1 ጴጥ 2:7 - ኦራ ጫ̈ቃ ማጻ̈ፋ

⁷ ዪዚ ዪና̇ ሹቺ̇ንዳ ዪንቲ ኣማ̇ኒዛንቦ ቦንቺንቲ̇ኖ ሹቼ̇፤ ኣማ̇ኒባ̈ሶንቦ “ሹች ኬ̈ ኬ̈ጺዝ ኣና̈ጻን ሌቃ̇ር ቶጚኖ ሹቺ̇ን፥ ኬ̈ምቦ ዋ̈ና̇ ቱ̈ሲምቦ ኮዪንቲ̇ዝ ሹች ማ̈ቃ̇ዴ።”

1 ጴጥ 2:7 ပူးပေါင်းရင်းမြစ်များ

ማ̈ቶ̈ሳ 21:42

ዬሱ̈ሲ ኢንታ̇ኮ “ጌ̈ሻ̇ ማጻ̈ፋ ጋልዳ፥ ‘ሹች ኬ̈ ኬ̈ጺዛን ኢ̈ቴ̇ ጌይ ኣሺ̇ኖ ሹቺ̇ንዳ ዎሃ ኬ̈ምቦ̇ ኮዪንቲ̇ዝ ዋ̈ና̇ ሹች ማ̈ቃ̇ዴ። ዪ ዎቲኖ ጾ̈ሳ̇̇̈ዳ፥ ኢ ኦ̈ሳዳ̇ሬ ኑ ቤቃ̇ምባራ ዎይሊን ጋራ̇ሚሲዝ ባዜ’ ጌዪ ጻ̈ፊንቲ̇ኖን ዪንቲ̇ ዉርሲ ናባ̇ቢ ቤቃካ̇ያ?

ሉቃ̈ሳ 2:32

ዪ̈ዳሬ ኣይሁድ ባዮ̇ንቦ ኔ ኪንን ቤይሲዝ ፎኢን፥ ኔ ዎርዣ ኢስሬ̈ላቦ ቦንቼ̇” ጌይዴ።

ሉቃ̈ሳ 2:34

ሲሞ̈ናር ኢንታ̇ ኣንጂዴ። ኢናፖ̇ ዓኒ ኢንዲ̇ን ማ̈ራሚኮ “ናኣ ኣቂላ ዓ̈ዲ ኢስሬ̈ል ጋዲን ጋርታ̇ ዎይሊን ፋጻምፔ̈ኒ፥ ዎይሊንን ያምፔ̈ኒ ዪኒ̇ቦ ጾ̈ሲ ኢያ ማራ̇ጺኔ፤ ማ ኣሲ ዎይ ኢ̈ታባዝ ኢ ጋልዳ ሶ̈ሊዝ ማላ̇ ማ̈ቂ̈̇ሬ።

ሉቃ̈ሳ 20:17

ዬሱ̈ሲ ኢንታ̇ ቤቃ̇ሪ “ዓት ዪ̈ዶኮ ‘ሹች ኬ̈ ኬ̈ጺ̇ዛን ሌቃ̇ር ኣሺ̇ኖ ሹች ኢዛ ኬ̈ምቦ̇ ዎይ̈ፖ̇ ኮዪንቲ̇ዛ ማ̈ቃ̇ዴ’ ዪዝ ጌዪ ጻ̈ፊንቲ̇ኖ̈ን ኢዝ ቢርሺቺ̇ን ኣብዛ?

ዋ̈ኒ̇ሳ 4:42

ዪዚ ኣሳን ኣሲንኮ̇ “ዪዚ ዓኒ̇ፖ̇ ጌዳ ኑ ኢያ ኣማ̇ኒዛ̈ዲ ኔ ኑ̈ብ ሶ̈ሊኖኮታ̇ብ ጊዳካ̇ይዶ̈ን ኑ ፌ̈ብ ሲስኪ̇ኖብኬ ኢ ኪን ኣላሚን ዓኖ̇ ፋዛ ማ̈ቂ̇ኖን ኑ ኤሪኖኮታ̇ቦ” ጌይዴ።

ሃዋ̈ራታን ኦ̈ሳ 26:19

“ዪ̈ኮታ̇ቦ ካ̈ታ̈ ኣግሪጶ! ኣፋፖ ታ̈ብ ኢሚ̇ንቲ̇ኖ ሳጺንቦ ቴ ኪ̈ቲንታ̇ብዳ ጋ̈ካ̇ዬ።

ሮሜ 10:21

ዎቲናካር ኢስሬ̈ላን ባዝ ኢ ሶ̈ሊ̈ርዶሪ፥ “ኪ̈ቲንቲ̇ባ̈ሶዳኬ ዉጪቲ̈ዝ ዎርዣን ታ̈ክ ዬምፔ̈ን ጋላሲ̇ን ዎይ ኢንታ ና̈ጋዴ” ጌይሬ።

ሮሜ 15:31

ዪንቲ ታ̈ቦ ዎሳ̈̇ንዳብ ኮሻ̇ዚንዳ ዪሁዳ ጋዳ ዎ ኣማ̇ኒባ̈ሶ ኣሳን ኩሽታ̇ፖ ቴ ቡ̈ታምፔ̈ንኬ ዬሩ̈ሳ̈ላም ካታማ ጋርታ ታ̈ብ ዎ ዎጛላ ኦ̈ሲንዳ ጾ̈ሳ̇ ኣሳን ቲ̈ን ኮሽ ማ̈ቃ̇ ቤንታ̇ምፔ̈ኒዬ።

2 ቆሮ 2:16

ኑ̈ኒ ዪዛንቦ ዎዝ ዓይቃ ሺታ፤ ፋጺዛንቦ ሼምፓ ኢሚ̇ዝ ሼምፓ ሺታ̇። ዪዚ ዪ̈ዲፌ̈ኖ ጴች ኦ̈ሳቦ ማ̈ቂ̇ዛ ኦ̈ኖ?

ቆላ̈ሳ̈ሳ 2:10

ዪንታ̇ሬ ዎይ ባዝ ዪንታ̇ብ ኩሚኖንዳ ላ̈ንታ̇ንብኬ ጋዣንቦ ዎይ ቆም̇ ማ̈ቂ̇̈ኖ ክርስቶ̈ሳ ጋልዳፖ̇።

ቲ̈ታ̇ 3:3

ኑ̈ኒ ኣማ̇ናናፖ̈ ቲ̈ን ኣባክ ቆፒ ኤሪባ̈ሶ ዳሻን፤ ኪቲንቲባሶ ዉ̈ጫን፤ ዎብ̇ ጎይ ሉኪ̇ዛን፥ ዱማ ዱማ ኢ̈ታ ኢና̇ብኬ ኡፋይሳቦ ኣይላ ማ̈ቃ̇ር ኣቲ̇ኖን። ዎልዎልኣ ኢጺንቲሙታ̇ኬ ጎይሊንቲሙታ̇ ኢ̈ቲቲባርኬ ኣሳብ ሚቃ̇ይና ቆፒ̇ሙታ ዎን።

ኢብ 11:31

ኦሎላባር ኣቃ ዎን ራ̈ቢ ጋ̈ዚንዳ ኢዝ ጋዲን ጋርታ ሜ̈ዛ ሉኪ̇ኖ ኣሳን ኮሽባር ሞካ̇ ኤኪ̇ኖኮታቦ ጾ̈ሳ̇̇̈ብ ኪ̈ቲንቲባሶ ኣሳንባር ዎልኣ ዓይቃ̇ዚን ጋርታፖ ቡ̈ቲ̇ኖንዳ ኣማ̇ናባራ።

ኢብ 4:11

ዪ̈ኮታ̇ቦ ኦ̈ናካር ኣሲ ኣሳን ሴካን ኣማ̇ናካ̇ይ ኣታ̇ሪ ኬዲ̇ኖንዲፌ̈ኒ ኬዳ̇ር ኣታካ̇ዮ̈ዲፌ̈ኒ ሼምፓ ቤሲ̇ን ጋርታ ጌላንዳቦ ሚ̈ጚስቶ።

1 ጴጥ 1:8

ዪንቲ̇ ዬሱ̈ስ ክርስቶ̈ሳ ኣ̈ፍባር ቤቃካ̇ዮ ኣስ ማ̈ቂ̇ናካሬ ኢያ ካሬ፤ ዓት ዪንቲ̇ ቤቃካ̇ይ ማ̈ቂ̇ናካሬ ኢያ ኣማ̇ኒ̈ሬ፤ ኣሲ ኖ̈ናባር ሶ̈ላር ዳንዳኢባ̈ሶ ጴች ኡፋይስባር ኡፋይቲ̇̈ሬ።

1 ጴጥ 2:4

ኣሳ ቲ̈ን ሌቂንቲ̇ኖ ጾ̈ሳ̇ ቲ̈ን ማራ̇ጺንቲ̇ኖ ቦንቺንቲ̈̇ኖ ሼምፓባር ዶኢዝ ሹቻ̇̈ ዬሱ̈ሳኮ ኡኪ̇ብቴ።

1 ጴጥ 2:8

ማ፥ “ኣስ ብዝ ሹች፤ ማ ኣስ ብር ቶጚዝ ዛ̈ላ̇ ማ̈ቂ̇ዴ” ኢንቲ̇ ኣማ̇ናካ̇ይ ኣቲ̇ኖኮታ̇ቦ ብንቲ̈ሬ፤ ቲ̈ናር ጾ̈ሲ ኢንታ ዓኒ̇ቦ ጌዪ ጋዲ̇ኖ ኣሴ።