1 ጴጥ 2:12 - ኦራ ጫ̈ቃ ማጻ̈ፋ

¹² ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

1 ጴጥ 2:12 ပူးပေါင်းရင်းမြစ်များ

ማ̈ቶ̈ሳ 10:25

ታማ̈ራ̈ዲ ፌ ኣስታማራ̈ፌ̈ኒ፥ ኣሽካራ̈ዲ ፌ ላ̈̈ዲፌ̈ኒ ማ̈ቄ̇ጌይንዶ̇ ጊዲ̈ሬ። ኣ̈ል ባ̈ባ “ቡኤ̈ልዜቡ̈ላ” ጌይዶኮ፥ ኢ ኣ̈ሎ ኣሳን ዎዛርፌ̈ኒ ዪ̈ፖ̇ ኢ̈ቲኖ ሱምባር ጼይጊባ̈ሳ!

ማ̈ቶ̈ሳ 5:11

“ቴ ጊሻ̇ቦ ጋ̈ሪ ኣሳን ዪንታ̇ ቆ̈ምባራ ዎይ ዪንታ̇ ዳካ̇ምባራ ኢ̈ታ ባዝ ዎይባራ ማቃባር ዪንታ̇ ሱም ኢ̈ሳ̇ምባራ ዪንቲ̇ ኡፋይቲ̇ብቴ̇።

ማ̈ቶ̈ሳ 5:16

ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

ማ̈ቶ̈ሳ 9:8

ዎርዣ ዪ ቤቃ̇ር ጋራ̇ሚንታ̇ሪ፥ ዪ̈ዲፌ̈ኖ ሲልጣ̈ና ኣሳብ ኢሚ̇ኖ ጾ̈ሳ̇̇ ጋላቲዴ።

ሉቃ̈ሳ 1:68

“ጾ̈ሲ̇ ዬ̈ሪ ፌ ዎርዣ̈ ቤቂ̇ኖ̈ብኬ ፋኖኮታ̇ቦ፥ ኢስሬ̈ላ ጎዳ ጾ̈ሳ̇̇̈ቦ ጋላታ ዬሎ̇።

ሉቃ̈ሳ 19:44

ኔ̈ናኬ ኔ ጋርታ̇ ዶኢዝ ኣሳን ዎይ ይሲ̇̈ሬ። ላ̈ሊ̇ንታ̇ካ̇ይ ዎልጋል ኬ̈ሊንቲኖንዲፌ̈ን ኣቲ̇ዝ ፔቲ̇ ሹቻ̇ር ባዬ̇። ዪና̇ር ማ̈ቃ̇ዚንዳ̇ ጾ̈ሲ̇ ኔ̈ና ፋንዳቦ ዬይኖ ኬሊ̇ን ኔ ኤራካ̇ይ ኣቲ̇ኖኮታ̇ቦ” ጌይዴ።

ሉቃ̈ሳ 6:22

ዪንቲ̇ ታ̈ና ኣሳ ናኣ ኣማ̇ኒዛኮታ̇ቦ ኣሳን ዪንታ̇ ሺሪንታ̇ጌይናሬ፥ ፌ ጊዳ̇ፖ̇ ኩሪ ዪንታ̇ ሌቂ̇ናካሬ፥ ኢ̈ታ ሱም ዪንታ̇ብ ኢሚ̇ናካሬ ዪንቲ̇ ኣንጂንቲ̇ኖን።

ዋ̈ኒ̇ሳ 13:31

ዪሁዶ ኬስካ̇ር ሉኪ̇ኖፖ̇ ዓኒ ዬሱ̈ሲ ጌይርዶሪ “ዪዚ ዓት ታ ኣሳ ናኣ̈ዲ ቦንቺ̇ንታ̇ዴ፤ ቴ ጎይባራ ጾ̈ሳ̇̇̈ዳር ቦንቺ̇ንቲ̇ኔ።

ሃዋ̈ራታን ኦ̈ሳ 15:14

ጾ̈ሲ̇ ኣይሁድ ባዮ̇ ኣሳንቦ ቆፒ̇ኖን ቤይሳንዳቦ ቲ̈ኒታሪ ኢንታ ጋርታ̇ፖ̇ ፌ̈ብ ማ̈ቂ̇ዝ ዎርዦ ማራ̇ጺኖን ኑ ኢሻ ሲሞ̈ኒ ኑ̈ብ ዓታር ሶ̈ሊኔ።

ሃዋ̈ራታን ኦ̈ሳ 24:13

ኢንቲ ዓት ታ ጋልዳ ሺ̈ሺ̇ኖ ሞ̈ቲምቦ ዎይ ኣባካር ማርካ ሺ̈ሻ̇ንዳብ ዳንዳኢባ̈ሴ።

ሃዋ̈ራታን ኦ̈ሳ 25:7

ጳውሎ̈ሲ ዬዪ ዬሊ̇ን ዬሩሳ̈ላማፖ ዬይኖ ኣይሁዳን ኢ ቡጊዲምባር ቂርጽ ጌዪ ኤቃ̇ሪ ማርካ ዲጛንዳብ ዳንዳኢባሶ ዎይሊን ዴጺ̇ዝ ሞ̈ታ ኢ ጋልዳ ሺ̈ሺ̇ዴ፤

ሃዋ̈ራታን ኦ̈ሳ 28:22

ዓና̇ ኔ̈ኒ ኣማ̇ናዝ ኣማ̇ኒን ጎይ ዎይ ቤስ̇̇ ጋልዳ ኣሳን ዎይ ኢዞ ኢጻ̇ዚን ኑ ኤሪ̈ሬ፤ ዪኒ̇ቦ ኔ ቆፊን ዎዛርፌ̈ንኮ ኑ̈ ኔ ጋልዳፖ ሲስካ̇ንዳብ ኮዪ̈ሬ” ጌይዴ።

ሮሜ 12:17

ኣስ ጌ̈ይዛ ዎይ ቲ̈ን ኮሽ ማ̈ቂ̇ኖ ባዝ ኦ̈ብቴዶ̈ኬ ኣሲ ዪንታ̇ ጋልዳ ኢ̈ታባዝ ኦ̈ጌይን ኢንታ̇ቦ ኢ̈ት ኦ̈ር ማሃፒ̇ቴ።

ሮሜ 13:13

ጋላስ̇ ፎኢንባራ ዬዝ ኣስፌ̈ኒ ኑ̈ናር ጌ̈ሺቲባራ ዬስቶ̇። ዎልኣ ሺ̈ቃር ኡሽኪ̇ ዬጺ̇ ዶ̈ንባራ፣ ማሲቲባራ፣ ኦሎ̈ላ ጋዲባርኬ ዲርጊ̇̈ስባራ ማ̈ቃፖ፤ ዋችባርኬ ቂና̈ታባራ ማ̈ቃፖጋ̈ቤ።

ሮሜ 14:18

ዪኒፌ̈ኖ ጎይባራ ክርስቶ̈ሳብ ኦ̈ዝ ኣሲ ጾ̈ሳ̇ ኡፋይሲ̈̇ሬ፤ ኣሳ ቲ̈ናር ቦንቺ̈ንቲ̇̈ሬ።

ሮሜ 15:9

ማ ኢ ዪኖ̇ ኦ̈ኖን ሜላ ኣኮታ̇ቦ ጌይን፥ ኣይሁድ ባዮ̇ ኣሳን ጾ̈ሳ̇̇ ማ̈ሪቲንኮታ ኢያ ጋላታምፔ̈ኒዬ፤ ዪ̈ዳሬ፦ “ዪ̈ኮታ̇ቦ ዎርዣ ጊዳ̈ ቴ ኔ̈ና ጋላታ̈ሬ፤ ኔ ሱምምቦ ማዝሙራባራ ጋላታ ሺሻንዳ” ጋ̈ሪ ጻ̈ፊንቲ̇ኖንዲፌ̈ኔ።

1 ቆሮ 14:25

ኢ ቡ̈ዲን ጋርታ ጌ̈ሚቲኖ ባዚ ኢብ ቤንታ̇ሬ፤ ዪዚ ዪኒ̇ባራ “ኪን ጾ̈ሳ̇ዲ ዪንታ̇ ጊዳ ዎ!” ጋ̈ሪ ጾ̈ሳ̇ቦ ጎይኒ̈ሬ።

2 ቆሮ 1:12

ኑ̈ና ኬርፊሲዝ ፔቲ̇ ባዚ ዎ ዪ̈ናሬ፤ ኑ̈ኒ ዓኒ ኣላሚን ጋልዳ ማ ዎይ̈ፖ ሺ ዪንታ̇ባራ ኑ̈ብ ዎ ፔቲ̇ቲን ጋርታ ኑ̈ኒ ጾ̈ሳ̇̇ ጋልዳፖ ዲጚኖ ጌ̈ሺ̇ቲንባርኬ ኣሽኪቲንባራ ዪንታ̇ባር ዶኢኖን ኑ ቡ̈ዲን ኑ̈ቦ ማርኪታ̈ሬ። ዪ̈ና̇ ኣሳ ኤራባራ ጊዳካ̇ይዶን ጾ̈ሳ̇̇ ኮሺ̇ቲባር ማ̈ቂ̇ኖባዜ።

2 ቆሮ 13:7

ኢ̈ታ̇ ባዝ ዪንቲ̇ ኦ̈ካዮ̈ዲፌ̈ኒ ኑ̈ኒ ዪንታ̇̇ብ ጾ̈ሳ̇ ዎሲ̇̈ሬ፤ ኑ ዎ̈ሳ̇ዚንዳ ኑ̈ኒ ሚጚኖ ኣስ ማ̈ቃ̇ር ቤንታካ̇ይ ኣቴ̇ጌይናር ዪንቲ̇ ዎይ ጋላስ ኮሽ̇ ማ̈ቂ̇ኖ ባዝ ኦ̈ምፔ̈ንዶኬ ኑ ሚ̈ጚኖ ኣስ ማ̈ቂ̇ኖን ዪንታ̇ ቤይሳንዳብ ጊዳካ̇ዬ።

2 ቆሮ 8:21

ኑ̈ኒ ጎዳ ቲ̈ን ሙታ̇ ጊዳካ̇ይዶን ኣሳ ቲ̈ናሬ ኮሽ ማ̈ቂ̇ኖ ባዝ ኦ̈ንዳቦ ቆፒ̈ሬ።

ኤፍ 2:3

ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

ኤፍ 4:22

ዪንቲ̇ ሚን ዶኢኖ ዶኢን ጎይ ዓት ታማ̈ሪኔ፤ ዪንታ̇ ባሊር ናጋራ ኦ̈ምፔን ቲ̈ናዝ ኢታ̇ ኢኒ̇ንባር ኢ̈ቲኖ ሚኖ ዪንታ̇ ኣሲቲንዶ ዪንታ̇ ጋልዳፖ̇ ጋ̈ራር ቶጚብቴ።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 4:8

ቴ ኢሺንታ̇ን! ዉርሲ ጋልዳ ቴ ጋ̈ዚንዳ፥ ኪን ማ̈ቂ̇ኖ ባዝ፥ ቦንቺ̇ንቲ̇ኖ ባዝ፥ ኮሽ ማ̈ቂ̇ኖ ባዝ፥ ጺላ̇ ማ̈ቂ̇ኖ ባዝኬ ካንቲ̇ኖ ባዝ ዎይ ኮሺቲር ማ̈ቂ̇ን ጋላታር ማ̈ቂ̇ን ዪንፌ̈ኖ ባዛን ቆፒ̇ብቴ።

1 ታሳ 4:12

ዪንቲ̇ ዪኖ̇ ዎቴጌይንዶ ኣማ̇ናካ̇ዮ ኣሳን ቲ̈ን ቦንቺንቲ̇ኖ ኣስ ማ̈ቂ̇̈ሬ፤ ኣሳ ኩሽ ቤቂ ዶኢባ̈ሴ።

1 ጢማ̈ 2:2

ኑ̈ኒ ጾ̈ሳ̇̇̈ቦ ኪ̈ቲንቲ̇ሙታ፥ ጌ̈ሺ̇ቲባርኬ ሳሪቲባር ዶኣምፔ̈ኒ ካ̈ቲንታ̇ንብኬ ሲልጣ̈ና ጋ̈ልዳ ዎንቦ ዎይ ዎ̈ሳ̇ንዳብ ኮሺ̇̈ሬ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

ኢብ 13:18

ኑ̈ብ ዎ̈ሲ̈ብቴ፤ ኮሽ̇ ቆፊ ኑ̈ብ ዎን ኑ̈ኒ ኤሪ̈ሬ፤ ኑ̈ኒ ዎይ ጋላስ ዎይ ጎይባራ ኮሽ̇ ጻባያባር ዶኣንዳብ ኮዪ̈ሬ።

ኢብ 13:5

ሚ̈ሽ ካዚን ኣሺ̇ብቴ፤ ዪንታ̇ብ ዎን ጊዳሬ̈፤ ጾ̈ሲ “ውርሳ ቴ ኔ̈ና ቶጛባሴ፤ ውርሳ ቴ ኔ̈ና ኣሻ̇ባሴ” ጌይኔ።

ዓይ 3:13

ዪንታ̇ ጋርታ̇ፖ ኤራ ማ̈ቂ̇ኖ̈ ኣሲ ኦ̈ኖ? ዎኮ ና̈ሳ ዪ̈ዲ ፌ̈ና ዪርክ ዎታርኬ ኤራባር ኦ̈ኖ ኦ̈ሲንዶ ፌ ኮሽ̇ ዶኢንባር ቤይሳ ጋ̈ቤ።

1 ጴጥ 2:15

ዪንቲ ኮሽ ኦ̈ሙታ ዳሻንኮን ኤራ ጉ̈ጺኖ ሶ̈ሊን ዚምዶኢሳምፔ̈ኒ ጾ̈ሳ̇ ኮዪ̈ሬ።

1 ጴጥ 3:16

ዪንቲ ማልሳ ማሂ̈ርዶሪ ኣስ ቦንቺሙታ̇ኬ ኣሽኪቲባር ማሂብቴ፤ ዪንቲ ክርስ̇ቶ̈ሳይ ማ̈ቂ̇ኖኮታ̇ቦ ዪንታ̇ብ ዎ ኮሻ̇ ጻባዪን ኢ̈ት ማይጺሲ ሶ̈ሊዝ ኣሳን ፌ ኢ̈ታ ሶ̈ሊንባራ ዬ̈ልቃምፔ̈ኒ ዪንታ̇ቦ ኮሻ̇ ቆፊ ዶኦጋ̈ቤ።

1 ጴጥ 4:11

ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

2 ጴጥ 3:11

ዪዚ ዪን ዎይ ዪ̈ፌ̈ን ዪ̈ርኮ ዪንቲ̇ ጌ̈ሺ̇ቲባርኬ ጾ̈ሳ̇̇̈ቦ ኢ̈ጪ̇ሙታ ዶኣንዳቦ ኮሺ̇ባ̈ሳ?