1 ጴጥ 3:20 - ኦራ ጫ̈ቃ ማጻ̈ፋ

²⁰ ዪን ቃሺ ኣ̈ል ዎ ኣሳን ሚ̈ን ኖ̈ሂ ማርካባ ኮ̈ቺ̇ዝ ኬል̇ባራ ጾ̈ሳ̇ ኢንቲ̇ ማ̈ቃ̇ንዳዶ̈ኔ ጋ̈ሪ ዳንዳኣባር ና̈ጊሙታ̇ ዎምባራ ኢ̈ብ ኪ̈ቲንታ̇ብዳ ጌዪ ኢጺ̇ኖ ኣሳን። ዪና̇ ማርካቢን ጋርታ ጌላሪ ዋ̈ንባ̇ር ፋጺኖን ላማካይ ኣስ ሙታ።

1 ጴጥ 3:20 ပူးပေါင်းရင်းမြစ်များ

ማ̈ቶ̈ሳ 7:14

ሼምፓ ጎይ ኤ̈ጛዝ ጎይሚንዳ ኩንኤ፤ ጌላዝ ካሪንዳ̇ር ኩንኤ፥ ኢዝባር ጌሊዝ ኣሳንር ጊላ̇” ጌይዴ።

ሉቃ̈ሳ 12:32

ዪንቲ̇ ጊላ̇ ዎርዣን! ኣፋ ዎ ዪንታ̇ ባ̈ባ̈ዲ ፌ ካ̈ቲቲ ዪንታ̇ብ ኢማ̇ንዳብ ኮዪኖኮታ̇ቦ ኢ̈ጫፒ̇ቴ።

ሃዋ̈ራታን ኦ̈ሳ 2:41

ጴ̈ጥሮ̈ሲ ሶ̈ሊኖ ቃ̈ሊን ሲስኪ̇ ኤኪ̇ኖን ጻማ̇ቂ̇ንቲ̇ዴ፤ ዪና̇ ኢዝ ጋላሲ̇ን ዓይዚ̇ ሙኩላ ኣስ ማ̈ቃ̇ምፔ̈ኖ ኢንታ̇ ጋልዳ ጉጂንቲ̇ዴ።

ሮሜ 9:22

ጾ̈ሳ̇̈ ፌ ጎ̇ይላ ቤይሳንዳብኬ̇ ፌ ዎልቂ̈ን ኤርሳንዳብ ኮያሪ ያብኬ ጾ̈ሳ̇̇ ጎይላብ ጊ̈ጊንቲ̇ኖ ኣሳን ኢንታ̇ ዎይሊን ጋርዣር ዳንዳኢናካር ኔ ዎይዲ ኤራ̈ራ?

ኤፍ 5:26

ክርስቶ̈ሲ ዪኖ̇ ዎቲኖንዳ ዎ̈ሳ ኬ̈ን ጌ̈ሻ̇ንዳብ ኮያሪዬ፤ ኢ ኢዞ ፌ ቃ̈ሊን ጎይባራ ዋ̈ባር ሜ̈ጫ̇ሪ፥

ኢብ 11:7

ቢርት ኣ̈ፍባር ቤንታ̇ካዮ ባዛቦ ጾ̈ሲ ኢ̈ብ ሶ̈ሊኖ ኬል̇ ኖ̈ሂ ጾ̈ሳ̇̇̈ቦ ኢ̈ጫ̇ሪ ፌ ኣ̈ሎ ኣሳን ፋንዳቦ ጎጛ ኮቺ̇ኖንዳ ኣማ̇ናባራ፤ ኖ̈ሂ ኣማ̇ኒምባራ ኣላሚንዳ ናጋራንቻ ማ̈ቂ̇ኖን ኤሪንታራ ፊርዲንቲ̇ኔ፤ ኖ̈ሂ ኣማ̇ናባር ቤንታ̇ዝ ጺሊ̇ቲን ኤኪ̇ዴ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።

1 ጴጥ 1:9

ዪንቲ ኣማ̇ኒኖኮታ̇ ና̈ጊሙታ ዎ ዪንታ̇ ሼምፒ̇ን ፋቲን ዪንቲ̇ ዲጚ̈ሬ።

1 ጴጥ 2:25

ዪንቲ ዪኖ ዶሪፌ̈ን ዣይቲ̇ ኣቲ̇ንዶ̈ን፤ ዎቲናካር ዓት ዪንቲ̇ ዪንታ̇ ሼምፒ̇ን ና̈ጊዛኬኬ ዬ̈ጚዛክ ኢ̈ክ ማ̈ቂ̇ኔ።

1 ጴጥ 3:19

ዪ ኣያ̇ናባራ ቃ̇ሺ ኣል ዎ ሼምፓንቦ ሳባ̇ኪ̇ዴ።

1 ጴጥ 4:19

ዪ̈ኮታ̇ቦ ጾ̈ሳ̇ ቆፊንዲፌ̈ኒ ሜታ ኤኪ̇ዝ ኣሳን ፌ ኣሲቲን ዎይ ኣማ̇ኒንቲ̇ኖ ዎይ ኮቺ̇ኖ ጾ̈ሳ̇̇̈ቦ ዓዳራ ኢማ̇ሪ ኮሽ ባዝ ኦ̈ዚን ኣሻ̇ፖጋ̈ቤ።

2 ጴጥ 2:5

ማ ጺ̇ላ̇ ጎይን ሳባ̇ኪኖ ኖ̈ሃኬ ኢባር ዎ ሜላ ታብዛ ኣሳን ቡ̈ቲሳሪ ሜላን ጾ̈ሳ̇̇̈ብ ኢጪባ̈ሶን ዎይ ዋ̈ባር ይሲ̈ርዶሪ ዪን ሚኖ ኣሳንቦ ቡ̈ታ̇ምፔ̈ን ዎታካ̇ዬ።

2 ጴጥ 3:15

ጎዳ ዬ̈ካ̇ይ ጋምኢኖንዳ ኣሲ ፋጻምፔ̈ኒ ማ̈ቂ̇ኖን ኤሪብቴ፤ ካንቲ̇ኖ ኑ ኢሻ ጳውሎ̈ሲ ኢ̈ቦ ኢሚንቲ̇ኖ ኤሪንዲፌ̈ኒ ዪንታ̇ብ ጻ̈ፊኖንዳ ዓኖ̇።