1 ዋ̈ኒ̇ 4:9 - ኦራ ጫ̈ቃ ማጻ̈ፋ

⁹ ናኣ ጎይባራ ኑ̈ኒ ሼምፓ ዲጛምፔ̈ን ጾ̈ሳ̇ ፌ ናኣ ፔታ̇ና ኢያ ኣላሚን ጋርታ ሚሺኔ፤ ዪኒ̇ ጎይባራ ጾ̈ሳ̇ ፌ ካንን ኑ̈ብ ቤይሲኔ።

1 ዋ̈ኒ̇ 4:9 ပူးပေါင်းရင်းမြစ်များ

ማ̈ርቆ̈ሳ 12:6

ዓት ኢ̈ብ ኣቲ̇ኖንዳ ፌ ካዝ ናኣ ሚሻዚን ሙታ̇። “ዪዚ ታ ናኣ ሚሺኖኮ ኢ̈ብ ኢ̈ጪ̇ዝዳ” ጋ̈ር ቆፓ̇ሪ ዉርሲ ጋልዳ ፌ ናኣ ፔታ̇ና ሚሺዴ።

ሉቃ̈ሳ 4:18

“ጎዳ ኣያ̇ና ታ ጋልዳ ዎ፥ ዎርባያንቦ ጾ̈ሳ̇̇ ዎጛላ ታማ̈ርሳ̈ምፔ̈ኒ፥ ታ̈ና ማራ̇ጺኔ። ቃቺንቲ̇ኖንቦ ቢሊንታ̇ዚንዶ፥ ኣ̈ፍ ዎባ̇ን ቤቃ̇ዚን ሶ̈ላምፔ̈ኒ፥ ጮቃ̇ኒንቲ̇ኖን ናጻ ኬሳ̇ምፔ̈ኒ፥

ዋ̈ኒ̇ሳ 10:10

ሶላ̈ዲ ዉቃ̇ንዳ̇ቦ ሹካ̇ንዳብኬ ይሳ̇ንዳብ ሙታ̇ ዬዪሬ፥ ቴ ዬይኖንዳ ቴ ዶራን ሜናብ ሼምፓባር ዶኢ ዲጛምፔ̈ንኬ ፔቲ̇ ባዝ ኣባክ ኢንታ̇ብ ዪኖ ባዝ ባዪዶ̈ር ዶኣምፔ̈ኔ።

ዋ̈ኒ̇ሳ 14:6

ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።

ዋ̈ኒ̇ሳ 3:16

“ጾ̈ሳ̇̇ ናኣ ኣማ̇ኒዝ ኣስ ዎይ ሜናብ ሼምፓባር ዶኢ ዲጛምፔ̈ንዶኬ ያካ̇ይፌ̈ኒ፥ ጾ̈ሲ̇ ኣላሚን ዓና̇ ጋርታ̇ ዎ ኣሳን ዎይሊን ካኖኮታ̇ቦ፥ ፌ ናኣ ፔታ̇ና ኢያ ኢሚ̇ዴ።

ዋ̈ኒ̇ሳ 3:18

“ጾ̈ሳ̇̇ ናኣ ኣማ̇ኒዝ ኣሲ ዎይ ፊርዲንቲ̇ባ̈ሴ፥ ኢያ ኣማ̇ኒባ̈ሶ ኣሲ፥ ጾ̈ሳ̇̇ ናኣ ፔታ̇ና ኣማ̇ናካ̇ይ ኣቲ̇ኖኮታ̇ቦ ዓት ኢ ጋል ፊርዲን ዎ።

ዋ̈ኒ̇ሳ 5:23

ኢ ዪኖ̇ ዎቲኖንዳ̇ ኣሲ ዎይ ባ̈ባ ቦንቻ̇ዚንዲፌ̈ኒ ናኣ̈ዳር ቦንቻ̇ምፔ̇̈ኒዬ። ናኣ ቦንቺ̇ባ̈ሶ ኣሲ ኢያ ኪ̈ቲ̇ ሚሺኖ ባ̈ባ ቦንቺ̇ባ̈ሴ።

ዋ̈ኒ̇ሳ 6:29

ኢያር ኢንታኮ፥“ጾ̈ሳ̇̇ ዪንታ̇ ጋልዳፖ̇ ኮያዚንዳ̇፥ ኢ ኪ̈ታ̇ር ሚሺኖ ኣማ̇ናዚንዶ̇”ጋ̈ር ማሂዴ።

ዋ̈ኒ̇ሳ 6:51

ኣፋፖ̇ ሶ̈ቢኖ ሼምፓ ኢሚ̇ዝ ሶ̈ላ̇ ታ̈ና። ሶ̈ሊ̇ን ዪኖ̇ ሙይዝ ኣሲ ዎይ ሜናብ ዶኢ̈ሬ። ዓና̇ ኣላሚን ጋልዶ ኣሳንቦ ሼምፓ ማ̈ቃ̇ምፔ̈ኒ ቴ ኢማ̇ዝ ሶ̈ሊ̇ንዳ̇ ቴ ኣይሺ̇ንዶ̇” ጌይዴ።

ዋ̈ኒ̇ሳ 6:57

ሼምፓባር ዶኢዛ ቴ ባ̈ባ ታ̈ና ኪ̈ቲ̇ ሚሺኖንዲፌ̈ንኬ ታ̈ናር ኢ ጎይባራ ሼምፓባር ዎንዲፌ̈ን ቴ ኣይሺ̇ን ሙይዝ ኣሲ ዎይ ቴ ጎይባራ ሼምፓባር ዶኢ̈ሬ።

ዋ̈ኒ̇ሳ 8:29

ታ̈ና ኪ̈ታ̇ር ሚሺኖ ኢ ታባር ዎ፤ ቴ ዎይ ጋላስ ኢያ ኡፋይሲ̇ዝ ባዝ ኦ̈ዛኮታ̇ቦ ኢ ታ̈ና ኣሻ̇ካ̇ዬ” ጌይዴ።

ዋ̈ኒ̇ሳ 8:42

ዬሱ̈ሳር ኢንታኮ “ታ̈ኒ ዬይኖንዳ ጾ̈ሳ̇̇ ካንታ̇ ጋልዳፖ ማ̈ቂ̇ኖኮታ̇ቦ ጾ̈ሳ̇̇ ዎን ዪንታ̇ብ ባ̈ባ̈ኮ ዪንቲ ታና ካንዳብ ኮሺ̈ርዶ̈ን፤ ኢ ታ̈ና ሚሺን ዬ̈ዶ̇ኬ ቴ ፌ̈ብ ዬ̈ካ̇ዬ።

ዋ̈ኒ̇ሳ 9:3

ዬሱ̈ሳር ኢንታ̇ኮ “ኢያሬ ኢያ ዬሊኖንር ማ̈ቂ̇ን ና̈ጋራ ኦኖኮታ̇ቦ ጊዳካ̇ዬ፤ ዪና̇ ማ̈ቂ̇ኖዳ̇ ጾ̈ሳ̇̇ ኦ̈ሳ ኢ ጋልዳ ቤንታ̇ምፔ̈ኔ።

ሮሜ 8:32

ጾ̈ሲ ፌ ናኣ ፔታ̇ና ኢ̈ብ ሚጪንታ̇ካይዶር ኑ ዎይንኮታ̇ቦ ኢያ ኣ̈ ኢሚ̇ኖ̈ዲ ሜላ ባዝ ዎይ ዎዛርፌ̈ን ሜላ̇ ኑ̈ብ ኢሚ̇ባ̈ሳ?

ኢብ 1:5

ጾ̈ሳ̇̈ዲ ኪ̈ታንቻን ጋርታፖ፥ “ኔ ቴ ና̈ኤ፤ ዓ̈ታቦ ቴ ኔና̈ ዬ̈ሊኔ፤” ዎይ “ቴ ኢ̈ቦ ባ̈ባ ማ̈ቃ̇ንዳ ኢያር ታ̈ብ ናኢ ማ̈ቂ̇ሬ” ኦ̈ክ ጌይና?

1 ዋ̈ኒ̇ 3:16

ካን ኣብዝኮ ኑ̈ኒ ኤሪኖንዳ ዬሱ̈ስ ክርስ̇ቶ̈ሲ ፌ ሼምፒ̇ን ኑኮታ̇ቦ ኣ̈ ኢሚ̈ኖ̈ንኮታ̇ቦ፤ ኑ̈ናሬ ኑ ሼምፒን ኑ ኢሺንታ̇ንኮታ ኣ̈ ኢማ̇ንዳቦ ኮሺ̈̇ሬ።

1 ዋ̈ኒ̇ 4:10

ካን ጋ̈ዚን ዓኖ፤ ኑ̈ኒ ጾ̈ሳ̇ ካኖኮታ̇ቦ ጊዳካ̇ይዶን ጾ̈ሳ̇ ኑ̈ና ካኖ̈ብኬ ኑ ናጋሪን ኑ ጋልዳፖ ፋይምፔ̈ኒ ፌ ናኣ ሚሺኖኮታ̇ቦ።

1 ዋ̈ኒ̇ 4:16

ጾ̈ሲ ኑ̈ና ካዝ ካንንዶ ኑ̈ኒ ኤሪኔ ማ ኣማ̇ኒኔ። ጾ̈ሲ ካ̈ን ጾ̈ሴ፤ ካ̈ንባር ዶኢዝ ኣሲ ጾ̈ሳ̇̈̇ባር ዶኢ̈ሬ፤ ጾ̈ሳ̇̇ር ኢባር ዶኢ̈ሬ።

1 ዋ̈ኒ̇ 5:11

ማርኪቲንዳሬ ጾ̈ሳ̇ ኑ̈ቦ ሜና̈ብ ዶኣዚ ሼ̈ምፓ ኢሚ̇̈ኖንዲኬ ዪና̇ ሼምፒን ቤንቲ̇ኖንዳ ናኣ ጎይባራ ማ̈ቂ̇ኖን ማርኪታ̈ሬ።

1 ዋ̈ኒ̇ 5:13

ዪንቲ ጾ̈ሳ̇ ናኣ ኣማ̇ኒዛን ዎይንቦ ሜናብ ሼምፓባር ዶኢ ዎን ዪንቲ ኤራ̈ምፔ̈ኒ ዪኖ̇ ዎይ ቴ ዪንታ̇ብ ጻ̈ፊኔ።