1 ጴጥ 3:14 - ኦራ ጫ̈ቃ ማጻ̈ፋ

¹⁴ ዪንቲ ኮሻ̇ ባዝ ኦ̈ር ሜታ ኤኪ̇ዝባዝ ማ̈ቄ̇ጌይንዶ ዪንቲ̇ ኣንጃ ዲጚ̈ሬ፤ ኣስ ኢ̈ሺቻ̇ብ ኢ̈ጫፒ̇ቴ፤ ኤ̈ዝጋፒ̇ቴ።

1 ጴጥ 3:14 ပူးပေါင်းရင်းမြစ်များ

ማ̈ቶ̈ሳ 10:28

ኣሳብ ኢ̈ጫፒ̇ቴ። ዎ̈ርኮ ዪንታ̇ ኣይሺ̇ን ዎ̈ርዶኬ ዪንታ̇ ሼምፒ̇ን ዎንዳ̇ብ ዳንዳኢባ̈ሴ፤ ዪንቲ̇ ኢ̈ጫንዳ̇ብ ኮሻ̇ዚንዳ ዎሪ ሼምፒ̇ን ጋ̈ና̇ማ ሚሻንዳ̇ብ ዳንዳኢዛ ጾ̈ሳ̇̇ ሙታ̇።

ማ̈ቶ̈ሳ 10:31

ዪ̈ኮታ̇ቦ ዪንቲ̇ ኢ̈ጫፒ̇ቴ፤ ዎይሊን ሱ̈ናንፖ̇ ዪንቲ̇ ሺ̈ሬ።

ማ̈ቶ̈ሳ 10:39

ፌ ሼምፒ̇ን ፋንዳብ ኮዪዛ̈ዲ ኢዞ ይሲ̈ሬ፤ ቴ ኮታ̇ብ ፌ ሼምፒ̇ን ኣ̈ ኢሚ̇ዛ̈ዲ ኢዞ ዲጚ̈ሬ።

ማ̈ቶ̈ሳ 16:25

ፌ ሼምፒ̇ን ጋዳ̇ንዳብ ኮዪዝ ኣሲ ዎይ ኢዞ ይሲ̇̈ሬ፤ ፌ ሼምፒ̇ን ቴኮታ̇ቦ ጋ̈ሪ ይሲ̇ዛ̈ዲ ኢዞ ፋ̈ሬ።

ማ̈ቶ̈ሳ 19:29

ቴ ጊሻ̇ቦ ጋ̈ሪ ፌ ኣ̈ሊንዶ፣ ፌ ኢሺንታ̇ን፣ ፌ ሚሺንታን፣፥ ፌ ባ̈ባ̈ዳ፣ ፌ ኢንዲ̇ንዶ፣ ፌ ናኣን ዎይ ፌ ዎት ጋዲንዶ ኣሺ̇ዝ ኣሲ ዎይ ፌ ኣሺ̇ኖ ባዛን ዪን ጼ̈ታ ኩሽ ዲጚ̈ሬ፤ ማ ሜናብ ሼምፓባር ዶኢ̈ሬ።

ማ̈ርቆ̈ሳ 10:29

ዬሱ̈ሲ ኢንታ̇ብ ማሂ̈ርዶሪ “ቴ ዪንታ̇ክ ኪን ጋ̈ሬ፥ ቴ ጊሻ̇ብኬ ዎጛላ ጊሻቦ ጋ̈ሪ ፌ ኣ̈ሊንዶ̇፣ ፌ ኢሺንታን፣ ፌ ሚሺንታን፣ ፌ ኢንዲንዶ፣ ፌ ባ̈ባ̈ዳ፣ ፌ ናኣንኬ ፌ ዎት ጋዲን ኣሺ̇ዛ ዎይ፥

ማ̈ርቆ̈ሳ 8:35

ፌ ሼምፒ̇ን ጋዳ̇ንዳ̇ብ ኮዪዝ ኣሲ፥ ኢዞ ይሲ̇̈ሬ፤ ቴ ጊሻ̇ብኬ ዎጛላ ጊሻብ ጋ̈ሪ ፌ ሼምፒ̇ን ኣ̈ ኢሚ̇ዛ̈ዲ ፌ̈ና ፋ̈ሬ።

ዋ̈ኒ̇ሳ 14:1

ዬሱ̈ሲ ፌ ታማራንኮ “ዪንታ̇ ቡ̈ዲን ጫና̇ቂንታ̇ፖጋ̈ቤ፤ ጾ̈ሳ̇̇̈ባር ኣማ̇ኒንቲብቴ፥ ማ ታ̈ባራር ኣማ̇ኒንቲ̇ብቴ።

ዋ̈ኒ̇ሳ 14:27

ታ̈ኒ ሳሪቲ ዪንታ̇ ቡ̈ዲን ጋርታ̇ ዶኣምፔ̈ን ዎታንዳ̇፤ ቴ ቴ ሳሪቲን ዪንታ̇ብ ኢማ̇ንዳ፤ ቴ ዪንታ̇ብ ኢማ̇ዝ ሳሪቲንዳ ኣላሚን ዪንታ̇ብ ኢማ̇ዚንዲፌ̈ን ጊዳካ̇ዬ። ዪንቲ ጫና̇ቂንታ̇ፒ̇ቴ፤ ማ ኢጫፒ̇ቴ።

ሃዋ̈ራታን ኦ̈ሳ 9:16

ኢ ቴ ሱ̈ምንቦ ጋ̈ሪ ዎዛርፌን ሜታ ኤካ̇ንዳብ ኮሺ̇̈ርኮ ቴ ኢያ ቤይሳንዳ” ጌይዴ።

2 ቆሮ 12:10

ታ̈ኒ ዎልቃ ዲጛዚንዳ ዳቡርስባራ ማ̈ቂ̇ኖኮታ̇ቦ ክርስቶ̈ሳ ጊሻ̇ቦ ዳቡራምባራ፣ ቆ̈ንታ̇ምባራ፣ ሜቲታ̇ምባራ፣ ዳኪንታ̇ምባርኬ ዋ̈ያምባራ ኡፋይታ̇ዚንዳ ዪኒ̇ኮታ̇ቦ።

ፊል 1:29

ክርስቶ̈ሳ̈ቦ ኦ̈ምፔ̈ን ዪንቲ ጼይጊንቲ̇ኖ̈ንዳ ዪንቲ̇ ኢያ ኣማ̇ናምፔ̈ን ሙታ̇ ጊዳካ̇ይዶን ዪንቲ̇ ኢያ ኣማ̇ኒኖኮታ̇ቦ ዪንታ̇ ጋልዳ ዬይዝ ሜታ ዎይ ኤካ̇ምፔ̈ኒዬ።

ዓይ 1:12

ሜታ ጋርታ ሚ̈ጜጌይንዶ ጾ̈ሳ̇̇ ፌ̈ና ዶሲዝ ኣሳንቦ ኢማ̇ንዳ ጌይኖ ሼምፓ ኣኪሊ̈ላ ሺሊ̇ማ̈ቲን ዲጚ̈ዛኮታ̇ቦ ሜታ ኢያ ዬላ̇ዚምባር ዳንዳኣር ኣ̈ዝ ኣሲ ኣንጂንቲኖ̈ዳ።

ዓይ 5:11

ኑ̈ኒ ዳንዳኣባር ጋርዣር ጋሚኖን ኣንጂንቲ̇ኖ ኣሴ ጋ̈ር ፋይዳዚን ዪንቲ̇ ኤሪ̈ሬ። ኤዮ̇̈ቢ ዎዛርፌ̈ን ጋርዢኖኮ ዪንቲ̇ ሲስኪ̇ናባያ? ጎዳ̈ዳር ውርሲ ጋልዳ ኣፌ̈ን ኮሽ̇ ባዝ ዎቲኖኮ ዪንቲ̇ ቤቂ̇ናባያ? ጎዳ̈ዲ ኣሳብ ዎይሊን ሚጪንቲ̇ ማ̈ሪ̈ዛ̈ዳ።

1 ጴጥ 3:6

ሳ̈ራ ፌ ኣስና ኣብራሃማኮ “ላ̈” ጌ̈ያሙታ̇ ኪ̈ቲንቲ̇ኔ፤ ዪንታ̇ር ኣባካር ኢ̈ጫካ̇ይ ዪና̇ ኢፌ̈ኒ ዎቲኖኮ ኢዝ ናኤ።