1 ጴጥ 2:16 - ኦራ ጫ̈ቃ ማጻ̈ፋ

¹⁶ ጾ̈ሳ̇̇̈ቦ ኦ̈ዚ ኣስ ማ̈ቂ̇ኖንዲፌ̈ኒ ናጻ ኬስኪ̇ኖ ኣስፌ̈ን ማ̈ቃ̇ር ዶኢብቴ ዎቲናካሬ ኑ ናጻ ኬስኪ̇ኔ ጋ̈ሪ ኢ̈ታ ባዝ ኦ̈ፒ̇ቴ፤

1 ጴጥ 2:16 ပူးပေါင်းရင်းမြစ်များ

ማ̈ቶ̈ሳ 23:13

“ኣሳ ቲ̈ን ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ! ዪንቲ̇ ኣሲ ጾ̈ሳ̇̇ ካ̈ቲቲን ጋርታ̇ ጌላካ̇ይፌ̈ን ካሪን ዪብጺ̇̈ሬ። ዪንቲ̇ ዪንታ̇ ቆሚ̇ንዳር ጌሊባ̈ሲ ማ ጌላንዳብ ኮዪዛን ጌላካ̇ይፌ̈ን ካዪ̈ሬ።

ዋ̈ኒ̇ሳ 15:22

ቴ ዬ̈ራ ኢንታ̇ብ ሶ̈ላካ̇ይኮ ዎን ኢንታ̇ብ ናጋራ ማ̈ቃ̇ባስዶ̈ን፥ ዓት ኢንቲ̇ ፌ ናጋሪምቦ ኦይጪንታ̇ምባ̇ራ ሶ̈ላር ማሂዝ ባዚ ኢንታ̇ብ ባዬ̇።

ሮሜ 6:18

ናጋራ ኣይሊቲ ጋርታ̇ፖ ኬስካ̇ሪ ጺሊ̇ቲብ ኣይላ ማ̈ቂ̇ኔ።

ሮሜ 6:22

ዓት ዪንቲ̇ ናጋራብ ኣይላ ማ̈ቃ̇ር ዎን ጋርታፖ ኬስካ̇ሪ ጾ̈ሳ̇ ኣይላ ማ̈ቂ̇ኖኮታ̇ቦ ጌ̈ሺ̇ቲ ዪንቲ̇ ዲጚ̈ሬ። ባዝ ዪና̇ ኢዝ ዉርሲንዳ ሜናብ ሼምፓባር ዶኢ።

1 ቆሮ 7:22

ኣይላ ማ̈ቃር ዎዶሪ ጎዳ ኣማ̇ኒኖ ኣሲ ጎዳባራ ናጻ ኬስኪ̇ኔ፤ ማ ናጻ ዎዶሪ ጎዳ ኣማ̇ኒኖ ኣሲ ክርስቶ̈ሳ ኣይላ ማ̈ቂ̇̈ኔ።

ጋላ̈ታ 5:1

ኑ ኣይላ ጋርታፖ̇ ኬስካ̇ር ዶኣምፔ̈ኒ ክርስቶ̈ሲ ኑ̈ና ኣይላ ጋርታፖ̇ ኬሲ̇ኔ፤ ዪ̈ኮታ̇ቦ ሚ̈ጛር ኤቂ̇ብቴ፤ ማ̈ቃ̇ር ኣይሊቲ ቃምባ̇ራ ጋርታ̇ ጌላፒ̇ቴ።

ጋላ̈ታ 5:13

ቴ ኢሺንታ̇ን! ዪንቲ̇ ኣይላ ጋርታ̇ፖ̇ ኬስካምፔ̈ን ጼይጊንቲ̇ኔ፤ ዪና̇ ዪንቲ ኣይላ ጋርታፖ̇ ኬስኪ̇ኖንዳ̇ ኢ̈ታ ባዝ ኦ̈ንዳቦ ዪንታ̇ብ ጎይ ፊርቂ̇ኖ ማይጻፖ̇ጋ̈ቤ፤ ዪኒ̇ፖ ፔታ̇ና̈ዲ ካንባራ ሜላ̈ ማዳ̇ጋ̈ቤ።

ኤፍ 6:6

ጾ̈ሳ̇ ኪ̈ቲን ፎቲ ዎልቃፖ ኦ̈ዝ ክርስቶ̈ሳ ኣይላንፌ̈ን ማ̈ቃር ኦ̈ብትዶኬ ዪንታ̇ ላ̈ን ዪንታ̇ ቤቃ̇ምፔ̈ንኬ ኢንታ̇ ጋልዳፖ ኣንጃ̇ ኤካ̇ንዳቦ ጋ̈ር ኦ̈ፒ̇ቴ።

ቆላ̈ሳ̈ሳ 3:24

ኣባ ጌይን ጾ̈ሳ̇ዲ ዪንታ̇ቦ ኢማ̇ንዳ ጌዪ ቃ̈ላ ጌሊኖን ዪንታ̇ብ ኢማ̇ዚን ዪንቲ̇ ኤሪ̈ሬ፤ ዪንቲ̇ ኦ̈ዚንዳ ጎዳ ክርስቶ̈ሳቦ።

1 ታሳ 2:5

ኑ̈ኒ ሜላ ኣቲ̇ን ፔቲ̇ ጋላሳ̇ር ዪንታ̇ ማቃባር ማይጺሳር ዎይ ሚ̈ሽ ዲጛንዳቦ ጋ̈ሪ ሶ̈ላካ̇ዮን ዪንቲ̇ ኤሪ̈ሬ፤ ጾ̈ሳ̇̇̈ዳር ኑ̈ቦ ማርካ።

ዓይ 1:25

ናጻ ኬሲ̇ዝ ኪን ሂጋ̇ ኮሺንቺ̇ ሲስካ̇ሪ ኢዝባር ሚ̈ጛር ኤቂ̇̈፥ ፌ ሲስኪ̇ኖን ቦቲጛካ̇ይ ኦ̈ሳ ጋልዳ ፌ̈ሺ̇ዝ ኣሲ ኢ ኦ̈ሲን ዎይ ኢ̈ብ ኣንጂንቲ̇ኖ ማ̈ቃ̇̈ሬ።

ዓይ 2:12

ዪንቲ̇ ሶ̈ሊርዶራር ማ̈ቂ̇ን ፔቲ̇ ባዝ ኦ̈ርዶሪ፥ ናጻ ኬሲ̇ዝ ጾ̈ሳ̇̇ ሂጋ̇ ዪንታ̇ ጋልዳ ዓኒ ፊርዳዚን ኤሪ ሙታ̇ዶ̈ር ኦ̈ብቴ̇።

2 ጴጥ 2:19

ኢንቲ ፌ ቆሚንቦ ና̈ጋራብ ኣይላ ማ̈ቃ̇ር ዎሪ “ኑ ዪንታ̇ ኣይሊቲ ጋርታፖ̇ ኬሳ̇ንዳ” ጌዪ ኢንታቦ ታስፋ ኢሚ̇̈ሬ። ኣሲ ኢያ ጋሚኖ ባዚን ኢዝቦ ኣይላ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።