1 ጴጥ 3:4 - ኦራ ጫ̈ቃ ማጻ̈ፋ

⁴ ዪንታ̇ ቆይሲንዳ ጾ̈ሳ̇ ቲ̈ን ጴች ቦንቺንቲ̇ኖ ዎይ ጋላስ ዪባ̈ሶ ጌ̈ጻንባር ማ̈ቆ̇ጋ̈ቤ። ዪንሬ ኣሽካ ማ̈ቃር ዶኢዛ̈ዲኬ ጻባያባር ዶልቆቃ ማ̈ቃ̇ር ዶኢዛ ቡ̈ዳ ጋርቶ ቆይሲ።

1 ጴጥ 3:4 ပူးပေါင်းရင်းမြစ်များ

ማ̈ቶ̈ሳ 11:29

ታ̈ኒ ቴ ቡ̈ዳባራ ኣሽካ̇ኬ ኦቲርቃባሶ ማ̈ቂ̇ኖኮታ̇ቦ ቴ ቃምባ̇ሪን ዪንታ̇ ካ̈ሊ̇ን ጋልዳ̇ ቶ̈ኪ̇ብቴ̇፤ ቴ ጋልዳ̇ፖ ታማ̈ሪብቴ̇፤ ዪንቲ̇ ዪንታ̇ ሼምፒምባሬ ሼምፓ ዲጚ̈ሬ።

ማ̈ቶ̈ሳ 21:5

“ጺዮ̈ና ካታሚን ጋርታ̇ ዶኢዝ ኣሳንኮ፥ ‘ቤቂ̇ብቴ̇! ዪንታ̇ ካ̈ታ ኣሽካ ማቃ̇ሪ፥ ዬሪንዲክ ዬሪን ናኢን ጋልዳ ቶጋ̇ር ዪንታ̇ክ ዬይሬ’ ጋ̈ሪ ሶ̈ሊብቴ” ጋ̈ሪ ካ̈ዪኖ ካ̈ዪን ፎቲንታ̇ምፔ̈ኔ።

ማ̈ቶ̈ሳ 23:26

ኣ̈ፊ ዎብ ፋራሳ̈ዋ̈ዶ! ኔ ቲ̈ኒታራ ዋ̈ንጪንዲኬ ጋባቲን ጋርሲን ጌ̈ሻ̇ቤ! ዪዚ ዪኒ̇ባራ ጋሊ̇ንዳ̇ር ጌ̈ዥጋ̈ሬ።

ማ̈ቶ̈ሳ 5:5

ፌ̈ና ዪርክ ዪርክ ዎቲዛን፥ ሳ̈ዚ ዎይ ኢንቴ̇ይ ማ̈ቂ̇ዛኮታ̇̇̇ቦ ኣንጂንቲ̇ኖን።

ሉቃ̈ሳ 11:40

ዪንቲ̇ ዳሻን! ጋሊ̇ን ኮቺ̇ኖ̈ዲ ጋርሲ̇ን ኮቻካ̇ያ?

ሉቃ̈ሳ 16:15

ዬሱ̈ሲ ኢንታ̇ኮ “ዪንቲ̇ ዪንታ̇ ኣሳ ቲ̈ን ቤርኢሲዝ ኣሴ። ማ̈ቂ̇ናካሬ ጾ̈ሲ̇ ዪንታ̇ ቡ̈ዲን ኤሪ̈ሬ። ኣሳ ቲ̈ን ቦንቺ̇ንቲ̇ኖ ማይጻር ቤንቲ̇ዝ ባዚ ጾ̈ሳ̇̇ ቲ̈ን ዎይሊን ኢጺንቲ̇ኖ ባዜ” ጋ̈ር ሶ̈ሊዴ።

ሮሜ 1:23

ሜናብ ዶኢዝ ጾ̈ሳ̇̇ ቦንቻ̇ዚን ኣሻ̇ሪ ዓይቃ̇ር ዪዝ ኣሳቦ፣ ካፊቦ፣ ሜሃቦ፣ ሳ̈ዝ ጋልዳ ፌ ሚልባር ዬዝ ማታባዛን ማይጺሳር ኮቺንቲኖ ዪን ሚሲላንቦ ቦንች ኢሚ̇ዴ።

ሮሜ 2:29

ኪንባር ኣይሁድ ጌይንቲዛን፥ ጾ̈ሳ̇̈̇ ሂጋ ና̈ጊ ፎቲዛን። ኪን ጋራዚንቲ ጋ̈ዚንዳ፥ ሂጊ̇ን ጋልዳ “ጋራ̇ዚንታ̇ቤ” ጌይኖንዲፌ̈ኒ ኣሳብ ቤንታ̇ዝ ጋሊ̇ን ጋራ̇ዛዚን ጊዳካ̇ይዶ̈ን ጾ̈ሳ̇̇ ኣያና̇ባራ ቡ̈ዳ ኦ̈ሂንታ̇ዚንዶ። ዪኒ̇ፌ̈ኒ ኢ ቡ̈ዲን ኦ̈ሂንቲ̇ኖ ና̈ሳ̈ ኣንጃ ኤኪ̇ዛ̈ዲ ጾ̈ሳ̇ ጋልዳፖ̇ዶኬ ኣሳ ጋልዳፖ̇ ጊዳካ̇ዬ።

ሮሜ 6:6

ሚኖ ናጋራንቻ ማ̈ቂ̇ኖ ኑ ኣሲቲንዳ ፋካምፔ̈ንኬ ኑ̈ኒ ናጋራብ ኣይላ ማ̈ቃ̇ዚን ጋርታፖ̇ ኣታ̇ንዳቦ ናጋራንቻ̇ ማ̈ቂ̇ኖ ኑ ኣሲቲንዳ ክርስቶ̈ሳባር ሶ̈ቲንቲ̇ኖን ኑ ኤሪ̈ሬ።

ሮሜ 7:22

ታ̈ኒ ቴ ቡዳባር ጾ̈ሳ̇ ሂጊ̇ምባር ኡፋይታ̈̇ሬ።

2 ቆሮ 10:1

ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ቆሮ 4:16

ዪ̈ኮታ̇ቦ ኑ̈ኒ ቦ̈ሳንዳባዬ̇፤ ኑ ኣይሺ̇ን ዳ̈ቡሪናካሬ ኑ ጋርቶ ኣሲቲንዳ ዎይ ጋላስ ኦራ ማ̈ቃ̇ሙታ̇ ዶኣ̈ሬ።

ጋላ̈ታ 5:23

ኣሽኪቲ፣ ኢ̈ታ ባዝ ኦ̈ዚምፖ̇ ፌ̈ና ና̈ጋንዳብ ዳንዳኢ። ዪን ፌ̈ኖ ኮሽ̇ ባዛን ኦ̈ፖ ጋ̈ሪ ካዪዝ ሂጋ̇ ባዬ̇።

ኤፍ 4:2

ካንባር ዪንቲ ዎል ዎልኣ ዳንዳኢሙታ̇ ዎይ ጋላስ ዪንታ̇ ዪርክ ዎቲሙታ̇ኬ ኮሺ̇ቲባርኬ ጋርዣባር ዶኢብቴ።

ቆላ̈ሳ̈ሳ 3:12

ዪዚ ዪንቲ̇ ጾ̈ሲ ዪንታ̇ ፌዪ ማሃንዳብ ቆሪኖንኬ ኢባር ካንቲ̇ኖ ጾ̈ሳ̇̇ ዎርዣ ማ̈ቂ̇ኖኮታ̇ቦ ኣሳብ ሚጪንቲ̇፣ ኣሽኪቲ፣ ዪንታ̇ ዪርክ ዪርክ ዎቲ፣ ኮሺ̇ቲኬ ዳንዳኣ ማኢኖ ኣስ ማ̈ቂ̇ብቴ።

ቆላ̈ሳ̈ሳ 3:3

ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ዓኒ̇ ኣላሚን ጋልዳፖ̇ ፋጊንቲ̇ኔ። ዪንታ̇ ሼምፒ̇ንዳ ክርስቶ̈ሳባራ ጾ̈ሳ̇ ላፍ ኣ̈ቺንቲ̇ኔ።

1 ታሳ 4:11

ዓኒ̇ፖ ቲ̈ን ኑ ዪንታ̇ ኪ̈ቲ̇ኖንዲፌ̈ኒ ኣስ ሜላ ዋ̈ዪካይዶር ዚምጋ̈ር ዶኣንዳብ ኮዪብቴ፤ ዪንታ̇ ጌልሲባ̈ሶ ባዝ ጋርታ ጌላፒ̇ቴ፥ ማ ዪንታ̇ ኩሽ ጌ̈ቲምባር ኦ̈ር ሙብቴ፤

2 ታሳ 3:12

ዪንፌ̈ኖ ኣሳን ጌዳክ ዓኒክ ሜላ̇ ዬ̈ካ̇ይዶር ኦ̈ር ፌ̈ና ኣቂ̈ሳምፔ̈ኒ ጎዳ ዬሱ̈ስ ክርስቶ̈ሳ ሱምባር ኑ ኢንታ ኪ̈ቲ̇̈ሬ ማ ዞሪ̈ሬ።

1 ጢማ̈ 2:2

ኑ̈ኒ ጾ̈ሳ̇̇̈ቦ ኪ̈ቲንቲ̇ሙታ፥ ጌ̈ሺ̇ቲባርኬ ሳሪቲባር ዶኣምፔ̈ኒ ካ̈ቲንታ̇ንብኬ ሲልጣ̈ና ጋ̈ልዳ ዎንቦ ዎይ ዎ̈ሳ̇ንዳብ ኮሺ̇̈ሬ።

2 ጢማ̈ 2:25

ኢያ ኢጺ̇ዝ ኣሳንቦ ኢ ቡ̈ዳ ዳልግ ማ̈ቃ̇ር ታማ̈ርሲ ማሃንዳብ ኮሺ̈ሬ፤ ኦ ኤሬ ኢንቲ ኪንን ኤራምፔ̈ን ጾ̈ሳ̇ ኢንታ̇ብ ማ̈ሪቲ ጌላምፔ̈ን ዎታንዳብ ዳንዳኢ̈ሬ።

ቲ̈ታ̇ 3:2

ማ ኦ ጋልዳካሬ ኢ̈ታባዝ ሶ̈ላካ̇ዮ̈ዲፌ̈ኒ፣ ኣሳባር ሳሪቲባርኬ ኣሽኪቲባራ ዶኣምፔ̈ኒ፣ ኣስ ዎይባራ ፌ̈ና ዪርክ ዎታር ዶኣምፔ̈ኒ ኢንታ ዞራቤ።

ዓይ 1:21

ዪ̈ኮታ̇ቦ̈ ቄዝ ባዝኬ ዪንታ ጋርታ̇ ዎይላር ቤንቲ̇ዝ ኢ̈ቲቲ ቆፋ ፋይሪ ዪንታ ሼምፒ̇ን ፋንዳብ ዳንዳኣዚን ዪንታ̇ ጋርታ ቶኪንቲ̇ኖን ጾ̈ሳ̇̇ ቃ̈ሊን ኮሽ̇ ቡ̈ዳባር ኤኪ̇ብቴ̇።

1 ጴጥ 1:23

ዪንቲ ናምኢ ዬሊንቲ̇ኖንዳ ሜናብ ሼምፓባር ዶኢዝ ጾ̈ሳ̇ ቃ̈ላባር ዪባ̈ሶ ዜር ጋልዳፖዶኬ ዪዝ ዜር ጋልዳፖ ጊዳካ̇ዬ።

1 ጴጥ 3:15

ክርስቶ̈ሳ ዪንታ̇ ቡ̈ዲንባር ቦንቺ̇ብቴ፤ ዪንታ̇ ሼምፒ̇ምቦ ኢያ ጎድ ማሂብቴ፤ ዪንታ̇ቦ ዎ ታስፊን ጎይ ዪንታ̇ ኦይጪ̇ዝ ኣሳን ዎይንቦ ማልሳ ኢማ̇ንዳቦ ዎይ ጋላስ ጊ̈ጊንቲ̇ኖን ማ̈ቂ̇ብቴ።