1 ጴጥ 2:11 - ኦራ ጫ̈ቃ ማጻ̈ፋ

¹¹ ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

1 ጴጥ 2:11 ပူးပေါင်းရင်းမြစ်များ

ሉቃ̈ሳ 21:34

“ዪዚ ዪንቲ̇ ሙንትኬ ኡሽኬ ዎይሊሳር ማባር ሳ̈ዝ ጋልዶ̇ ቲ̈ሪስባር ዪንቲ̇ ዳ̈ቡሪ ዎን ጋርታ̇ ዪና̇ ቃሚ̇ን ጺሂፌ̈ን ኤሪንታ̇ካይዶ̈ር ዪንታ̇ ዬላ̇ካይፌ̈ኒ ና̈ጊንቲ̇ብቴ̇።

ሃዋ̈ራታን ኦ̈ሳ 15:20

ዪ̈ኒፖ ‘ጻላሃብ ዣ̈ርሺ̇ኖ ፊ̈ሺ ሞ̈ፒ̇ቴ፣ ኦሎላ ጋዳፒ̇ቴ፣ ጋ̈ዲ ኤ̈̇ን ዓይቂ̇ኖ ሜሃ ሞ̈ፒቴ፣ ሱ̈ር ሞ̈ፒ̇ቴ’ ጋ̈ር ኢንታ̇ብ ጻ̈ፊስቶ።

ሃዋ̈ራታን ኦ̈ሳ 15:29

ጻላሃብ ዣ̈ርሺኖ ፊ̈ሺ ሞ̈ፒቴ፤ ሱ̈ስ ሞ̈ፒ̇ቴ፤ ጋ̈ዲ ኤ̈ን ዓይቂ̇ኖ ሜሃ ኣይሽ ሞ̈ፒ̇ቴ፤ ኦሎላ ጋዳፒ̇ቴ፤ ዪን ኦ̈ዚን ጋልዳፖ̇ ዪንታ̇ ና̈ጌጌይንዶ̇ ዪንቲ̇ ኮሽ̇ ባዝ ኦ̈ኔ። ዪዚ ሳራ ዶኢብቴ” ጌይሬ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

ሮሜ 7:23

ማቂናካሬ ቴ ቆፊምባ̇ር ዋንቲሙታ̇ ታ ጋርታ ኦ̈ዛ ናጋራ ሂጋ̇ቦ ታ̈ና ቃሺ ኣስ ማሂዝ ሜላ ሂጋ̇ ታ ጋርታ ዎን ታ̈ብ ቤንታ̇̈ሬ።

ሮሜ 8:13

ዪንታ̇ ናጋራንቻ ኣሲቲን ጋ̈ዚንዲፌ̈ን ዶኤጌይን ዪንቲ̇ ዓይቂ̇̈ሬ፤ ጌ̈ሻ̇ ኣያ̇ና ዎልቃባራ ዪንታ̇ ኣሲቲ ኦ̈ሲ̇ን ዎጌይን ዪንቲ̇ ሼምፓባር ዶኢ̈ሬ።

2 ቆሮ 5:20

ኑ̈ኒ ክርስቶ̈ሳ ቤስ̇ ማ̈ቃ̇ሪ ኢ ባዝ ሶ̈ላንዳብ ኪ̈ቲንቲ̇ኖ ኣሴ፤ ጾ̈ሲ ኑባር ማ̈ቃ̇ሪ ዪንታ̇ ጼይጊ̈ሬ፤ ኑ̈ናሬ “ዪንቲ̇ ጾ̈ሳ̇̇̈ባር ኢጊንቲ̇ብቴ!” ጋ̈ሪ ክርስቶ̈ሳ ሱምባር ዪንታ̇ ጌሺ̈ሬ።

2 ቆሮ 6:1

ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

ጋላ̈ታ 5:24

ዬሱ̈ስ ክሪስቶ̈ሴይ ማ̈ቂ̇ኖ ኣሳን ናጋራ ኣሲቲ ቆፊንዶ ኢ̈ታ ባዝ ኦ ኦ ጋ̈ዝ ኢዝ ኢኒ̇ንባር ዎልኣ ኣሲ ማስቃላ ጋልዳ ሶቲንታ̇ዚንዲፌ̈ኒ ኢንታ̇ር ኢዞ ሶታ̇ር ኣሺ̇ኔ።

ኤፍ 2:19

ዪ̈ኮታ̇ቦ ዪንቲ̇ ጾ̈ሳ̇ ዎርዣ̈ባር ዎልኣ ፔቲ̇ ጋዶ̇ ኣስኬ ፔቲ̇ ኣ̈ል ኣስዶኬ ዓኒፖ̇ ጌዳ ዪንቲ̇ ዛቃ̇ኬ ቤት ጊዳካ̇ዬ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

2 ጢማ̈ 2:22

ናኢቲ ኢ̈ታ ኢኒ̇ን ጋልዳፖ̇ ጎታ̇ቤ፤ ጌ̈ሻ ቡ̈ዳባራ ጎዳ ጼይጊዝ ኣሳንባራ ማቃራ ጺሊቲ፣ ኣማ̇ና፣ ካንኬ ሳሪቲ ጎይን ዬቤ።

ኢብ 11:13

ዪን ዎይ ጾ̈ሲ ኢንታ̇ብ ኢማ̇ንዳ ጌይኖን ቤኣካ̇ይዶር ፌ ኣማ̇ኒን ና̈ጊኖንዲፌ̈ን ዶኢ̈ርዶር ዓይቂ̇ዴ፤ ዎቲናካሬ ጾ̈ሲ ኢንታ̇ብ ኢማ̇ንዳብ ቃ̈ላ ጌሊኖ ባዛን ጎትዶር ቤቃ̇ሪ ዲጚኖ̈ዲፌ̈ን ፋይዳር ኡፋይቲ̇ዴ። ሳ̈ዝ ጋልዳ ኢንቲ ዛቃ̇ኬ ቤት ማ̈ቂ̇ኖን ኤሪዴ።

ኢብ 6:9

ቴ ላጋ̇ን! ኑ̈ኒ ዪኒ̇ፌ̈ኒ ዪንታ̇ክ ሶ̈ሊናካሬ ዪንታ̇ ፋቲምቦ ማ̈ቂ̇ዝ ጴች ባዝ ዪንታ̇ብ ዎን ኑ ኤሪ̈ሬ።

ዓይ 4:1

ዪንታ̇ ጊዳ̇ ዎ̈ ጎይሊንዲኬ̈ ዋቺ̇ን ዎይዲፖ ዬይና? ዪንቲ̇ ኢ̈ት ኦ̈ምፔ̈ን ዪንታ ጋርታ̇ ኦላዝ ኢ̈ት ኢኒ̇ምፖ ባያ?

1 ጴጥ 1:1

ጳንጦ̈ሳ ጋዳ̇፣ ጋላ̈ታ ጋዳ̇፣ ቃጳዶ̈ቃ ጋዳ̇፣ ኢ̈ሳ ጋዳ̇ኬ ቢታ̈ና ጋዳ̇ ላ̈ሊንታ̇ር ቤት ማ̈ቃር ዎ፤ ጾ̈ሳ̇ ባ̈ባ̈ ቲ̈ኒታር ቆፒ̇ኖንዲፌ̈ኒ ማራ̇ጺንቲ̇ኖንኬ ዬሱ̈ስ ክርስቶ̈ሳብ ኪ̈ቲንታ̇ምፔ̈ኒ ኢ ሱ̈ባር ሜ̈ጪንታር ጌ̈ሻ̇ ኣያ̇ናባር ጌዥጊ̇ኖን! ጎዳ ካንዲኬ ሳሪቲ ዪንታ̇ብ ዎይሎ ጌያሙታ ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ቴ ጴጥሮ̈ሲ ዓና̇ ኪ̈ቲን ዪንታ̇ብ ሚሺኔ።

1 ጴጥ 1:17

ኦ̈ናካር ሾኪ̇ ዪርኪ̇ ዎታካ̇ይ ዎይንቦ ኢንታ ኦ̈ሲንዲፌ̈ን ኢሚ̇ዝ ጾ̈ሳ̇ “ኑ ባ̈ባ” ጌይ ጼይጊ̈ርኮ ዓኒ̇ ኣላሚን ጋ̈ልዳ ዛቃ̇ኬ ቤት ማ̈ቃ̇ሪ ዶኢ̈ርዶሪ ኢ̈ብ ኢ̈ጫ̇ር ዶኢብቴ።

1 ጴጥ 4:12

ቴ ላጋ̇ን! ታማፌ̈ኖ ጴች ሜታ ዪንታ̇ ዬሌ̇ጌይን ኦራ̈ ባዝፌ̈ን ማሃሪ ጋራ̇ሚንታፒ̇ቴ።

1 ጴጥ 4:2

ዪ̈ ና̈ሳ̈ዲ ዓኒ̇ፖ ጌዳ ፌ ዶኣዝ ላይን ጋርታ̇ ጾ̈ሳ̇ ኡፋይሳ̇ንዳብዶኬ ፌ ኢ̈ታ ኢኒ̇ን ኩምንዳብ ዶኢባ̈ሴ።

2 ጴጥ 3:1

ታ ላጋ̇ንሶ! ታ ዓና̇ ዪንታ̇ብ ጻ̈ፋዚንዳ ናምኢ ኪ̈ቲንዶ፤ ዪን ናምኢ ኪ̈ታን ዪንታ̇ብ ጻ̈ፊኖንዳ፥ ዪንታ̇ቦ ኮሽ ቆፊ ዶኣምፔ̈ኒ ቲ̈ኒታር ባርኪንዳቦ።