5 ዪንታ̇ሬ ዉ̈ርሲ ቃሚ̇ንባር ቤንታ̇ዝ ፋቲምቦ ኣማ̇ና ጎይባራ ጾ̈ሳ̇ ዎልቃ̈ባር ና̈ጊንቲ̇ኔ።
ታ̈ና ኮዪባሶ̈ዲኬ ቴ ቃ̈ሊን ኤኪ̇ባ̈ሶ ኣሳ ጋልዳ̇ ፊርዲዛ̈ዲ ዎ፥ ዪና̇ሬ ቴ ሶ̈ሊኖ ቃሊን ኢዛ ዉርሲ ጋላስ ኢ ጋልዳ ፊርዳ̈ሬ።
ቴ ኔ̈ና ጌሻዚንዳ ኔ ኢንታ̇ ሴ̈ጣና ኩሽታ̇ፖ̇ ና̈ጋምፔ̈ንዶኬ ዓኒ̇ ኣላሚን ጋልዳፖ̇ ኢንታ̇ ኬሳ̇ምፔ̈ን ጊዳካዬ።
ቴ ኢማ̇ዝ ዋ̈ን ኡሽኪ̇ዝ ኣሲ ኣባካር ጌይን ዉርሲ ባርሲንቲ̇ባ̈ሴ። ቴ ኢማ̇ዝ ዋ̈ን ኢ ጋርታ̇ፖ̇ ፉዳ ኬስኪ̇ዝ ዶቃ ዋ̈ፌ̈ን ሜናብ ሼምፓባር ዶኢ ኢሚ̇ዝ ዋ̈ ማ̈̇ቃ̇̈ሬ” ጌይዴ።
“ቴ ዪንታ̇ክ ኪን ጋ̈ሬ፥ ታ ቃ̈ሊን ሲስኪ̇ዛ̈ዲኬ ታ̈ና ኪ̈ታ̇ር ሚሺኖ ጾ̈ሳ̇̇ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ። ኢ ዓይቃ ጋርታ̇ፖ̇ ኬስ̇ካር ጌዳ ሼምፓባር ዶኢ̈ርዶኬ ፊርዳ ኢ ጋልዳ ዬ̈ባሴ።
ዪንቲ̇ ጋ̈ዚንዳ ኪን፤ ዎቲናካሬ ኢንቲ̇ ኣማ̇ናካዮንኮታ̇ቦ ቃ̈ጺንታ̇ር ኬዲ̇ኔ፤ ማ ዪንቲ̇ ኣማ̇ኒኖንኮታ̇ቦ ሚ̈ጛር ኤቂ̇ኔ፤ ዪዚ ዪንቲ̇ ኢ̈ጫ̇ንዳ̇ብ ኮሺ̇̈ርዶኬ ኦቲርቃ̇ንዳብ ኮሺ̇̈ባ̈ሴ።
ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።
ኣሲ ፌ ኤራባር ጾ̈ሳ̇ ኤራንዳብ ዳንዳኣካይፌ̈ኒ ጾ̈ሲ ፌ ኤራባር ዎቲዴ። ዎቲናካሬ ኣሲ ቦ̈ዛ ባዝፌ̈ን ፋይዲኖ ኑ ሳባ̇ኪኖ ቃ̈ሊምባ̇ራ ኣማ̇ኒዝ ኣሳን ፋንዳቦ ጾ̈ሲ̇ ዶሲዴ።
ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።
ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።
ኣባ ጌይን ዪንቲ̇ ኣማ̇ና ጎይባራ ኢ ካንባር ፋጺኔ፤ ዪ̈ዳሬ ጾ̈ሳ̇ ኢሚ̇ኖ ኢሚ̇ቲዶኬ ዪንታ̇ ኦ̈ሳባር ቤንቲ̇ኖ ባዝ ጊዳካዬ።
ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።
ዪኖ̇ ኮሽ ኦ̈ሲን ኦ̈ምፔ̈ን ዪንታ̇ባር ማ̈ቃ̇ር ዣማ̇ሪኖ ጾ̈ሳ̇̇̈ዲ ዬሱ̈ስ ክርስቶ̈ሲ ማ̈ቃ̇ር ዬይዝ ቃሚ̇ን ዬሊ̇ዝ ዲራስ ፎታዚን ቴ ኣማ̇ና̈ሬ።
ኣሳ ኤሪቲ ዎይፖ ኣ̈ዛ ጾ̈ሳ̇ ሳ̈ርቲ̈ዲ ዪንታ ቡ̈ዲንዲኬ ዪንቲ ቆ̈ፊን ዬሱ̈ስ ክርስቶ̈ስባራ ና̈ጊ̈ሬ።
ማ ኔ̈ኒ ናኢቲፖ ኤ̈ራ ዬሱ̈ስ ክርስቶ̈ሳ ኣማ̇ናር ፋጺዝ ጎይ ኤርሲዝ ቲሚርታ ኢሚ̇ዝ ጌ̈ሻ̇ ማጻ̈ፋን ኤሪኔ።
ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።
ኑ ኢኒ̇ታዚንዳሬ ኣማ̇ናባርኬ ጋርዢ ሚ̈ጛር ኢንታ̇ብ ታስፋ ኢሚ̇ኖ ባዚን ኤኪ̇ዝ ኣሳን ማይጻምፔ̈ንዶኬ ቦ̈ዛ ማ̈ቃ̇ምፔ̈ን ጊዳካ̇ዬ።
ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።
ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።
ዎቲናካ̈ር ክርስቶ̈ሳ ቦ̈ንቺ̈ን ቤንታ̇ዝ ጋላስ̇ ዪንቲ̇ ዎይሊን ኡፋይታምፔ̈ኒ ክርስቶ̈ሳ ኤኪ̇ኖ ሜቲን ኤኪ̇ኖኮታ̇ቦ ኡፋይቲ̇ብቴ̇።
ዪዚ ታ̈ኒ ኢንታ̇ባራ ዎልኣ ዎሳ ኬ̈ ጪጛ̈ሽ ማ̈ቂ̇ኖ፥ ክርስቶ̈ሳ ሜ̈ቲን ማርኪ̇ቲዝ ኣስ ማ̈ቂ̇ኖ፥ ማ ጊዳክ ዬ̈ዝ ጎዳ ቦንቺ̇ን ኤኪ̇ዛ፥ ዪንታ̇ ጊዳ̇ ዎ ዎሳ ኬ̈ ጪጛ̈ሻን ዞራ̈ሬ።
ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።
ታ ላጋ̇ን! ኑ̈ኒ ዓት ጾ̈ሳ̇ ናኤ። ዓኒ̇ፖ ጌዳ ኑ̈ኒ ኣብዝ ማ̈ቂ̇̈ርኮ ኤሪንታካ̇ዬ፤ ዎቲናካሬ ክርስቶ̈ሲ ዬ̈ዚምባራ ኑ̈ኒ ኢ ማ̈ልኪ̈ን ኢዞ ቤ̈ቂ̇ዛኮታ̈ቦ ኑ̈ናር ኢያ ማይጻዚን ኑ ኤሪ̈ሬ።
ዬሱ̈ስ ክርስቶ̈ሳቦ ኣይላ ማ̈ቂ̇ኖ ዓይቆባ ኢሻ ዪሁዳ ጻ̈ፊኖ ኪ̈ታ፥ ጾ̈ሳ̇ባር ጼይጊንቲ̇ኖ፥ ኢ ካንን ጋርታ ዎን ዬሱ̈ስ ክርስቶስባራ ና̈ጊንቲኖንቦ ዎይ፥
ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥