1 ጴጥ 1:23 - ኦራ ጫ̈ቃ ማጻ̈ፋ

²³ ዪንቲ ናምኢ ዬሊንቲ̇ኖንዳ ሜናብ ሼምፓባር ዶኢዝ ጾ̈ሳ̇ ቃ̈ላባር ዪባ̈ሶ ዜር ጋልዳፖዶኬ ዪዝ ዜር ጋልዳፖ ጊዳካ̇ዬ።

1 ጴጥ 1:23 ပူးပေါင်းရင်းမြစ်များ

ማ̈ቶ̈ሳ 24:35

ኣፎ ሳ̈ዚንዳሬ ሳ̈ዶ̇ ሳ̈ዚንዳ̇ሬ ኣ̈̈ሬ፤ ታ ቃ̈ሊንዳ ፎቲንታ̇ካይ ኣታ̇ባሴ።

ሉቃ̈ሳ 8:11

ዪዚ ሚሳ̇̈ሊን ቢርሺቺ̇ን ዓኖ̇፦ ዜርንዳ̇ ጾ̈ሳ̇̇ ቃ̈ሊንዶ̇።

ዋ̈ኒ̇ሳ 1:13

ኢንታ̇ር ጾ̈ሳ̇̇ ጋልዳፖ̇ ዬሊንቲ̇ንዶኬ ኣሳ ዜር ጋልዳፖ̇፥ ዎይ ኣቲና ጋልዳፖ̇ ዎይ ኣቲና ቆ̈ፊባራ ዬሊንታ̇ካ̇ዬ።

ዋ̈ኒ̇ሳ 1:3

ጾ̈ሲ̇ ዎይ ባዝ ኮቺ̇ኖንዳር ፌ ቃ̈ላ ጎይባራ፤ ኮቺ̇ንቲ̇ኖ ባዛን ዎይን ጋርታ̇ ኢ ኮቻ̇ካ̇ዮ ባዚ ኣባካር ባዬ።

ዋ̈ኒ̇ሳ 3:3

ዬሱ̈ሳር ኢ̈ኮ “ኦ̈ናካር ናምኢ ዬሊንታ̇ካ̇ይ ኣቴ̇ጌይንዶ̇ ጾ̈ሳ̇̇ ካ̈ቲቲን ቤቃ̇ንዳ̇ብ ዳንዳኢባ̈ሴ” ጌይዴ።

ዋ̈ኒ̇ሳ 3:5

ዬሱ̈ሳር ኢ̈ኮ “ቴ ኔ̈ክ ኪን ጋ̈ሬ፥ ኦ̈ናካር ማ̈ቂ̇ን ዋ̈ፔኬ ጌ̈ሻ̇ ኣያ̇ናፖ̇ ዬሊንታ̇ካ̇ይ ኣቴ̇ጌይንዶ̇ ጾ̈ሳ̇̇ ካ̈ቲቲን ጋርታ̇ ጌላንዳ̇ብ ዳንዳኢባ̈ሴ።

ዋ̈ኒ̇ሳ 6:63

ሼምፓ ኢሚ̇ዛ̈ዲ ጾ̈ሳ̇̇ ኣያ̇ና̈ዳ፤ ኣሳ ዎልቆ ኣባካር ማ̈ዲ̇ባ̈ሴ፤ ቴ ዪንታ̇ብ ሶ̈ሊኖ ቃ̈ሊንዳ̇ ኣያ̇ና፥ ማ ሼምፓ።

ሮሜ 1:23

ሜናብ ዶኢዝ ጾ̈ሳ̇̇ ቦንቻ̇ዚን ኣሻ̇ሪ ዓይቃ̇ር ዪዝ ኣሳቦ፣ ካፊቦ፣ ሜሃቦ፣ ሳ̈ዝ ጋልዳ ፌ ሚልባር ዬዝ ማታባዛን ማይጺሳር ኮቺንቲኖ ዪን ሚሲላንቦ ቦንች ኢሚ̇ዴ።

ኢብ 4:12

ጾ̈ሳ̇ ቃ̈ላ̈ዲ ዎይ ጋላስ ዶኢዛ̈ዳ፤ ማ ኦ̈ዛ̈ዳ፤ ናምኢ ጎይን ዎይ ሌ̈ፊንቲ̇ኖ ማሽፌ̈ን ኣጪንቼ፤ ኣሳ ሼምፓኬ ኣሳ ኣያ̇ናኬ ማ ኣሳ ሻሽ̇ኬ ኣሳ ሜቃ ፋጊዝ ዲራስ ቃጺ̇̈ሬ፤ ኣሳ ቡ̈ዳ ጋርታ ዎ ኢናን̇ኬ ቆፋን ዎይ ቤቂ̇ ኤራር ፋራ̇ዲ̈ሬ።

ዓይ 1:18

ኑ̈ኒ ጾ̈ሲ̇ ኮቺ̇ኖ ኮ̈ቺ̇ንት ዎይፖ̇ ኡስ̇ ማ̈ቃ̇ምፔ̇̈ኒ ኢ ፌ̈ብ ዶሳሪ ኪን ቃ̈ላባር ኑ̈ና ዬሊዴ።

1 ጴጥ 1:25

ዎቲናካር ጾ̈ሳ̇ ቃ̈ሊንዳ ሜናብ ሚጛር ዶኣ̈ሬ።” ዪንታ̇̈ቦ ሳባ̇ኪንቲ̇ኖ ዎጛላ ቃ̈ሊንዳሬ ዓና̇ ኢዞ።

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።

1 ዋ̈ኒ̇ 3:9

ጾ̈ሳ̇ብ ናኢ ማ̈ቂ̇ኖ ኣሲ ጾ̈ሳ̇ ዜር ኢ ጋርታ ዎኮታ̇ብኬ ኢ ጾ̈ሳ̇ ጋልዳፖ ዬ̈ሊንቲ̇ኖኮታ̈ቦ ናጋራ ኦ̈ሙታ ዶኣንዳብ ዳንዳኢባ̈ሴ።

1 ዋ̈ኒ̇ 5:18

ጾ̈ሳ̇ ናኣ ዬሱ̈ስ ክርስቶ̈ሲ ጾ̈ሳ̇ ናኣን ና̈ጊዛኮታ̇ቦ ኢንቲ̇ ናጋራ ኦ̈ሙታ̇ ዶኢባ̈ሶን ኑ̈ኒ ኤሪ̈ሬ፤ ሴ̈ጣናሬ ኢንታ ጋልዳ ኣባክ ኢ̈ታባዝ ዬልንዳብ ዳንዳኢባ̈ሴ።