1 ጴጥ 1:6 - ኦራ ጫ̈ቃ ማጻ̈ፋ

⁶ ዓት ዱማ ዱማ ሜታን ጊሊ̇ ጊዛቦ ዪንታ̇ ዬሊ̇ናካሬ ዪንታ̇ብ ዎ ታስፊንባር ኡፋይቲ̇ብቴ።

1 ጴጥ 1:6 ပူးပေါင်းရင်းမြစ်များ

ማ̈ቶ̈ሳ 11:28

“ቶ̈ፊ ዪንታ̇ ዴ̈ጻ̇ር ዳ̈ቡሪኖን ዎይ ታ̈ክ ዬብቴ̇! ቴ ዪንታ̇ ሼምፒ̇ቻ̇ንዳ።

ማ̈ቶ̈ሳ 26:37

ፌባራ ጴ̈ጥሮ̈ሳኬ ዛብዶ̈ሳ ናኣን ናምኣን ፌ ዎሂን ኤኪ̇ ሉካ̇ሪ ዎይሊን ሙርሚ ኤ̈̇ዴ።

ማ̈ቶ̈ሳ 5:12

ኣፋ ጾ̈ሳ̇̇ ቲ̈ን ዪንቲ̇ ኤካ̇ዝ ጋቲን ጴች ማ̈ቂ̇ኖኮታ̇ቦ ጴች ኡፋይቲ̇ብቴ̇። ኣባ ጌይንዶ̇፥ ዪንታ̇ፖ ቲ̈ን ዎ ናባን ዪንታ̇ፌ̈ን ዳኪንቲ̇ ሜታ ኤኪ̇ኔ”

ሉቃ̈ሳ 1:47

ታ̈ና ፋዛ ቴ ጾ̈ሳ̇̇ባር ታ ኡፋይታ̇̈ሬ፤

ሉቃ̈ሳ 10:20

ማ̈ቂ̇ናካሬ ኢ̈ታ ኣያ̇ኖ ዪንታ̇ብ ኪ̈ቲንቲ̇ኖምቦ̇ ኡፋይታ̇ፒ̇ቴ። ዪንታ̇ ሱምንዳ̇ ኣፎ ማዝጋባ ጋልዳ̇ ጻ̈ፊንቲ̇ኖ̈ምቦ ኡፋይቲ̇ብቴ” ጌይዴ።

ሉቃ̈ሳ 2:10

ኪ̈ታንቻ̇ ኢንታ̇ኮ “ኢ̈ጫፒ̇ቴ! ታ̈ኒ ዎርዣ ዎይ̈ቦ ማ̈ቂ̇ዝ ጴች ኡፋይሲዝ ሶ̈ላ ኤካ̇ር ዬይኔ።

ዋ̈ኒ̇ሳ 16:22

ዪንታ̇ሬ ዪና̇ ኢዝፌ̈ን ዓት ሙዲዲ̈ርዶ̈ን ማ̈ቃ̇ር ቴ ዪንታ̇ ቤቂ̇ዛኮታ̇ቦ ዪንቲ̇ ኡፋይቲ̇̈ሬ፥ ዪንታ̇ ኡፋይሲ̇ንዳሬ ዪንታ̇ ጋልዳፖ̇ ኦ̈ናካር ኤኪ̇ዝ ኣሲ ባዬ̇።

ዋ̈ኒ̇ሳ 16:33

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሮሜ 12:12

ዪንታ̇ብ ዎ ታስፊንባራ ኡፋይቲ̇ብቴ፤ ሜታ ዪ̈ንታ ዬ̈ሌ̇ጌይን ጋ̈ርዢብቴ፤ ዎይ ጋላስ ዎ̈ሲ̇ብቴ።

ሮሜ 5:11

ዪ̈ ሙታ̇ ጊዳካ̇ይዶን ዓት ኑ̈ና ጾ̈ሳ̇̇̈ባር ኢጊ̇ንኖ ኑ ጎዳ ዬሱ̈ስ ክርስቶ̈ሳ ጎይባር ኑ ጾ̈ሳ̇̇̈ባር ኡፋይቲ̇̈ሬ።

ሮሜ 5:2

ኑ̈ኒ ዓት ኣማ̇ናባር ሚ̈ጛር ዎ ቤሲ̇ን ኢ ካንን ጋርታ̇ ጌሊኖንዳ ኢ ጎይባራ፤ ማ ጾ̈ሳ̇ ፌ ቦንቻ̇ ኑ̈ብ ኢማ̇ዚንኮታ̇ቦ ዪኒ̇ባር ኑ̈ኒ ኬርፊ̈ሬ።

ሮሜ 9:2

ቴ ዜርን ኣይሁዳን ጊሽ̇ ታ̈ቦ ጴች ኣዛናኬ ታ ጋልዳፖ̇ ፋኪባ̈ሶ ቆፊ ቴ ቡ̈ዲን ጋርታ ዎ። ታ̈ኒ ኢንታ̇ ጊሻ̇ቦ ጋ̈ራ ክርስቶ̈ሳ ጋልዳፖ̇ ፋጊንታ̇ራ ጾ̈ሳ̇ ጎይላ ታ ጋልዳ ዬ̈ይርካር ቴ ዶሳርዶ̈ን።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

2 ቆሮ 6:10

ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ፊል 2:26

ቴ ዪንታ̇ኮ ኢያ ሚሻዚንዳ ኢ ዪንታ̇ ዎይን ቤቃ̈ንዳቦ ሹ̈ንቲኖኮታብኬ “ኢ ማ̈ኔ” ጌይኖን ዪንቲ̇ ሲስኪ̇ኖኮታቦ ኢ ጫና̇ቂንታዚንጊሼ̇።

ፊል 3:3

ኑ̈ኒ ኣያ̇ናባር ጾ̈ሳ̇ ጎሽቲ̇ዛንኬ ኣ̈ፍባር ቤንቲ̇ዝ ኣሳ ዎጋባር ጊዳካ̇ይዶን ዬሱ̈ስ ክርስቶ̈ሳባር ኬርፊዛን ማ̈ቂ̇ኖኮታ̇ቦ፤ ኑ̈ኒ ኪን ጋራ̇ዚንቲ̇ኖ ኣሴ።

ፊል 4:4

ዎይ ጋላስ ጎዳ̈ባር ዪንታ̇ብ ዎ ፔቲ̇ቲንባር ኡፋይቲ̇ብቴ፤ ማሃር ቴ ዪንታ̇ክ ጋ̈ሬ ኡፋይቲ̇ብቴ።

1 ታሳ 1:6

ጴች ሜታ ዪንታ̇ ዬሊ̇ናካሬ ዪንቲ̇ ጌ̈ሻ ኣያ̇ና ጋልዳፖ ቤንቲ̇ዝ ኡፋይስባራ ጾ̈ሳ̇ ቃ̈ሊን ኤካ̇ር ኑ̈ናኬ ዬሱሳ̈ኬ ማይጺሙታ ዬዝ ኣስ ማ̈ቂ̇ኔ።

ዓይ 1:2

ቴ ኢሺንታ̇ን! ዪንታ̇ ኣማ̇ኒ̇ን ፋ̈ጪ̇ ቤቃ̇ንዳ ጋ̈ሪ̈ ዱማ ዱማ ሜታኬ̈ ኢ̈ት ባዝ ዪንታ̇ ጋልዳ ዬ̈ምባራ̈ ኢዞ ኡፋይስባር ኤኪ̇ብቴ̈።

ዓይ 1:9

ኣሳ ቲ̈ን ጉ̈ጻ̇ር ቤንቲ̇ዝ ጾ̈ሳ̇̇ ኣማ̇ኒዝ ኣሲ̈፥ ጾ̈ሲ̇ ቲ̈ን ሾክ̇ ጌይኖ ማ̈ቂኖኮታ̇ቦ̈ ኢ ዪኒ̇ባር ኡፋይቶ̇።

ዓይ 4:9

ዪንታ̇ ናጋራ̈ምቦ̇ ጫና̇ቂንቲ̇ብቴ፤ ኣዛ̇ኒብቴ̇፤ ዬ̈ኪ̇ብቴ፤ ዪንታ̇ ሚ̈ቺ̇ን ዬ̈ፊ፤ ዪንታ̇ ኡፋይሲ̇ንዳሬ̈ ኣዛና ማ̈ቃ̇ ጋ̈ቤ̈።

1 ጴጥ 3:17

ጾ̈ሳ̇ ኮያዚን ዓኒ̇ኮ፥ ዪንቲ ኢ̈ታ ኦ̈ሳ ኦ̈ር ሜታ ኤካ̇ናፖ ኮሻ̇ ባዝ ኦ̈ር ሜ̈ታ ኤኪ̇̈ርኮ ዪንታ̇ብ ኮሼ̇።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።