1 ዋ̈ኒ̇ 4:1 - ኦራ ጫ̈ቃ ማጻ̈ፋ

¹ ቴ ኢሺንታ̇ን! ኣላሚን ዓኒ̇ ጋልዳ ኣስ ባሊዚ ማቃ ማቂ̇ዝ ናባን ኬስኪ̇ኖኮታ̇ቦ ኣያ̇ና ዎይ ኪን ጌዪ ኤካፒ̇ቴ፤ “ጾ̈ሳ̇ ጋልዳፖ ዬይኖ ኣያ̇ናቤ ኢ̈ታ ኣያ̇ና” ጋ̈ሪ ጌ̈ዚንር ቆፓ̇ር ቤቂ̇ብቴ።

1 ዋ̈ኒ̇ 4:1 ပူးပေါင်းရင်းမြစ်များ

1 ታሳ 5:21

ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ።

2 ጴጥ 2:1

ሚኖ ኬል̇ባራ ዎ̈ርዣን ጊዳ̇ ማቃ ናቢ ዎንዲፌ̈ኒ፤ ዓት ዪንታ̇ ጊዳ̇ሬ ማቃ ቲሚርታ ታማ̈ርሲዝ ኣሳን ዬይሬ፤ ኢንቲ̇ ኣስ ይሲዝ ማቃ ቲሚርታ ኣሲ ኤራካ̇ዮ ጎይባራ ዎይ ቤስ̇ ዬልሲ̇̈ሬ፤ ኢንታ̇ ፋኖ ጎዳ ካ̈ዳሪ ኤሪንታ̇ካይ ኤሊ̇ባር ዬይዝ ጎይላ ፌ ጋልዳ ኤሄይሬ።

1 ጢማ̈ 4:1

ጊዳን ዬይዝ ኬላ̇ን ጋርታ̇ ፔቲ̇ ፔቲ̇ ኣሳን ፌ ኣማ̇ኒን ኣሻ̇ሪ ባ̈ልዝ ኢ̈ታ ኣያ̇ና ጎይኬ ሴ̈ጣና ቲሚርታ ዎሂን ዬዚን ጾ̈ሳ̇ ኣያ̇ና ፋል̇ ሶ̈ሊ̈ሬ።

2 ዋ̈ኒ̇ 1:7

ዬሱ̈ስ ክርስቶ̈ስ ኣስ ማ̈ቃ̇ር ሳ̈ዚን ዓኒ̇ ጋልዳ ዬይኖንዶ ኣማ̇ኒባ̈ሶ ዎይሊን ኣስ ባሊዝ ኣሳን ዲንዲ̇ኔ። ዪ̈ዲፌ̈ኖ ና̈ሳ̈ዲ ኣስ ባሊዝ ኣስኬ ክርስቶ̈ሳ ኢጺ̇ዝ ኣሴ።

1 ቆሮ 14:29

ካ̈ያ ካ̈ዪዝ ኣሳን ና̈ምኢ ዎይ ዓይዚ̇ ማ̈ቃ̇ሪ ሶ̈ላጋ̈ቤ፤ ሜላን ሶ̈ሊንቲኖን ሲስካ̇ሪ ኮሺንቺ̇ ማሊ̇ ቤቃ̇ጋቤ።

1 ዋ̈ኒ̇ 2:18

ታ ናኣን! ዓና̈ ዉ̈ርሲ ሳ̈ኣታ፤ “ክርስቶ̈ሳ ኢጺ̇ዝ ኢ ጻላ̈ታ ዬይሬ” ጌይኖን ዪንቲ̇ ሲስኪ̇ኔ፤ ዓታ̇ር ማ̈ቂ̇ን ክርስቶ̈ሳ ጻላ̈ታን ዎይሊን ኬስኪ̇ኔ፤ ዪዚ ዪኒ̇ባራ ዉርሲ ሳኣ̈ቲ̇ን ዬሊ̇ኖን ኑ̈ኒ ኤሪ̈ሬ።

ሉቃ̈ሳ 12:57

“ዪዚ ዪንቲ̇ ኪን ማ̈ቂ̇ኖ ባዝ ኤራር ኣባብ ኦ̈ባ̈ሳ?

ሉቃ̈ሳ 21:8

ኢያር ኢንታ̇ኮ “ኦ̈ናካር ዪንታ̇ ባሊካ̇ይፌ̈ኒ ዪንታ̇ ናጊብቴ̇። ኣባ ጌይን ዎይሊንን ‘ታ̈ኒ ክርስቶ̈ሳ’ ማ ‘ኬሊ̇ን ዬሊ̇ኔ’ ጌዪ ሙታ̇ ቴ ሱምባር ዬይሬ። ዪዚ ዪንቲ̇ ኢንታኮን ሲስካ̇ፒ̇ቴ።

2 ጢማ̈ 3:13

ዎቲናካር ኢ̈ታ ኣሳንኬ ማይጺሳር ኣቂዝ ኣሳን ሜላን ባሊሙታ̇ኬ ፌ ቆሚ̇ምባር ባሊቲ̇ሙታ̇፥ ኢ̈ታ ባዝ ጋልዳ ኢ̈ታ ባዝ ጉጂ̇ሙታ̇ ሉኪ̇̈ሬ።

ሳጻ 2:2

ኔ ኦ̈ሲንዶ፣ ኔ ዋ̈ዪንዲኬ ኔ ጋርዢን ታ̈ኒ ኤራ̈ሬ፤ ኢ̈ት ኦ̈ዝ ኣሳን ቤቃ̇ራ ሜላ̇ ኣሻ̇ር ኣ̈ካዮንዶ፥ ማ ሃዋ̈ራታ ባዪዶሪ ፌ̈ና ሃዋ̈ራታ ጌይዛን ኮሺንቻ ቤቃ̇ራ ኢንታ ማቃ ማቂ̇ዝ ኣስ ማ̈ቂ̇ኖን ኔ ዲጚኖን ቴ ኤራ̈ሬ።

1 ቆሮ 12:10

ዪና ኢዝፌ̈ኒ ፔታ̇ና̈ቦ ታሚ̇ራ̈ታ ኦ̈ዝ ዎልቃ ኢሚ̈̇ሬ፤ ሜላ̈ቦ ካ̈ያ ካ̈ዪዝ ኪልሲ፤ ማ ሜላ̈ቦ ጌ̈ሻ̇ ኣያ̇ና ማ̈ቆ̇ ዎይ ሜላ ኣያ̇ና ማ̈ቆ ፋጋር ኤርሲዝ ኪልሲ፤ ፔታ̇ና̈ቦ ኦራ ኖ̈ናባር ሶ̈ላምፔን፤ ሜላ̈ቦ ኦራ ኖ̈ናባር ሶ̈ሊንቲኖን ቢርቺ̇ዝ ኪሊስ ኢሚ̈̇ሬ።

ሃዋ̈ራታን ኦ̈ሳ 20:29

ቴ ሉኪ̇ኖፖ̇ ዎሃ ኣማ̇ኒኖ ኣሳንቦ ሚጪንቲ̇ባ̈ሶ ዬ̈ያፌ̈ኖ ኢ̈ት ውጫ ኣሳን ዪንታ̇ ጋርታ̇ ጌላዚን ቴ ኤራ̈ሬ።

ማ̈ርቆ̈ሳ 13:21

ዪዚ ኦናክ ዪንታ̇ኮ “ክርስቶ̈ሲ ዓይ ዎ” ዎይ ኣቴ̇ጌይን “ሴካይ ዎ” ጌይጌይንዶ ዪንቲ ኪን ጋ̈ፒ̇ቴ።

ሃዋ̈ራታን ኦ̈ሳ 17:11

ቤ̈ራ ጋዶ̇ ኣሳን ታሶሎንቃ̇ ዎ̈ ኣሳንፖ̇ ኮሽ̇ ቆፒ̇ዝ ቡ̈ዳባሮ ኣሴ። ኣባ ጌይን ባዝ “ዪና̇ ኪንዶ̈ኔ” ጋ̈ሪ ጾ̈ሳ̇̇ ቃ̈ላ ጻ̈ፊንቲ̇ኖ ማጻ̈ፋ ዎይ ጋላስ ናባ̇ቢሙታ̇ ቃ̈ሊንዳሬ ጴች ኡፋይስባር ኤኪ̇ዴ።

1 ታሳ 5:20

ካ̈ያባር ሶ̈ሊዝ ኪልሲን ሌቃ̇ፒ̇ቴ፤

2 ታሳ 2:2

ካ̈ያባራ ዎይ ቃ̈ላባራ ሶሊንቲ̇ኖዲፌ̈ን ቆፓ̇ሪ ዎይ ኑ ጻ̈ፋር ዪንታ̇ብ ሚሺኖ ኪ̈ታፌን ማሃሪ “ጎዳ ዬ̈ዝ ቃሚ̇ን ዬሊ̇ኔ” ጋ̈ሪ ኤሊ̇ር ዪንታ̇ ቆፊባር ጌዳክ ዓኒክ ጋ̈ፒ̇ቴ፤ ማ ሼምፓር ዶኢብቴ።

1 ዋ̈ኒ̇ 2:7

ቴ ላጋ̇ን! ቴ ዓት ዓና̇ ዪንታ̇ብ ጻ̈ፋዚንዳ ዪንቲ̇ ቲ̈ናፖ ሲስኪ̇ሙታ ዎባዝዶኬ ኦራ̈ ኪ̈ታ ጊዳካ̇ዬ። ዪና̇ ሚኖ ኪ̈ቲንዳ ዪንቲ̇ ኢዞ ዓኒ̇ፖ ቲ̈ን ሲስኪ̇ኖንዶ።

3 ዋ̈ኒ̇ 1:11

ቴ ላጋ̇̈ዶ! ኮሽ ኦ̈ዛን ማይጻብዶኬ ኢ̈ት ኦ̈ዛን ማይጻፔ̇። ኮሽ ኦ̈ዛን ጾ̈ሳ̇ ኣሴ፤ ኢ̈ት ኦ̈ዝ ኣሲ ጾ̈ሳ̇ ቤቃካ̇ዬ።