5 ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ና̈ሳፖ ኣቲ̇ን ኣላሚን ጋሚዛ ኦ̈ኖ?
ዬሱ̈ሲ ናሳ̈ክ ጌዪ “ዎዛርፌ̈ን ‘ኔ̈ብ ዳንዳኢንቲ̇̈ርኮ’ ጋ̈ር ሶ̈ላ̈ራ? ኣማ̇ኒዝ ኣሳቦ ዎይ ባዝ ዳንዳኢንቲ̇̈ሬ” ጌይዴ።
[ፊልጶ̈ሳር ኢ̈ኮ “ኔ ኪን ቡ̈ዳባር ኣማ̇ኒኖኮ ጻማ̇ቂንታ̈ንዳብ ዳንዳኣ̈ሬ” ጌይዴ። ና̈ሳዳር ኢ̈ኮ “ዬሱ̈ስ ክርስቶ̈ሲ ጾ̈ሳ̇ ናኢ ማ̈ቂ̇ኖን ታ ኣማ̇ና̈ሬ” ጋ̈ሪ ኢ̈ብ ማሂዴ።]
ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ኣሳ ጋርታ̇ ጾ̈ሲ ዶኢ̈ሬ፤ ና̈ሳ̈ዳሬ ጾ̈ሳ̇̇̈ባር ዶኢ̈ሬ።
ዬሱ̈ሲ ኢ ክርስቶ̈ሳ ማ̈ቂ̇ኖን ኣማ̇ኒዝ ኣሲ ዎይ ጾ̈ሳ̇̈ቦ ናኤ፤ ባ̈ባ̈ ካዝ ኣሲ ዎይ ናኣዳር ካሬ።
ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።
