2 ዪና̇ ማ̈ቃ̇ዚንዳ ዪንቲ̇ ጌ̈ሺ̇ቲባር ዬ ኣስ ቦንቺ̇ ዎታዚን ቤቃ̇ሪዬ።
ዎቲናካሬ ዪንታ̇ር ማ̈ቂ̇ን ኣስና̈ዲ ፌ̈ና ካዚንዲፌ̈ኒ ፌ ማጪ̇ን ካጋ̈ቤ፤ ማጪ̇ንዳሬ ፌ ኣስና ቦንቻ̇ጋ̈ቤ።
ኣይላን! ዪንቲ̇ ክርስቶ̈ሳብ ኪ̈ቲንታ̇ዚንዲፌ̈ኒ ሳ̈ዝ ጋልዶ ዪንታ̇ ላ̈ንቦ ኢቺ̇ባርኬ ቦንች̇ባራ ቡ̈ዳ ጋርታ̇ፖ̇ ኪ̈ቲንቲ̇ብቴ።
ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።
ኑ̈ኒ ማ̈ቄጌ̈ንዶ ኑ ጋዲን ኣፋ፤ ኢናፖ ዬይዛ ኑ̈ና ፋዛ ጎዳ ዬሱ̈ስ ክርስቶ̈ሳ ኑ ሹ̈ናባር ና̈ጊ̈ሬ።
ኣይላ̈ን! ሳ̈ዝ ጋልዳ ዎ ዪንታ̇ ላ̈ንቦ ባዝ ዎይባራ ኪ̈ቲንቲ̇ብቴ፤ ዪንቲ ኪ̈ቲንታ̇ዚንዳ ኣስ ኡፋይሳ̇ንዳቦ ጊዳካ̇ይዶን ጾ̈ሳ̇̇̈ቦ ኢ̈ጪ̇ሙታ̇ ኪን ቡ̈ዳባራ ኪ̈ቲንቲ̇ብቴ።
ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።
ዪንታ̇ ጼይጊኖ ጾ̈ሳ̇ ጌ̈ሽ̇ ማ̈ቂ̇ኖንዲፌ̈ኒ ዪንታ̇̈ሬ ዪንታ̇ ዶኢንባራ ዎይ ጌ̈ሽ̇ ኣስ ማ̈ቂ̇ብቴ፤
ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።
ዪዚ ዪንቲ ማጫ̇ን! ዪንታ ኣሲኒንታ̇ንቦ ኪ̈ቲንቲ̇ብቴ፤ ኣሲኒንታ̇ን ጋርታ ጾ̈ሳ̇ ቃ̈ሊን ኣማ̇ኒባ̈ሶን ዎኮ ጾ̈ሳ ቃ̈ሊን ሲስካካ̇ይዶር ፌ ማጫ̇ን ኮሽ̇ ጻባዪምባር ሙታ̇ ጾ̈ሳ̇̇̈ክ ሺ̈ቃንዳብ ዳንዳኢ̈ሬ።
ዪንቲ ዪንታ̇ ቆም ዳዲ̇፣ ዎርቃ ኣ̈፣ ኮሽ ኣፊላ ማኢ ዛ̈ና ኣሳብ ቤንቲ̇ዝ ባዝባር ጊዳካ̇ይዶን፤
ዪዚ ዪን ዎይ ዪ̈ፌ̈ን ዪ̈ርኮ ዪንቲ̇ ጌ̈ሺ̇ቲባርኬ ጾ̈ሳ̇̇̈ቦ ኢ̈ጪ̇ሙታ ዶኣንዳቦ ኮሺ̇ባ̈ሳ?
