1 ዋ̈ኒ̇ 3:3 - ኦራ ጫ̈ቃ ማጻ̈ፋ

³ ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።

1 ዋ̈ኒ̇ 3:3 ပူးပေါင်းရင်းမြစ်များ

ማ̈ቶ̈ሳ 5:48

ዪ̈ኮታ̇ቦ ኣፎ ዪንታ̇ ባ̈ባ̈ዲ ዉርሲ ማዛ ኢ ጋልዳ ባዮ̇ንዲፌ̈ኒ፥ ዪንታ̇ሬ ዉርሲ ዪንታ ̇ጋልዳ ማዛ ባዮ̇ ኣስ ማ̈ቂ̇ብቴ።

ሉቃ̈ሳ 6:36

ዪንታ̇ ባ̈ባ ኣሳብ ሚጪንታ̇ዚንዲፌ̈ኒ ዪንታ̇ር ኣሳቦ ሚጪንቲ̇ዛን ማ̈ቂ̇ብቴ።

ዋ̈ኒ̇ሳ 17:19

ኢንቲ̇ ፌ ኣሲቲን ዉርሲ ኔ̈ዪ ማ̈ሳምፔ̈ኒ ታ̈ናር ታ ኣሲቲንዶ ዉርሳ ኔ̈ብ ኢሚ̇ኔ።

ሃዋ̈ራታን ኦ̈ሳ 15:9

ኢ ኢንታ̇ ቡ̈ዲን ኣማ̇ና ጎይስባራ ጌ̈ሺ̇ኖኮታ̇ቦ ኑ̈ናኬ ኢንታ̇ኬ ዎል ፔታ̇ን ቤቂ̇ኔ።

ሮሜ 15:12

ዪና̇ ኢዝፌ̈ኒ ናባ ኢሳ̈ሲ ጌይርዶሪ፦ “ኢሳ̇ያ ዜር ጋ̈ርታፖ ዬሊንቲ̇ዛ ዬይሬ፤ ኢ ኣይሁድ ባዮ̇ ኣሳን ኣቂሲዝ ኣስ ማ̈ቂ̈̇ሬ፤ ኢንታር ኢ ጋልዳ ታስፋ ጋዲ̇̈ሬ” ጌይሬ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

ቆላ̈ሳ̈ሳ 1:5

ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ።

2 ታሳ 2:16

ኢ ኑ ጎዳ ዬሱ̈ስ ክርስቶ̈ሳኬ ኑ̈ና ካኖ ፌ ኮሺ̇ቲንባር ሜና ሚ̈ንቲንዲኬ ማ ኮሻ̇ ታስፋ ኢሚ̇ኖ ጾ̈ሳ̇ ኑ ባ̈ባ̈ዲ

ቲ̈ታ̇ 3:7

ዪኖ̇ ኢ ዎቲኖንዳ ኑ̈ኒ ኢ ካንንባራ ጌሻ̇ ኣስ ማ̈ቃ̇ሪ ኑ ታስፋባር ና̈ጋዚን ሜናብ ዶኣዝ ሼምፒ̇ንዶ ኤካምፔ̈ኔ።

ኢብ 12:14

ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።

ኢብ 6:18

ዪና̇ ኢዝፌ̈ኒ ጾ̈ሳ̇̈ዲ ላሚንቲ̇ባ̈ሶንኬ ኢ ማቃ̇ንዳብ ዳንዳኢባ̈ሶ ናምኢ ባዛን፤ ኢንታ̇ሬ ታስፋኬ ጫ̈ቃክ ኑ̈ብ ኢሚ̇ኔ፤ ዪን ላ̈ሚንቲ̇ባ̈ሶ ናምኢ ባዛን ጎይባራ ኑ ቲ̈ን ዎ ታስፊን ሚ̈ጛር ና̈ጋንዳብ ዳንዳኣምፔ̈ን ማ̈ዲ ዲጛንዳብ ጾ̈ሳ̇̈ክ ዎጺኖን ኑ̈ኒ ጴች ሚንቲ ዲጚ̈ሬ።

ኢብ 7:26

ዪ̈ፌን ጌ̈ሽ፣ ኢ ጋልዳ ማ̈ዛ̈ ባዮ፣ ዪርጭ ጋ̈ር ጌ̈ዥጊኖ̈ዳ ናጋራንቻን ጋልዳፖ ጎቲ̇ኖዳ፣ ኣፋፖ ፉዳ ሾክ̇ ጌይኖ ቄ̈ሳ ኣላቃ ኑ̈ብ ኮሺ̇̈ሬ።

ዓይ 4:8

ዪንቲ̇ ጾ̈ሳ̇̇̈ኮ ኡኪ̇ብቴ̇፤ ኢያሬ̈ ዪንታ̇ኮ ኡኪ̇̈ሬ። ናጋራንቻ̇ን! ዪንቲ̇ ናጋራ ኦ̈ዚን ኣሺ̇ብቴ̇። ናምኢ ቆፊባር ጌዳክ ዓኒክ ጌይዛን! ዪንታ̇ ቡ̈ዲ̇ን ጾ̈ሳ̇̇̈ክ ማ̈ሂብቴ̇።

1 ጴጥ 1:15

ዪንታ̇ ጼይጊኖ ጾ̈ሳ̇ ጌ̈ሽ̇ ማ̈ቂ̇ኖንዲፌ̈ኒ ዪንታ̇̈ሬ ዪንታ̇ ዶኢንባራ ዎይ ጌ̈ሽ̇ ኣስ ማ̈ቂ̇ብቴ፤

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።

2 ጴጥ 1:4

ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።

2 ጴጥ 3:14

ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

1 ዋ̈ኒ̇ 2:6

“ታ̈ኒ ክርስቶ̈ሳባር ዶኣ̈ሬ” ጌይዝ ኣሲ ክርስቶ̈ሲ ዶኢኖንዲፌ̈ን ዶኣንዳ̇ብ ኮሺ̇̈ሬ።

1 ዋ̈ኒ̇ 4:17

ዓኒ̇ ኣላሚን ጋልዳ ኑ ዶኢንዳ ኢያ ማይጺዛኮታ̇ቦ ዪዚ ጾ̈ሳ̇ ፊርዲዝ ቃሚ̇ን ጋርታ ኑ̈ኒ ኢ̈ች ቤይ ኢ ቲ̈ን ኤቃ̇ንዳቦ ዳንዳኣምፔ̈ኒ ዪኒ̇ ጎይባራ ካን ኑ ጊዳ̇ ፎቲ ማ̈ቂ̇ኔ።