1 ጴጥ 1:12 - ኦራ ጫ̈ቃ ማጻ̈ፋ

¹² ዪን ናባን ዪኖ̇ ሶ̈ሊኖንዳ ዪንታ̇ብዶኬ ኢንታ ኬሊ̇ንባር ማ̈ቃ̇ባሶን ኢንታ̇ብ ኤሪንቲ̇ኔ፤ ኢንቲ̇ ሶ̈ሊኖንዳ ኣፋፖ ዬይኖ ጌ̈ሻ̇ ኣያ̇ና ጎይባራ ዓት ዪንታ̇ብ ዎጛላ ሳባኪ̇ኖ ኣሳን ሶ̈ሊኖን ኢዞ ሚን ሶ̈ሊኔ፤ ባዚን ዪኖ̇ ኣፎ ኪ̈ታንቻ̇ንር ቤቃ̇ንዳብ ኢኒ̇ቲ̈ሬ።

1 ጴጥ 1:12 ပူးပေါင်းရင်းမြစ်များ

ማ̈ቶ̈ሳ 11:25

ዪና̇ ኢዝባራ ዬሱ̈ሲ “ኣፎ ሳ̈ዚምቢኬ ሳ̈ዶ̇ ሳ̈ዚምቦ ጎዳ ቴ ባ̈ባ̈ዶ! ዓኖ̇ ኔ̈ኒ ኤጫንፕኬ ኤራንፖ̇ ጌ̈ሚራ ኤራ ባዮ̇ ዳሻንቦ ቤይሲኖንኮታቦ̇ ቴ ኔ̈ና ጋላታ̈ሬ።

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ማ̈ቶ̈ሳ 16:17

ዬሱ̈ሳር ኢ̈ኮ “ዮ̈ና ናኣ ሲሞ̈ኖ! ዓኖ̇ ኔ̈ና ቤይሲኖ̈ዲ ኣፋ ዎ ቴ ባ̈ባ̈ዲዶኬ ኣስ ጊዳካዬ። ዪ̈ኮታ̇ቦ ኔ̈ኒ ኣንጂንቲ̇ኖ̈ዳ።

ማ̈ርቆ̈ሳ 16:15

ኢናፖ̇ ኢንታ ኪ̈ቲ̇ርዶ̈ሪ “ሳ̈ዝ ኤ̈ሻ̇ ዎይ ጋልዳ ሉኪ̇ብቴ፤ ዎጛሊንዶ ኣሳ ዎይ̈ቦ ሶ̈ሊብቴ፥

ሉቃ̈ሳ 15:10

ዪና̇ ኢዝፌ̈ኒ ፔቲ̇ ናጋራንቻ ኣሲ ማ̈ሪቲ ጌሌጌይን ጾ̈ሳ̇̇ ኪ̈ታንቻን ቲ̈ን ኡፋስ̇ ማቂ̇̈̇̈ሬ” ጌይዴ።

ሉቃ̈ሳ 2:26

ኢያሬ ጎዳ ጾ̈ሳ̇̇ ሚሻንዳ ጌይኖ ክርስቶ̈ሳ ቤቃካ̇ይዶ̈ር ዓይቂ̇ባ̈ሶን ጌ̈ሻ̇ ኣያ̇ና ቲ̈ኒታር ኢ̈ብ ሶ̈ሊኔ።

ሉቃ̈ሳ 9:6

ኢንታ̇ሬ ኢናፖ̇ ኬስካ̇ሪ ዎጛላ ሳባ̇ኪሙታ̇ኬ ማኖን ፋሙታ̇ ሳፋራ ጋርሳ̇ባር ዎይ ቢሪንቲ̇ዴ።

ዋ̈ኒ̇ሳ 15:26

ቴ ባ̈ባ ጋልዳፖ̇ ኬስኪ̇ዛ̈ዲክ ታ̈ናር ኢ ጋልዳፖ̇ ዪንታ̇ብ ሚሺዛ ሚ̈ንዛ ማ ጾ̈ሲ ኦ̈ናኮ ኣሳብ ኤሪሲዝ ኣያ̇ና ዬ̈ሪ ኢ ቴ ባዝ ዪንታ̇ብ ማርኪቲ̈ሬ።

ሃዋ̈ራታን ኦ̈ሳ 10:44

ጴ̈ጥሮ̈ሲ ቢርት ዪና̇ ሶ̈ላምባራ ጾ̈ሳ̇̇ ቃ̈ሊን ሲስኪ̇ኖ ዎይ ኣሳን ጋልዳ̇ ጌ̈ሻ̇ ኣያ̇ና ሶ̈ቢዴ።

ሃዋ̈ራታን ኦ̈ሳ 16:10

ጾ̈ሲ̇ ኑ̈ና ማቂዶ̈ና ሉካ̇ሪ ኢኖ ኣሳ̈ቦ ዎጛላ ታማ̈ርሳምፔ̈ኒ ኮዪኖን ኑ ኤሪኖኮታ̇ቦ፥ ጳውሎ̈ሲ ሳጺን ቤቂ̇ኖፖ̇ ዎሃ ኑ ኢና ኤሊ̇ር ሉካ̇ንዳቦ ጊ̈ጊንቲ̇ዴ።

ሃዋ̈ራታን ኦ̈ሳ 2:33

ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ።

ሃዋ̈ራታን ኦ̈ሳ 4:31

ኢንቲ ዎ̈ሲኖፖ ዓኒ ኢንቲ ዎ ቤሲን ኤንኣዴ፤ ዎይን ጌ̈ሻ̇ ኣያ̇ናባር ኩሚዴ፤ ጾ̈ሳ̇ ቃ̈ላ ኢ̈ጫካ̇ይዶር ሶ̈ሊዴ።

ሃዋ̈ራታን ኦ̈ሳ 4:8

ዪና̇ ኢዝባራ ጴ̈ጥሮ̈ሲ ጌ̈ሻ̇ ኣያ̇ናባር ኩማሪ ኢንታ̇ኮ “ዪንቲ̇ ዎርዣ ኣላቃንኬ ጋዳ ጪጛሻን!

ሃዋ̈ራታን ኦ̈ሳ 8:25

ጴ̈ጥሮ̈ሳኬ ዋ̈ኒ̇ሳክ ዎልኣ ጎዳ ቃ̈ሊን ማርኪቲ ጌ̈ሻ̇ር ሶ̈ሊኖፖ̇ ዓኒ ዎይሊን ቤስ̇ ሳማ̈ራ ጋዲን ጋርታ ዎጛላ ሳባ̇ኪ ሙታ̇ ማ̈ቂ̇ ዬሩሳ̈ላም ዬይዴ።

ሮሜ 1:15

ዪዚ ዪ̈ኮታ̇ቦ ታ̈ኒ ዪንቲ̇ ሮማ ጋዳ̇ ዎንባራሬ ዎጛላ ሳባ̇ካንዳቦ ዎይሊንስ ኢኒ̇ታ̈ሬ።

ሮሜ 1:17

“ጺላ̇ ኣሲ ሼምፓ ዲጚ̈ዛ̈ዲ ኣማ̇ናባራ” ጌዪ ጻ̈ፊንቲ̇ኖንዲፌ̈ኒ ዎጛላ ጋልዳ ጾ̈ሳ̇̈ዲ ኣስ ዎዛርታር ጺላ ማሂ̈ርኮ ኤሪንቲ̇ኔ፤ ዪ̈ዳሬ ኣሲ ጺሊ̇ዛ̈ዲ ሜላ ባዚ ኢና ጌላካ̇ይዶን ኣማ̇ናባር ሙታ̇።

ሮሜ 10:15

ታማ̈ርሲዝ ኣስ ኪታ̈ር ሚ̈ሻካይ ኣቴጌይን ዎዛርታ̈ር ኢንቲ̇ ቃ̈ሊን ታማ̈ርሳንዳብ ዳንዳኢራ? ዪና̇ሬ ጌ̈ሻ̇ ማ̈ጻ̈ፋ ጋልዳ “ኡፋይሳ̇ዝ ጾ̈ሳ̇ ቃ̈ሊ̈ን ኤሄይዝ ኣሳን ዬንቲ̇ንዳ ዎዛርፌ̈ን ኡፋይሳ̈ራ!” ጋ̈ሪ ጻ̈ፊንቲኖንዲፌ̈ኔ።

1 ቆሮ 2:10

ዎቲናካሬ ጌ̈ሚቲኖ ባዛን ጾ̈ሳ̇̇ ፌ ኣያ̇ናባራ ኑ̈ቦ ፋላ̇ ጋልዳ ኬሳ̇ር ቤይሲኔ፤ ጾ̈ሳ̇̇ ኣያ̇ና̈ዲ ሜላ ኣቲ̇ን ኦ̈ናካር ኤራንዳብ ዳንዳኢባ̈ሶ ጾ̈ሳ̇̇ ባዝ ኣታካ̇ይ ዎይ ባዝ ቤቂ̇ ዲጚ̈ሬ።

2 ቆሮ 1:22

ኑ ኢያይ ማ̈ቂ̇ኖን ማርኪቲዝ ማ̈ታማ ኑ ጋልዳ ጋዲ̇ ዎሃ ኑ̈ብ ኢማ̇ዝ ባዚምቦ ፌ ጌ̈ሻ ኣያ̇ና̈ዳ ቃብዳፌ̈ን ኑ ቡ̈ዲን ጋርታ ጋዲ̇ኖ ኢያ።

2 ቆሮ 6:6

ማ ጌ̈ሺ̇ቲባራ፣ ኤራባራ፣ ጋርዣባራ፣ ኮሺ̇ቲባራ፣ ጌ̈ሻ̇ ኣያ̇ናባር ቲ̈ንቲ̇ሙታ̇ኬ ኪን ቡ̈ዳባር ካንባራ፥

ጋላ̈ታ 1:12

ታ̈ና ዓና̇ ዎጛሊንዶ̇ ዬሱ̈ስ ክርስቶ̈ሲ ቤይሲንዶኬ ታ̈ኒ ኦ ጋልዳፓካር ኤካካ̇ዬ፥ ኦ̈ናካር ኣሲ ታ̈ና ታማ̈ርሳካ̇ዬ።

ጋላ̈ታ 1:16

ታ̈ኒ ኣይሁድ ባዮ̇ ኣሳን ጋርታ ጾ̈ሳ̇̇ ናኣ ባዝ ሳባ̇ካኒፌን ጾ̈ሲ ኢያ ታ̈ና ኤሪሳንዳብ ኮዪኖ ኬል̇ባራ ታ̈ኒ ኦባርካር ዞሪንታካ̇ዬ።

ኤፍ 3:10

ኢ ዪኖ̇ ዎቲኖ̈ዲ ዎሳሊ ባዮ̇ ፌ ኤሪንዶ ዓቶ̇ ኬ̈ሊ̇ን ጋርታ ዎ̈ሳ ኬ̈ ጎይባራ ኣፋ ዎ ኣላቃንብኬ ጋዣንቦ ኤሪንታምፔ̈ኒ ዎታንዳብ ቆፓ̇ሪዬ።

1 ታሳ 2:9

ኑ ኢሺንታ̇ን! ኑ̈ኒ ዎዛርፌ̈ን ኦ̈ ዳ̈ቡሪኖኮ ዪንቲ̇ ኤሪ̈ሬ፤ ኑ̈ኒ ዪንታ̇ብ ቶ̈ፊ ማ̈ቅባ̈ዳ ጋ̈ሪ ጋ̈ላሳ̈ር ቃማ̇ር ኦ̈ሙታ ዎጛላ ሳባ̇ኪዴ።

1 ጢማ̈ 3:16

ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።

ኢብ 11:13

ዪን ዎይ ጾ̈ሲ ኢንታ̇ብ ኢማ̇ንዳ ጌይኖን ቤኣካ̇ይዶር ፌ ኣማ̇ኒን ና̈ጊኖንዲፌ̈ን ዶኢ̈ርዶር ዓይቂ̇ዴ፤ ዎቲናካሬ ጾ̈ሲ ኢንታ̇ብ ኢማ̇ንዳብ ቃ̈ላ ጌሊኖ ባዛን ጎትዶር ቤቃ̇ሪ ዲጚኖ̈ዲፌ̈ን ፋይዳር ኡፋይቲ̇ዴ። ሳ̈ዝ ጋልዳ ኢንቲ ዛቃ̇ኬ ቤት ማ̈ቂ̇ኖን ኤሪዴ።

ኢብ 2:4

ጾ̈ሲ ማ ማላ̇፣ ጋራ̇ሚሲዝ ባዚ፣ ዱማ ዱማ ታ̈ሚ̇ራ̈ታን ኦ̈ሙታ̇ዶ̈ሪ ኢ ፌ ኮዪኖንዲፌ̈ኒ ፋጋር ኢሚ̇ኖ ጌ̈ሻ̈ ኣያ̈ና ኪልሳን ጎይባራ ኢንታ ማርኪቲ̈ን ኪን ማ̈ቂ̇ኖን ኤርሲ̇ኔ።

ኢብ 4:2

ኢንቲ ሲስኪ̇ኖ ዎጛላ ቃ̈ሊንዶ ኑ̈ናር ሲስኪ̇ኔ፤ ዎቲናካሬ ኢንቲ̇ ፌ ሲስኪ̇ኖ ቃ̈ሊንዶ ኣማ̇ናባራ ኤካካ̇ዮኮታቦ ኢንታ ማ̈ዳካ̇ዬ።

1 ጴጥ 1:25

ዎቲናካር ጾ̈ሳ̇ ቃ̈ሊንዳ ሜናብ ሚጛር ዶኣ̈ሬ።” ዪንታ̇̈ቦ ሳባ̇ኪንቲ̇ኖ ዎጛላ ቃ̈ሊንዳሬ ዓና̇ ኢዞ።

1 ጴጥ 4:6

ዪዚ ዓይቂ̈̇ኖ ኣሳንባር ኣታካ̇ይዶን ዎጛላ ሳባ̇ኪንቲ̇ኖንዳ ዓኒ̇ኮታ̇ቦ፤ ዪዚ ኢንታ ኣሲቲንባራ ኣሳ ጋ̈ልዳ ዬላ̇ዝ ፊርዲን ዎይ ኢንታ̇ ጋልዳ ዬላ̇̈ሬ፤ ዎቲናካሬ ኣያ̇ናባራ ጾ̈ሳ̇ ዶኣዚንዲፌ̈ኒ ሼምፓባር ዶኢ̈ሬ።

ሳጻ 5:11

ቴ ጌዳ ቤቃ̇ምባራ ዙ̈ፋኒንቦ፥ ኮቺንታ̇ንቤኬ ጪጛሻንቦ ቡጊዲንባራ ዎይሊን ኪ̈ታንቻን ጊርሲን ሲስካ̇ዴ፤ ኢንታ̇ሬ ፋይዲርኮ ዎይሊን ሙኩላኬ ዎይሊን ሚ̈ሎ̈ና ማቂ̇̈ሬ።