22 ኢያሬ ኣፋ ሉካ̇ሪ ጾ̈ሳ̇ ባ̈ባ̈ቦ ኡሻች ጎይ ዎ፤ ኪታ̈ንቻን፥ ሲ̈ልጣናባሮንኬ ዎልቃባሮን ዎይ ኢ̈ቦ ኪ̈ቲንቲ̇ኔ።
“ ‘ጾ̈ሲ̇ ቴ ጎዳ̈ኮ “ቴ ኔ ጻላታን ኔ̈ብ ኣ̈ ኢሚ̇ዝ ዲራ̈ስ ዓንዳ ታ̈ብ ኡሻች ጎይ ዶኣቤ ጌይዴ’ ጌይኔ።
ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።
ዳ̈ዊቲ ፌ ቆማ̇ብ ጌ̈ሻ̇ ኣያ̇ናባር ሶ̈ሊርዶር ጌዪ፥ ጎዳ̈ዲ ቴ ጎዳ̈ኮ ‘ታ̈ኒ ኔ ጻላ̈ታን ጋሚዝ ዲራ̈ስ ታ̈ብ ኡሻች ጎይ ዶኣቤ ጌይዴ’ ጌይሬ።
ጎዳ ዬሱ̈ሲ ኢንታብ ዪኖ ሶ̈ሊኖፖ̇ ዓኒ ኣፋ ሉካ̇ሪ ጾ̈ሳ̇̇̈ቦ ኡሻች ጎይ ዶኢዴ።
ዳ̈ዊቲ ፌ ቆሚ̇ምቦ̇ ማዝሙራ ማጻ̈ፋ ጋልዳ̇፥ “ ‘ጎዳ̈ዲ ቴ ጎዳ̈ኮ፥ ቴ ኔ ጻላ̈ታን ቶ̈ራ ኔ ቶህ ጻና ኣ̈ዝ ዲራ̈ስ ኔ ታ̈ብ ኡሻች ጎይ ቦንቻ̇ ቤስ̇ ዶኣቤ ጌይኔ’ ጌይሬ።
ጾ̈ሲ̇ ቴ ጎይባር ቦንቺ̇ንቴጌይንዶ ኢያር ታ̈ና ቦንቺ̇̈ሬ፤ ኤሊ̇ባር ጋምኣካይዶር ቦንቺ̇̈ሬ።
ኢንታኮ “ዪንቲ̇ ጋሊላ ጋዶ̇ ኣሳን! ፉዳ ኣፋ ቤቂ̇ሙታ̇ ዓይ ኣብዛብ ኤቂ̇ና? ዓ ዪንቲ̇ ቤቃ̇ምባር ፉዳ ኣፋ ሉኪ̇ኖ ዬሱ̈ሲ፥ ዓና̇ ኢዝፌ̈ን ማ̈ቂ̇ ዬ̈ይሬ” ጌይዴ።
ጾ̈ሲ̇ ቲ̈ኒታር ጌ̈ሻ̇ ናባን ኖ̈ናባር ሶ̈ሊኖንዲፌ̈ኒ ፌ ኦ̈ኖ ባዛን ዎይ ኦራ ማሂዝ ዲራ̈ስ ዬሱ̈ሲ ኣፋ ጋምኣንዳብ ኮሺ̇̈ሬ።
ኢንታ̇ ጋልዳ ፊርዲ̇ዛ ኦ̈ኖ? ኑ ጊሻ̇ብ ዓይቂ̇ኖዲ፣ ዓይቃ ጋርታ̇ፖ̇ ዲንዲኖ̈ዲ፣ ጾ̈ሳ̇ ባ̈ባ̈ቦ ኡሻች ጎይ ዶኢኖ̈ዲ ኢ ኑ ጊሻ̇ብ ጪጛሽ ማ̈ቃ̇ር ጌሺ̈ሬ።
ዪ̈ኮታ̇ቦ ዓይቃር ማ̈ቆ̇፣ ሼምፓባር ዶኣዚንዳር ማ̈ቆ̇፣ ኣፎ ኪ̈ታንቻ̇ንር ማ̈ቆ̇፣ ኢ̈ታ ኣያ̇ናንር ማ̈ቆ̇፣ ዓት ዎዳር ማ̈ቆ̇፣ ቢርት ጊዳክ ዬይዛ̈ዳር ማ̈ቆ̇፣ ዎልቃባሮ ባዛንር ማ̈ቆ̇፣
ኢናፖ̇ ክርስቶ̈ሲ ካ̈ቲንታን፣ ኣላቃ ማ̈ቂ̇ኖንስኬ ዎልቃባሮን ዎይ ይሳ̇ሪ ካ̈ቲቲንዶ ጾ̈ሳ̇̇ ፌ ባ̈ባ̈ቦ ኢሚ̇ኖፖ̇ ዎሃ ኣላሚን ዉርሲ ማ̈ቃ̇̈ሬ።
ዪዚ ዪንቲ̇ ክርስቶ̈ሳባር ዓይቃ ጋርታፖ̇ ዲንዲ̇ኖኮታ̇ቦ፥ ክርስቶ̈ሲ ጾ̈ሳ̇̈̇ቦ ኡሻች̇ ጎይ ዶኢኖ̈ንኮ ኢና ኣፋ ዎ ባዛን ኮዪብቴ̇።
ጾ̈ሲ ኪ̈ታንቻ̇ን ጋርታፖ፥ “ቴ ኔ ጻ̈ላ̈ታን ኔ ጻና ኣ̈ዝ ዲራስ፥ ዓይዲ ታ̈ብ ኡሻች ጎይ ዶኣቤ” ኦ̈ክ ጌይና?
ጾ̈ሳ̇̈ ቦንቺ̇ን ዎዛርፌ̈ን ጴችኮ ቤይሲዛ ኢያ፤ ማ ኢ ዎይ ባዝባራ ጾ̈ሳ̇ ባ̈ባ ማይጺ̈ሬ፤ ኢ ዎልቃባሮ ፌ ቃ̈ላባራ ኣላሚን ሚ̈ንር ኤ̈ኔ፤ ኢ ኣሳ ናጋራ ዎይ ጌ̈ሺ̇̈ኖፖ ዓኒ ጴቻ̈ ጾ̈ሳ̇̈ቦ ኡሻች ጎይ ዶኢኔ።
ጾ̈ሲ ፌ ና̈ኣ ኡሳ̇ ኣላሚን ጋልዳ ሚሺ̈ርዶሪ፥ “ጾ̈ሳ̇̈ ኪ̈̈ታንቻን ዎይ ኢ̈ብ ጎሽቶ” ጌይሬ።
ክርስቶ̈ሲ ዎቲናካር ዎይ ጋላሳ̇ብ ማ̈ቃ̇ዚን ፔቲ ዣርሺን ሺ̈ሺ̇ኖፖ ዓኒ ጾ̈ሳ̇ ኡሻች ጎይ ዶኢኔ።
ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።
ዪዚ ኣፋ ጾ̈ሳ̇ ቲ̈ን ሉኪ̇ኖ ቄ̈ሳንቦ ዎይ ጴቻ ኣላቃ፥ ጾ̈ሳ̇ ናኣ ዬሱ̈ሲ፥ ኑ̈ብ ዎኮታ̇ቦ ኑ ኣማ̇ኒን ሚ̈ንር ኤ̈ስቶ።
ማልካጻ̈ዲቂ ቄ̈ሳ ማ̈ቂ̇ኖንዲፌ̈ኒ ዪና̇ ጾ̈ሳ̇̈ ኬ̈ን ጋርታ ዎ ጊዶ̇ ኪፊሊን ጋርታ ዬሱ̈ሲ ሜናብ ቄ̈ሳንቦ ኣላቃ ማ̈ቃ̇ር ኑ ጊሻ̇ብ ቲ̈ኒታር ኢና ጌሊኔ።
ዪዚ ኑ̈ኒ ሶ̈ሊንታ̇ንዳቦ ኮሺ̇ዝ ባዛን ጋርታፖ ዋ̈ና ባዚንዳ ዓኖ̇፤ ኢዛሬ ኣፋ ዎይፖ ሾክ̇ ጌይኖ ጾ̈ሳ̇ቦ ኡሻች ጎይ ዶኢኖ ዓ̈ፌ̈ኖ ቄ̈ሳ ኣላቃ ኑ̈ብ ዎ።
ክርስቶ̈ሲ ኪን ጌ̈ሻ ቤሲ̇ምቦ ሚሳ̇̈ሊ ማ̈ቂ̇ኖምቤኬ ኣሳ ኩሽባር ኦ̈ንቲኖ ዎይፖ ሺ ጌ̈ሻ̇ ቤሲ̇ን ጋርታ ጌላካ̇ዬ፤ ኢ ዓት ኑ ጊሻ̇ቦ ጾ̈ሳ̇ ቲ̇ን ቤንታ̇ንዳቦ ኣፋ ዎን ኢዝ ጋርታ ጌሊዴ።