1 ዋ̈ኒ̇ 4:4 - ኦራ ጫ̈ቃ ማጻ̈ፋ

⁴ ቴ ናኣን! ዪንቲ ጾ̈ሴ̇ዬ፤ ዪንታ ጋርታ ዎ ኣያ̇ና̈ዲ ኣማ̈ኒባሶ ኣሳ̈ን ጋርታ ዎፖ ሺሬ። ዪ̈ኮታ ዪንቲ ማቃ ማቂ̇ዝ ናባን ጋሚኔ።

1 ዋ̈ኒ̇ 4:4 ပူးပေါင်းရင်းမြစ်များ

ዋ̈ኒ̇ሳ 12:31

ዓና̇ ኣላሚን ፊርዲንታ̇ዝ ኬሊ̇ን ዓቴ̇፤ ጾ̈ሲ̇ ዓና̇ ኣላሚን ላ̈ ሴ̈ጣና ዛና ቶጚ̈ሬ።

ዋ̈ኒ̇ሳ 14:30

ዓና̇ ኣላሚምቦ̇ ላ̈ ሴ̈ጣኖ ዬይዛኮታ̇ቦ ዓኒፖ̇ ጌዳ ቴ ዪንታ̇ባር ዎይሊን ሶ̈ሊንታባሴ። ኢ ቴ ጋልዳ ኣባክ ፔቲ̇ ባዝ ዎታንዳብ ሲልጣ̈ና ኢ̈ብ ባዬ̇።

ዋ̈ኒ̇ሳ 16:11

ፊርዳ̇ ጎይ ሶ̈ላዚንዳ፥ ዓና ኣላሚን ላ̈ ጋልዳ ጾ̈ሲ̇ ፊርዲ̇ኖኮታ̇ቦ።

ዋ̈ኒ̇ሳ 17:23

ቴ ጌሻዚንዳ̇ ታ̈ኒ ኢንታ̇ባራ፥ ኔ̈ናሬ ታባራ ማ̈ቂ̇ኖንዲፌ̈ኒ ኢንታ̇ሬ ፎቲ ፔታ̇ን ማ̈ቃ̇ምፔ̈ኒዬ። ዪኒ̇ባራ ኔ ታ̈ና ኪ̈ታ̇ ሚሺኖንዲፌ̈ንኬ ታ̈ና ካኖንዲፌ̈ን ማ ኔ ኢንታ̇ር ካኖን ኣላሚን ጋልዶ̇ ኣሳን ኤራምፔ̈ኒዬ።

ሮሜ 8:31

ዪዚ ባዝ ዓኒኮታ̇ ኑ ኣብዝ ጋ̈ኔ? ጾ̈ሲ ኑባር ማ̈ቄ̇ጌዪን ኦ ኑ̈ና ጋማንዳ ዳንዳኢ̈ራ?

ሮሜ 8:37

ዪዚ ኑ̈ኒ ኑ̈ና ካኖ ክርስቶ̈ሳባራ ባዛን ዪን ዎይ ጋማሪ ጋሚ̇ዝ ኣሳንፖ̇ ሺ̈ሬ።

1 ቆሮ 2:12

ጾ̈ሳ̇̇ ጋልዳፖ̇ ኑ̈ብ ሜላ̇ ኢሚ̇ንቲ̇ኖ ባዛን ኣብዝኮ ኑ̈ኒ ኤራምፔ̈ኒ ጾ̈ሲ̇ ኑ̈ቦ ፌ ኣያ̇ና ኢሚ̇ዶኬ ዓኒ̇ ኣላሚን ጋልዶ ኣያ̇ና ኑ̈ብ ኢማ̇ካ̇ዬ።

1 ቆሮ 6:13

ዪንቲ̇ “ፊሺ̈ ሚላ̇ቦ፥ ሚላ̈ር ፊሻብ ዎ” ጌይሬ ዪዚ ጾ̈ሲ ፊ̈ሻር ሚላ̇ር ዎይ ይሲ̇̈ሬ፤ ዎቲናካሬ ኑ ኣሲቲንዳ ኦሎላብ ጊዳካ̇ይዶን ጎዳ̈ብ ኦ̈ንዳብ ዎ፤ ጎዳ̈ዳሬ ኑ ኣሲቲምቦ ኮሺ̇ዝ ባዝ ኦ̈ሬ።

2 ቆሮ 4:4

ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።

2 ቆሮ 6:16

ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈።

ኤፍ 2:2

ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ።

ኤፍ 3:17

ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።

ኤፍ 6:10

ዪዚ ዉርሲ ጋልዳ ቴ ዪንታ̇ክ ጋ̈ዚንዳ፥ ዪንታ̇ብ ጎዳባራ ዎ ፔቲ̇ቲ̇ንባርኬ ዪንቲ ኢ ጋልዳፖ̇ ዲጚዝ ጴች ዎልቂንባራ ሚ̈ጚብቴ̇።

1 ዋ̈ኒ̇ 2:1

ቴ ና̈ኣን! ዪንቲ ና̈ጋራ ኦ̈ካይፌ̈ኒ ቴ ዪንታ̇ብ ጻ̈ፋ̈ሬ፤ ማ̈ቂናካሬ ኣሲ ኦ̈ናካር ናጋራ ኦ̈ጌይንዶ ጾ̈ሳ̇ ባ̈ባ̈ ቲ̈ን ኑ̈ብ ጻባቃ ኤቂ̇ዛ ዎ፤ ኢያሬ ጌሻ̇ ዬሱ̈ስ ክርስቶ̈ሳ።

1 ዋ̈ኒ̇ 2:13

ባ̈ቢ̈ንታ̈ን! ቲና̈ፖ ዎ ኢያ ዪንቲ̇ ኤሪኖኮታ̇ቦ ቴ ዪንታ̇ቦ ጻ̈ፋሬ። ና̈ኢ̈ቲን! ዪንቲ ሴ̈ጣና ጋሚኖኮታ̇ቦ ቴ ዪንታ̇ቦ ጻ̈ፋ̈ሬ።

1 ዋ̈ኒ̇ 3:24

ጾ̈ሳ̇ ኪ̈ቲን ና̈ጊዛን ዎይ ጾ̈ሳ̇ባር ፔታ̇ን ማ̈ቃ̇ር ዶኢ̈ሬ፤ ጾ̈ሳ̇̇̈ዳሬ ኢንታ̇ባር ዶኢ̈ሬ። ኑ̈ናሬ ጾ̈ሳ̇ ኑ̈ባራ ዎን ኤራዚንዳ ኢ ኑ̈ቦ ኢሚ̇ኖ ኣያ̇ናባራ።

1 ዋ̈ኒ̇ 4:13

ጾ̈ሳ̇ ፌ ኣያ̇ና ኑ̈ብ ኢሚ̇ኖኮታ̇ቦ ኑ̈ኒ ጾ̈ሳ̇̇̈ባር ዶኣዚንዲኬ ጾ̈ሳ̇̇̈ዳር ኑባር ዶኣዚን ኑ̈ኒ ኤሪ̈ሬ።

1 ዋ̈ኒ̇ 4:16

ጾ̈ሲ ኑ̈ና ካዝ ካንንዶ ኑ̈ኒ ኤሪኔ ማ ኣማ̇ኒኔ። ጾ̈ሲ ካ̈ን ጾ̈ሴ፤ ካ̈ንባር ዶኢዝ ኣሲ ጾ̈ሳ̇̈̇ባር ዶኢ̈ሬ፤ ጾ̈ሳ̇̇ር ኢባር ዶኢ̈ሬ።

1 ዋ̈ኒ̇ 4:6

ኑ̈ኒ ጾ̈ሴ̇ዬ፤ ጾ̈ሳ̇ ኤሪዛን ዎይ ኑ̈ኮን ሲስኪ̇̈ሬ፤ ጾ̈ሴይ ጊዳካ̇ዮን ኑ̈ኮን ሲስኪ̇ባ̈ሴ። ኪ̈ን ኣያ̇ናኬ ማቃ ኣያ̇ና ኑ̈ኒ ዪኒ̇ባራ ኤሪ̈ሬ።

1 ዋ̈ኒ̇ 5:19

ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።

1 ዋ̈ኒ̇ 5:4

ኣጊሻ̈ቦ ጌይን ጾ̈ሳ̇̇ ናኢ ማ̈ቂ̇ኖን ዎይ ኣላሚን ጋሚ̈ሬ፤ ኑ ኣማ̇ኒንዶ ኣላሚን ጋማዚንዳ።

ሳጻ 12:11

ኢንቲ ዶራ̈ ሱ̈ንባርኬ ፌ ሶ̈ሊኖ ማርኪቲ ቃ̈ሊንባራ ኢያ ጋሚኔ፤ ኢንቲ̇ ፌ ሼምፒ̇ምቦ ሚጪንታ̇ካይዶር ፌ̈ና ዓይቃብ ኣ̈ ኢሚ̇ኔ፤