1 ጴጥ 2:4 - ኦራ ጫ̈ቃ ማጻ̈ፋ

⁴ ኣሳ ቲ̈ን ሌቂንቲ̇ኖ ጾ̈ሳ̇ ቲ̈ን ማራ̇ጺንቲ̇ኖ ቦንቺንቲ̈̇ኖ ሼምፓባር ዶኢዝ ሹቻ̇̈ ዬሱ̈ሳኮ ኡኪ̇ብቴ።

1 ጴጥ 2:4 ပူးပေါင်းရင်းမြစ်များ

ማ̈ቶ̈ሳ 11:28

“ቶ̈ፊ ዪንታ̇ ዴ̈ጻ̇ር ዳ̈ቡሪኖን ዎይ ታ̈ክ ዬብቴ̇! ቴ ዪንታ̇ ሼምፒ̇ቻ̇ንዳ።

ማ̈ቶ̈ሳ 12:18

“ቤቂ̇ብቴ̇! ቴ ማራጺ̇ኖ̈ዲ ዓ̈ዳ፤ ቴ ኢያ ዶሲዛ̈ዲኬ ኢባር ኡፋይቲ̇ዝ ቴ ኣሽካ̇ራ̈፥ ታ ታ ኣያ̇ኒን ኢ ጋልዳ ጋዳ̇ንዳ፤ ኢያሬ ዎርዣ ዎይ̈ቦ ቴ ኣስ ፋዚን ሶ̈ሊ̈ሬ።

ማ̈ቶ̈ሳ 21:42

ዬሱ̈ሲ ኢንታ̇ኮ “ጌ̈ሻ̇ ማጻ̈ፋ ጋልዳ፥ ‘ሹች ኬ̈ ኬ̈ጺዛን ኢ̈ቴ̇ ጌይ ኣሺ̇ኖ ሹቺ̇ንዳ ዎሃ ኬ̈ምቦ̇ ኮዪንቲ̇ዝ ዋ̈ና̇ ሹች ማ̈ቃ̇ዴ። ዪ ዎቲኖ ጾ̈ሳ̇̇̈ዳ፥ ኢ ኦ̈ሳዳ̇ሬ ኑ ቤቃ̇ምባራ ዎይሊን ጋራ̇ሚሲዝ ባዜ’ ጌዪ ጻ̈ፊንቲ̇ኖን ዪንቲ̇ ዉርሲ ናባ̇ቢ ቤቃካ̇ያ?

ዋ̈ኒ̇ሳ 14:19

ጊላ̇ ቃማ̇ፖ̇ ዎሃ ኣላማ ጋልዳ̇ ዎ ኣሳን ታ̈ና ቤቂ̇ባ̈ሴ፤ ዎቲናካር ዪንቲ̇፥ ቴ ሼምፓባር ዎኮታ̇ብኬ ዪንታ̇ር ሼምፓባር ዶኢዛኮታ̇ቦ ታ̈ና ቤቂ̇̈ሬ።

ዋ̈ኒ̇ሳ 14:6

ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።

ዋ̈ኒ̇ሳ 5:26

ባ̈ባ̈ዲ ኣሳብ ሼምፓ ኢማ̇ንዳብ ዳንዳኣዚንዲፌ̈ኒ ናኣ̈ዳር ኣሳብ ሼምፓ ኢማ̇ምፔ̈ን ሲልጣ̈ና ኢ̈ብ ኢሚ̇ኔ።

ዋ̈ኒ̇ሳ 5:40

ዎቲናካሬ ዪንቲ̇ ሼምፓ ዲጛንዳ̇ቦ ታ̈ና ኣማ̇ናንዳ̇ብ ኮዪባ̈ሴ።

ዋ̈ኒ̇ሳ 6:37

ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።

ዋ̈ኒ̇ሳ 6:57

ሼምፓባር ዶኢዛ ቴ ባ̈ባ ታ̈ና ኪ̈ቲ̇ ሚሺኖንዲፌ̈ንኬ ታ̈ናር ኢ ጎይባራ ሼምፓባር ዎንዲፌ̈ን ቴ ኣይሺ̇ን ሙይዝ ኣሲ ዎይ ቴ ጎይባራ ሼምፓባር ዶኢ̈ሬ።

ሮሜ 5:10

ኑ̈ኒ ጾ̈ሳ̇̇̈ባር ጎይል ማ̈ቃ̇ር ዎዶ̈ን ጾ̈ሲ̇ ፌ ናኣ ዓይቃባር ኑ̈ና ፌባር ኢጊ̇ንኔ፤ ዓት ኑ ጾ̈ሳ̇ባር ኢጊ̇ንቲኖፖ̇ ዓኒ፥ ኢ ናኣ ሼምፓባር ዎኮታ̇ቦ ኑ̈ና ሺ ፋሬ።

1 ቆሮ 3:11

ፔቲ̇ ቶ̈ህ ኦ̈ንቲ̇ኖ ማሳራቲምፖ ኦ̈ናካር ማ̈ቂ̇ን ሜላ ማሳራታ ኦ̈ንዳብ ዳንዳኢባ̈ሴ፤ ዪ̈ዳሬ ማሳራታ ጌዪንቲ̇ኖዲ ዬሱ̈ስ ክርስቶ̈ሳ።

ቆላ̈ሳ̈ሳ 3:4

ዪንታ̇ብ ሼምፓ ማ̈ቂ̇ኖ ክርስቶ̈ሲ ቦንችባራ ቤንታ̇ምባራ ዪንታ̇ሬ ኢባር ዎልኣ ቦንችባራ ቤንቲ̇̈ሬ።

1 ጴጥ 1:19

ዪንታ̇ ፋንዳ̇ብ ጪጊንቲ̇ኖንዳ ኢ ጋልዳ ማዛ ባዮ̇ ጌ̈ሽ̇ ማ̈ቂ̇ኖ ዶሪ ማ̈ቂ̇ኖ ቦንቺንቲ̇ኖ ዬሱ̈ሳ ሱ̈ንዶ።

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

1 ጴጥ 2:7

ዪዚ ዪና̇ ሹቺ̇ንዳ ዪንቲ ኣማ̇ኒዛንቦ ቦንቺንቲ̇ኖ ሹቼ̇፤ ኣማ̇ኒባ̈ሶንቦ “ሹች ኬ̈ ኬ̈ጺዝ ኣና̈ጻን ሌቃ̇ር ቶጚኖ ሹቺ̇ን፥ ኬ̈ምቦ ዋ̈ና̇ ቱ̈ሲምቦ ኮዪንቲ̇ዝ ሹች ማ̈ቃ̇ዴ።”

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

2 ጴጥ 1:4

ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።