20 ኢ ዪኒ̇ብ ማራ̇ጺንቲ̇ኖንዳ ኣላሚን ዓና̇ ኮቺንታ̇ናፖ ቲ̈ኔ፤ ዓት ዉርሲ ኬሊ̇ን ጋልዳ ዪንታ̇ኮታ̇ቦ ቤንቲ̇ዴ።
“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ!
ዪ̈ ና̈ሳ̈ዲ ጾ̈ሳ̇̇ ቲ̈ንታር ቆፒ̇ኖንዲፌ̈ኒኬ ኤሪኖንዲፌ̈ኒ ኣሳን ኢያ ዪንታ̇ ኩሽታ ኣ̈ ኢሚ̇ዴ፤ ዪንታ̇̇ር ማ ኢ ዉ̈ጫ̇ ኣሳን ኩሽባር ሶ̈ቲንቲ̇ ዓይቃ̇ምፔ̈ን ዎቲዴ።
ኢያ ኣማ̇ኒኖ ኣሳን ዎይ ኢ ሱ̈ባር ኢንታ̇ ናጋሪን ኢንታ̇ብ ኣቶ̇ ጌዪንታ̇ምፔ̈ኒ ጾ̈ሳ̇̇̈ዲ ዬሱ̈ስ ክርስቶ̈ሳ ዣርሻ ኣ̈ ኢሚ̇ኔ። ጾ̈ሲ ዪኖ̇ ዎቲኖንዳ ኢ ፌ ዳንዳኣባራ ሚን ኦ̈ንቲ̇ኖ ናጋራን ባዮ̈̇ዲፌ̈ን ማሃር ፋይዳሪ ኢ ኪን ፊርዳ ፊርዲ̇ዛ ማ̈ቂ̇ኖን ቤይሳንዳ̇ቦ።
ኣባ ጌይን ጾ̈ሲ ቲ̈ን ኢንታ̇ ኤሪኖ ኣሳን ጾ̈ሳ̇ ናኣ ማይጻምፔ̈ንኬ ናኣ̈ዳሬ ዎይሊን ኢሺንታን ጋርታፖ̇ ኡስ̇ ማ̈ቃ̇ምፔ̈ን ጾ̈ሲ ቲ̈ኒታር ዎሳ̇ኒኔ።
ዎቲናካሬ ጌዪኖ ኬሊ̇ን ዬሊ̇ን ጾ̈ሳ̇̇̈ዲ ፌ ናኣ ኑ̈ብ ሚሺዴ። ኢያሬ ማጫ̇ ጋልዳፖ̇ ዬሊንቲ̇ኔ፤ ሙ̈ሳ ሂጊ̇ን ጻና ኣቂኔ።
ኬሊ̇ን ዬላ̇ዚንባራ ጾ̈ሳ̇̇̈ዲ ኣፋር ማ̈ቂ̇ን ሳ̈ዳ̇ር ዎ ባዛን ዎይ ክርስቶ̈ሳፖ ጻና ሺ̈ሻ̇ንዳብ ቆፒ̇ኔ።
ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።
ጾ̈ሳ̇̈̇ዲ ኑ ጎዳ ዬሱ̈ስ ክርስቶ̈ሳ ጎይባራ ዪኖ̇ ኦ̈ኖ̈ዲ ኢ ዓላሚን ዓና̇ ኮቺንታ̇ካይዶን ቆፒ̇ኖ ቆፊንዲፌ̈ኒዬ።
ዎይ ባዝ ኮቺ̇ኖ ጾ̈ሳ̇̇̈ዲ ዚቃንታ ኣ̈ኖ ላይ ጋርታ ኢ ኣቻ̇ር ጋዲ̇ኖ ሚስጢ̇ሪን ኦ̈ሲን ኣብዝኮ ታ̈ኒ ዎይ̈ቦ ቤይሳምፔ̈ን ታ̈ብ ኢሚ̇ኔ።
ጾ̈ሳ̇̇̈ዲ ዪንቲ̇ ኣይሁድ ባዮ̇ ኣሳንቦ ዎ ኢ ቆፊንዳ ዎዛርፌ̈ን ጴች ማ̈ቂ̇ኖን ፌ ዎርዣ̈ቦ ኤርሳንዳብ ኮዪኔ፤ ኢ ቆፊንዳ̇ሬ፥ ክርሲቶ̈ሲ ዪንታ̇ ጋርታ ዶኣምፔ̈ኒዬ፤ ዪ̈ኮታ̇ቦ ዪንቲ̇ ጾ̈ሳ̇ ቦንቻ̇ ኤኪ̇ዝ ኣስ ማ̈ቃ̇ንዳብ ዳንዳኣምፔ̈ኒ ቲ̈ኖ ኬል̇ባራ ጾ̈ሳ̇̇̈ዲ ዓና̇ ሚስጢሪን ፌ ዎርዣ ኤርሳካ̇ይ ኣቻ̇ር ጋዲ̇ንዶ̈ን ዎቲናካር ዓት ኤርሲኔ።
ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።
ዎቲናካሬ ዓት ዓና̇ ውርሲ ኬሊ̇ን ጋልዳ ዎይ ባዝ ኢ̈ብ ኢሚ̇ዛ ማ ዓና̇ ኣላሚንዳሬ ኢ ጎይባር ኮቺ̇ኖ ፌ ናኣ̈ ጎይባር ማ̈ቃ̇ር ኑ̈ብ ሶ̈ሊኔ።
ዪን ናኣን ኣሳ ናእ ማ̈ቂ̇ኖኮታ̇ቦ ዬሱ̈ሳር ኢንታ̇ፌን ኣስ ማ̈ቂ̇ዴ፤ ኢ ዪኖ̇ ዎቲ̈ኖንዳ ፌ ዓይቂ̈ን ጎይባራ ዓይቃ̈ ጋልዳ ሲልጣና̈ ዎ ሴ̈ጣና ይሳ̇ንዳቦ፤
ዎን ዪ̈ፌ̈ን ማቂኔኮ ኣላሚን ኮቺንቲ̇ኖፖ ኤ̈ሪ ክርስቶ̈ሲ ዎይሊን ሜታ ኤካ̇ንዳብ ኮሺ̈ርዶን፤ ዓት ዎቲናካሬ ዉርሲ ኬል̇ ጋልዳ ናጋራ ይሳንዳቦ ናምኢ ኮሺባ̈ሶ ማሃሪ ፌ̈ና ፔቲ̇ ቶህ ዣርሻ ማሃሪ ቤንቲ̇ኔ።
ዪ ሼምፓ ቤንቲ̇ን ኑ ኢያ ቤቂ̇ኔ፤ ዪ̈ኮታ̇ቦ ኑ̈ኒ ኢባዝ ማርኪቲ̈ሬ፤ ማ ጾ̈ሳ̇ ባ̈ባ̈ ቲ̈ን ዎ ኑ̈ብ ቤንቲ̇ኖ ሜና ሼምፓባር ዶኢንዶ ዪንታ̇ብ ሶ̈ሊ̈ሬ።
ክርስቶ̈ሲ ኣሳ ናጋራ ይሳ̇ንዳቦ ዓኒ̇ ኣላሚን ጋልዳ ዬይኖንዲኬ ማ ኢ ጋልዳ ናጋራ ባዮ̇ን ዪንቲ̇ ኤሪ̈ሬ።
ሴጣኖ ቲ̈ናፖ ኤሪ ናጋራ ኦ̈ዛኮታ̇ቦ ናጋራ ኦ̈ዝ ኣሲ ዎይ ሴ̈ጣና ዳባ̇፤ ጾ̈ሳ̇ ናኣ ዓኒ̇ ኣላሚን ጋልዳ ዬይኖ̈ዳሬ ሴ̈ጣና ኦ̈ሲን ላ̈ላ̇ንዳቦ።
ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።