1 ጴጥ 1:7 - ኦራ ጫ̈ቃ ማጻ̈ፋ

⁷ ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

1 ጴጥ 1:7 ပူးပေါင်းရင်းမြစ်များ

ማ̈ቶ̈ሳ 19:28

ዬሱ̈ሳር ኢንታ̇ኮ “ቴ ዪንታ̇ክ ኪን ጋ̈ሬ፥ ቢርት ዬ̈ዝ ኦራ ኣላሚን ጋልዳ ታ ኣሳ ናኣ̈ዲ ቴ ቦንቻ̇ ዙ̈ፋና ጋልዳ ዶኣዚምባራ ዪንታ̇ር ታ̈ና ኣማ̇ኒ ቴ ዎሂን ዬሙታ̇ ዎ ኣሳን ታጶ ናምኢ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ዜርን ጋልዳ ፊርዲ̈ሬ።

ማ̈ቶ̈ሳ 25:21

“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።

ማ̈ቶ̈ሳ 25:23

“ኢ ላ̈̈ዲ ኢ̈ኮ ‘ዎይኣ! ኔ̈ኒ ኣማ̇ኒንቲኖ ኮሻ̇ ኣሽካራ። ኔ̈ኒ ጊላ̇ ባዛቦ ኣማ̇ኒንቲ̇ኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ፤ ዓይ ዬ̈ራ ኔ ላ̈ባር ዎልኣ ኡፋይታንዳብ ዓይ ጌላቤ!’ ጌይዴ።

ሉቃ̈ሳ 12:33

ዪንታ̇ብ ዎ ባዝ ጌዳ ዎ̈ጛሪ ዎርባያንቦ ኢሚ̇ብቴ̇። ዉሲ̇ ኤኪ̇ባ̈ሶ ቤሲ̇፤ ቢላ ሞ̈ባሶ ቤሲ̇፤ ሲሊቲባ̈ሶ ኮራጃ ዪንታ̇ብ ጊ̈ጊሳሪ ኢዝ ጋርታ̇ ዪንታ̇ብ ዉሪባ̈ሶ ቆሊን ኣፋ ዪንታ̇ብ ሺ̈ሺ̇ብቴ̇።

ሉቃ̈ሳ 17:30

“ታ ኣሳ ናኣ ዬ̈ዝ ጋላሲ̇ንዳሬ ዪና̇ ኢዝፌ̈ን ማ̈ቃ̇̈ሬ።

ዋ̈ኒ̇ሳ 12:26

ታ̈ብ ኦንዳብ ኮይዝ ኣሲ ዎኮ ቴ ዎሂን ዬጋ̈ቤ፤ ታ̈ብ ኦ̈ዝ ና̈ሳዲ ቴ ዎ ቤሲ̇ን ኢና ዶኢ̈ሬ፤ ታ̈ብ ኦ̈ዛ̈ዳ ቴ ባ̈ባ ኢያ ቦንቺ̇̈ሬ።

ዋ̈ኒ̇ሳ 5:44

ዪንቲ̇ ዎልዎልኣ ቦንች ኮዪዛን ጾ̈ሳ̇̇ ፔታ̇ና ጋልዳፖ̇ ቤንቲ̇ዝ ቦንቺ̇ን ኮዪባ̈ሶን፥ ዪንቲ̇ ዎዛ̈ርታ̇ር ታ̈ና ኣማ̇ናንዳብ̇ ዳንዳኢ̈ራ?

ሃዋ̈ራታን ኦ̈ሳ 8:20

ጴ̈ጥሮ̈ሲ ኢኮ “ጾ̈ሲ̇ ጪጊሻካ̇ይ ሜላ̇ ኢሚ̇ዝ ባዚን ኔ̈ኒ ሚ̈ሻ̇ባር ዎጛንዳብ ኮዪኖኮታ̇ቦ ኔ̈ናር ኔ ሚ̇ሺ̇ንዳር ዎልኣ ሜናብ ዪብቴ̇!

ሮሜ 2:10

ዎቲናካሬ ኮሽ̇ ባዝ ኦ̈ዝ ኣሳን ዎይ ኣይሁዳር ማ̈ቆ̇ ኣይሁድ ባዮ̇ ኣሳር ማ̈ቂ̇ን ኢንታ̇ብ ጾ̈ሳ̇̇̈ዲ ቦንችኬ ሳሪቲ ኢሚ̇̈ሬ።

ሮሜ 2:29

ኪንባር ኣይሁድ ጌይንቲዛን፥ ጾ̈ሳ̇̈̇ ሂጋ ና̈ጊ ፎቲዛን። ኪን ጋራዚንቲ ጋ̈ዚንዳ፥ ሂጊ̇ን ጋልዳ “ጋራ̇ዚንታ̇ቤ” ጌይኖንዲፌ̈ኒ ኣሳብ ቤንታ̇ዝ ጋሊ̇ን ጋራ̇ዛዚን ጊዳካ̇ይዶ̈ን ጾ̈ሳ̇̇ ኣያና̇ባራ ቡ̈ዳ ኦ̈ሂንታ̇ዚንዶ። ዪኒ̇ፌ̈ኒ ኢ ቡ̈ዲን ኦ̈ሂንቲ̇ኖ ና̈ሳ̈ ኣንጃ ኤኪ̇ዛ̈ዲ ጾ̈ሳ̇ ጋልዳፖ̇ዶኬ ኣሳ ጋልዳፖ̇ ጊዳካ̇ዬ።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

ሮሜ 8:19

ጾ̈ሲ ኮቺ̇ኖ ባዚ ዎይ ጾ̈ሳ̇̇ ናኣን ኬስካ̇ር ቤንታ̇ዝ ጋላሲ̇ን ጴች ሹ̈ናባር ና̈ጊ̈ሬ።

1 ቆሮ 3:13

ኢ ኦ̈ኖ ኦ̈ሲንዳ ፋላ̇ ጋልዳ ኬስካ̇ራ ፊርዲንቲ̇ዝ ቃሚ̇ ዬይሬ፤ ዪና̇ ኢዝ ቃሚ̇ንባራ ኣስ ዎይ ኦ̈ሲንዳ ኣፌ̈ንኮ ታማ ጋርታ ጌላ ኬስካ̇ራ ፋላ̇ ጋልዳ ቤንታ̇̈ሬ።

1 ቆሮ 4:5

ዪ̈ኮታ̇ቦ ኬ̈ሊን ዬላ̇ካይዶን ጎዳዲ ፊርዳብ ዬናፖ ቲ̈ን ዪንቲ ኣሳ ጋልዳ ፊርዳፒ̇ቴ። ኢ ዬ̈ሪ ም ጊዳ̇ ጌ̈ሚታር ዎ ባዝ ፎኢን ጋልዳ ኬሲ̇̈ሬ፤ ኣሳ ቡ̈ዳ ጋርታ̇ ኣ̈ቺ̇ንቲ̇ኖ ቆፊ ፋላ̇ ጋልዳ ኬሲ̇̈ሬ ዪና ኢዝባራ ኣሲ ዎይ ጾ̈ሳ̇ ጋልዳፖ ፌ ኣንጂን ኤኪ̇̈ሬ።

ዓይ 1:12

ሜታ ጋርታ ሚ̈ጜጌይንዶ ጾ̈ሳ̇̇ ፌ̈ና ዶሲዝ ኣሳንቦ ኢማ̇ንዳ ጌይኖ ሼምፓ ኣኪሊ̈ላ ሺሊ̇ማ̈ቲን ዲጚ̈ዛኮታ̇ቦ ሜታ ኢያ ዬላ̇ዚምባር ዳንዳኣር ኣ̈ዝ ኣሲ ኣንጂንቲኖ̈ዳ።

1 ጴጥ 1:13

ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።

1 ጴጥ 1:5

ዪንታ̇ሬ ዉ̈ርሲ ቃሚ̇ንባር ቤንታ̇ዝ ፋቲምቦ ኣማ̇ና ጎይባራ ጾ̈ሳ̇ ዎልቃ̈ባር ና̈ጊንቲ̇ኔ።

1 ጴጥ 2:4

ኣሳ ቲ̈ን ሌቂንቲ̇ኖ ጾ̈ሳ̇ ቲ̈ን ማራ̇ጺንቲ̇ኖ ቦንቺንቲ̈̇ኖ ሼምፓባር ዶኢዝ ሹቻ̇̈ ዬሱ̈ሳኮ ኡኪ̇ብቴ።

1 ጴጥ 2:7

ዪዚ ዪና̇ ሹቺ̇ንዳ ዪንቲ ኣማ̇ኒዛንቦ ቦንቺንቲ̇ኖ ሹቼ̇፤ ኣማ̇ኒባ̈ሶንቦ “ሹች ኬ̈ ኬ̈ጺዝ ኣና̈ጻን ሌቃ̇ር ቶጚኖ ሹቺ̇ን፥ ኬ̈ምቦ ዋ̈ና̇ ቱ̈ሲምቦ ኮዪንቲ̇ዝ ሹች ማ̈ቃ̇ዴ።”

1 ጴጥ 4:12

ቴ ላጋ̇ን! ታማፌ̈ኖ ጴች ሜታ ዪንታ̇ ዬሌ̇ጌይን ኦራ̈ ባዝፌ̈ን ማሃሪ ጋራ̇ሚንታፒ̇ቴ።

1 ጴጥ 4:13

ዎቲናካ̈ር ክርስቶ̈ሳ ቦ̈ንቺ̈ን ቤንታ̇ዝ ጋላስ̇ ዪንቲ̇ ዎይሊን ኡፋይታምፔ̈ኒ ክርስቶ̈ሳ ኤኪ̇ኖ ሜቲን ኤኪ̇ኖኮታ̇ቦ ኡፋይቲ̇ብቴ̇።

1 ጴጥ 5:1

ዪዚ ታ̈ኒ ኢንታ̇ባራ ዎልኣ ዎሳ ኬ̈ ጪጛ̈ሽ ማ̈ቂ̇ኖ፥ ክርስቶ̈ሳ ሜ̈ቲን ማርኪ̇ቲዝ ኣስ ማ̈ቂ̇ኖ፥ ማ ጊዳክ ዬ̈ዝ ጎዳ ቦንቺ̇ን ኤኪ̇ዛ፥ ዪንታ̇ ጊዳ̇ ዎ ዎሳ ኬ̈ ጪጛ̈ሻን ዞራ̈ሬ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

2 ጴጥ 1:4

ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።

2 ጴጥ 3:14

ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

ዪሁ 1:24

ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥

ሳጻ 1:7

ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 3:10

ኔ̈ኒ ጋርዢዝ ኣስ ማ̈ቃ̇ቤ ጋ̈ራ ቴ ኔ̈ብ ሶ̈ሊኖ ታ ቃ̈ሊን ና̈ጊኖኮታቦ ታ̈ናሬ ሳ̈ዝ ጋልዳ ዶኢዛን ፋታ̇ናንዳቦ ኣላሚን ዎይን ጋልዳ ዬ̈ዝ ሜታ ኬሊ̇ን ጋልዳፖ ቴ ኔ̈ና ና̈ጋንዳ።

ሳጻ 3:18

ኔ̈ኒ ዱር ማ̈ቃ̇ንዳብ ኮያዶኮ ታማ ጋርታ ጌላር ኬስኪ̇ኖ ዎርቂን ታ ጋልዳፖ ዎጛንዳቦ፥ ጾ̈ሲ ኮቺ̇ኖ ካሊ̇ን ካጛንዳቦ፥ ቦ̈ርስ ኣፊላ ማኣንዳቦ፥ ኔ ኣ̈ፊንዳር ቤቃ̇ንዳ̇ብ ዳንዳኣምፔ̈ን ኣ̈ፋ ጋ̈ላ ታ ጋልዳፖ ዎጛራ ኔ ኣ̈ፊን ዲርካ̇ምፔ̈ን ቴ ኔ̈ና ዞራ̈ሬ።