ቦቲጚባ̈ሴ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

1 ጴጥ 5:12

ኢ ታ̈ብ ኪን ኢሺዬ ጌያ ቴ ቆፒ̇ዛ ሲላ̇̈ሳ ጎይባራ ዓና̇ ኪ̈ቲን ቃቢንባር ቴ ዪንታ̇ብ ጻ̈ፊኔ፤ ቴ ዪንታ̇ብ ጻ̈ፊኖንዳ̇ሬ ዪንታ̇ ዞራንዳብኬ ዓና̇ ኪን ጾ̈ሳ̇ ኮሺቲ ማ̈ቂ̇ኖን ዪንታ̇ብ ሶ̈ላንዳብ ጻ̈ፊኔ፤ ዪዚ ዓና̇ ጾ̈ሳ̇ ኮሺ̇ቲንባራ ሚ̈ጛር ኤቂ̇ብቴ።