4 ኢያሬ ዪባ̈ሶ፥ ኢ̈ቲባ̈ሶ፥ ጪጚባ̈ሶ ኢሪስታ ኣፋ ዪንታ̇ብ ጊ̈ጊሲኔ።
“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!
ዬሱ̈ሲ ኢናፖ̇ ዲንዳ̇ሪ ጎይ ዬ̈ ኤ̈̇ዴ። ኢ ሉካ̇ምባራ ፔቲ̇ ኣሲ ዎባር ዬ̈ር ኢ ቲ̈ን ቡቂንታ̇ሪ “ኮሽ ኣስታማ̈ራ̈ዶ! ሜና ሼምፓባር ዶኢን ኤካ̇ንዳቦ ቴ ኣብዝ ዎታንዳ̇ብ ኮሺ̇ራ?” ጌይዴ።
“ዓታ̇ሬ ዪንታ̇ ሚ̈ንንዳብኬ ጌ̈ሻ̇ ኣሳንስ ጊዳ̇ ቤሲ̇ ዪንታ̇ብ ኢማ̇ንዳብ ዳንዳኢዛ ጾ̈ሳ̇̇̈ብኬ ኢ ኮሺ̇ቲ ቃ̈ሊምቦ̇ ቴ ዪንታ̇ ዓዳራ ኢሚ̇ኔ።
ኢንታ ኣፊን ኔ ኢንታ̇ብ ፊርቃምፔ̈ንኬ ም ጋርታፖ ፎኢን ጋልዳ ኢንታ ኬሳ̇ምፔ̈ኒ፤ ሴ̈ጣና ዎልቃ ጋርታፖ ጾ̈ሳ̇̈ኮ ማሃምፔ̈ን ዎታንዳ፤ ኢንታ̇ሬ ታ̈ና ኣማ̇ኒኖኮታ̇ቦ ፌ ናጋሪን ጋርታፖ ማ̈ሪቲ ዲጚሬ፤ ማ ማራ̇ጺንቲ̇ኖን ጊዳ̇ ቤሲ̇ ዲጚ̈ሬ’ ጌይዴ።”
ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።
ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ።
ዪዚ ጾ̈ሲ̇ ኣሳብ ፔቲ̇ ባዝ ኢሚ̇ዛ̈ዲ ኣሲ ሂጋ̇ ና̈ጊኖ̈ኮታ̇ቦ ጊዳካ̇ይዶ̈ን ኢ ኢማ̇ንዳ ጌዪ ቃ̈ላ ጌሊኖኮታ̇ቦ ኢሚ̇̈ሬ። ዪና̇ ኢዝፌ̈ኒ ጾ̈ሲ̇ ኣብራሃ̈ማቦ ኢማ̇ንዳ ጌይኖን ኢሚ̇ኖ̈ዲ ጾ̈ሲ ቲ̈ን ኢ̈ቦ ታስፋ ቃ̈ላ ጌሊኖኮታ̇ቦ።
ዎይ ባዝ ፌ ኮዪኖንዲፌ̈ን ኦ̈ዝ ጾ̈ሳ̇̇̈ዲ ኢ ቲ̈ኒታሪ ኑ̈ብ ቆፒ̇ኖንዲፌ̈ኒ ኑ̈ኒ ኢዬይ ማ̈ቃ̇ምፔ̈ኒ ክርስቶ̈ሳ ጎይባራ ኑ̈ና ማራ̇ጺዴ።
ዪ ማይታማ̈ዲ ጾ̈ሴይ ማ̈ቂ̇ኖ ኣሳን ዎይ ኢያ ኣማ̇ኒዝ ዲራስ ጊዳክ ኑ ኤካ̇ዝ ቤሲ̇ምቦ ዓት ቃብዳ ኑ̈ብ ኢሚ̇ኔ። ዪና̇ሬ ኢ ቦንቺ̇ንቦ ጋላታ ማ̈ቃ̇ምፔ̇̈ኔ።
ኢ ዪንታ̇ብ ኢማ̇ንዳ ጋ̈ሪ ዪንታ̇ ፌ̈ክ ጼይጊኖ ታስፊን ኣብዝኮ፥ ማ ጾ̈ሳ̇ ዎርዣን ጊዳክ ኤካ̇ዝ ቦንች ቤሲ̇ን ዎዛርፌ̈ን ጴችኮ ዪንቲ ኤራምፔ̈ን ጾ̈ሲ ዪንታ̇ ቡ̈ዲን ፊርቃምፔ̈ኒ፣
ማ ፎኢን ማ̈ቂ̇ኖ ካ̈ቲቲ ጋርታ̇ ጌ̈ሻ̇ ኣሳ̈ንባራ ዎልኣ ቤሲ̇ ፋጊንቲ̇ ኤካ̇ንዳብ ዳንዳኢዝ ኣስ ዪንታ̇ ማሂኖ ጾ̈ሳ̇ ባ̈ባ̈ ዪንቲ̇ ጋላታምፔ̈ኔ።
ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ።
ኣባ ጌይን ጾ̈ሳ̇ዲ ዪንታ̇ቦ ኢማ̇ንዳ ጌዪ ቃ̈ላ ጌሊኖን ዪንታ̇ብ ኢማ̇ዚን ዪንቲ̇ ኤሪ̈ሬ፤ ዪንቲ̇ ኦ̈ዚንዳ ጎዳ ክርስቶ̈ሳቦ።
ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።
ዪንታ̇ቦ ኮሽ̇ ቆሊን ኣፋ ዎን ኤሪኖኮታ̇ቦ ዪንታ̇ ቆሊን ዎይ ኢንቲ̇ ኤኪንቲ̇ናካሬ ዪንቲ̇ ኡፋይቲ̇ኔ፤ ቃሺ ኣ̈ል ጌሊኖ ኣሳንባሬ ዪንቲ ሚጪንቲ̇ኔ።
ዪ̈ኮታ̇ቦ ዪን ጼይጊንቲ̇ኖን ጾ̈ሲ ታስፋባር ኢሚ̇ኖ ሜናብ ዶኢዝ ኢርስቲን ኤካ̇ምፔ̈ን ክርስቶ̈ሲ ኦራ ጫ̈ቂንቦ ጊዳ̇ ጌላሪ ኢጊንዛ ማ̈ቂ̇ኔ፤ ዪና̇ ማ̈ቂ̇ኖንዳ ኣሳን ቲ̈ኖ ጫ̈ቂንባር ዎዶሪ ኦ̈ኖ ናጋሪን ጋርታፖ ኢንታ ኬሳ̇ንዳቦ ኢ ዓይቂ̇ኖኮታ̇ቦ።
ኣዋ ጴች̇ ኣውቴ̇ጌይንዶ ማ̈ቲን ሹሊ̇ቻ̇̈ሬ፤ ቡኒንዳር ጋ̈ሪንታ̈ሬ፤ ኢዝ ቆይሲንንዳሬ̈ ኢ̈ታ̈ሬ፤ ዪና̇ ኢዝፌ̈ኒ ዱር ኣሳሬ ጌዳክ ዓኒክ ዎጺታምባ̇ር ሙታ̇ ዪ ኣቲ̇ሬ።
ዪንታ̇ብ ኢ̈ት ኦ̈ኖ̈ቦ ኢ̈ት ኦ̈ ማሃፒ̇ቴ ዪንታ̇ ቆ̈ኖ̈ዳ ቆ̈ ማሃፒ̇ቴ ዪኒ̇ፖ ኢያ ኣንጂብቴ። ዪንቲ ጼይጊንቲ̇ኖንዳ ዪኒፌ̈ን ኦ̈ሪ ኣንጃ̇ ዲጛ̈ምፔ̈ኒዬ።
ዪንቲ ዪኖ̇ ዎቴጌይንዶ ጴቻ ዎይ ኣቂሲዝ ጎዳ ዬ̈ዚምባራ ሜናብ ዶኢዝ ቦ̈ንች ኣኪሊላ ዪንቲ̇ ኤኪ̇̈ሬ።
ቄ̈ ማ̈ቂ̇ኖ ባዚ ዉርሲ ኢዝ ጋርታ ጌሊባ̈ሴ፤ ቄ ባዝ ኦ̈ዝ ኣስኬ ማቃ ሶ̈ሊዝ ኣሲ ዉርሲ ኢና ጌሊባ̈ሴ፤ ኢዝ ጋርታ ጌሊዛን ኢንታ ሱ̈ምን ዶራ̈ኮ ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖን ሙታ̇።
